2 Samuel 1:16 - ŊMALƐ KRƆŊKRƆŊ LƐ

¹⁶ Ni etswa oblanyo lɛ nɔ, ni egbo. Kɛkɛ ni David kɛɛ, “Oyi sɔ̃ atere bo diɛŋtsɛ, ejaakɛ bo diɛŋtsɛ onaabu eye odase eshi bo, ejaakɛ okɛɛ, ‘Migbe mɔ ni Yehowa efɔ lɛ mu lɛ.’ ”

Ṅmãle̱ Kroṅkroṅ Le̱

¹⁶ Ni David kē̱le̱ ake̱: *Olá abua oyiteṅ! edšake̱ bodientše̱ onābu ye odase ešio ake̱: Migbe moni Iehowa efo̱le̱ mũ le̱! *1 Maṅ. 2,23. 35.

2 Samuel 1:16 ပူးပေါင်းရင်းမြစ်များ

2 Samuel 1:10

No hewɔ lɛ, mitsi mibɛŋkɛ lɛ, ni migbe lɛ, ejaakɛ mina akɛ eshigbeemɔ nɛɛ sɛɛ lɛ bɔ fɛɛ bɔ ni fee lɛ eyi naŋ wala. No sɛɛ lɛ, mijie maŋtsɛ akekre ni fi eyitso lɛ kɛ ga ni ewo yɛ ekɔŋ lɛ, ni mikɛba mikɛbaahã bo, minuŋtsɔ nɛɛ.”

2 Samuel 16:8

Yehowa miiwo bo Saul wekumɛi alá shi ni oshwie lɛ fɛɛ he nyɔmɔ. Obashɔ̃ maŋtsɛyeli lɛ yɛ Saul dɛŋ, ni Yehowa hu eshɔ̃ ekɛhã obinuu Absalom. Bɛ ona akɛ gbɔmɔgbelɔ ni oji hewɔ lɛ ohiɛ ekpãtã?”

1 Maŋtsɛmɛi 2:37

Ejaakɛ gbi nɔ ni oooje kpo oyafo Kidron faa lɛ, na ole akɛ gbo obaagbo, olá abua bo diɛŋtsɛ oyiteŋ!”

Hiob 15:6

Bo diɛŋtsɛ odaaŋ wiemɔ miibu bo fɔ, shi jeee mi; bo diɛŋtsɛ odaaŋ wiemɔ miiye odase miishi bo.

Abe̱i 6:2

ni atsɔ̃ olilɛi nɔ adu bo, aloo atsɔ̃ odaaŋ wiemɔ nɔ amɔ bo lɛ,

Ezekiel 18:13

Efaa shika ni eheɔ hekpa fe nine. Aso nɛkɛ gbɔmɔ yi aaana wala? Eyi naŋ wala. Akɛni efee nɛkɛ musubɔɔnii nɛɛ fɛɛ eko hewɔ lɛ gbo kɛ̃ eeegbo; ela aaabua lɛ diɛŋtsɛ eyiteŋ.

Ezekiel 33:5

Ejaakɛ enu tɛtɛrɛmantɛrɛ lɛ gbɛɛmɔ, shi ebooo adafitswaa lɛ toi; elá abua lɛ diɛŋtsɛ eyiteŋ. Eji ebo adafitswaa lɛ toi kulɛ eeehere eyiwala.

3 Mose 20:16

Kɛji yoo ko bɛŋkɛ kooloo ko, ni ekãa shi ehãa lɛ, ni ekɛ kooloo lɛ wɔ lɛ, agbe yoo lɛ kɛ kooloo lɛ fɛɛ; amɛmusu atere amɛ.

3 Mose 20:27

“Nyɛteŋ nuu loo yoo ni aaayabi nii yɛ sisa ŋɔɔ lɛ, atswia lɛ tɛ ni egbo. Mɔ fɛɛ mɔ ni feɔ enɛ lɛ egbele sɔ̃ atere lɛ diɛŋtsɛ.”

3 Mose 20:9

“Mɔ fɛɛ mɔ ni lomɔɔ etsɛ loo enyɛ lɛ, agbe lɛ. Etsɛ kɛ enyɛ elomɔ lɛ; esɔ̃ atere lɛ.

Mateo 27:25

Ni maŋ lɛ fɛɛ here nɔ amɛkɛɛ, “Elá aba wɔ kɛ wɔbii anɔ!”

Luka 19:22

Shi ablade lɛ kɛɛ akɛ, ‘Tsulɔ fɔ̃ŋ, bo diɛŋtsɛ odaaŋ wiemɔ mikɛaakojo bo! Ni ole akɛ yiwalɔ ji mi, ni mikɔɔ nɔ ni mikɛfɔ̃ko shi, ni mikpaa nɔ ni miduko lɛ,

Bɔfoi 18:6

Shi akɛni amɛkuɔ enaa ni amɛwieɔ musubɔɔ wiemɔi hewɔ lɛ, ekpala ehe eshwie amɛnɔ ni ekɛɛ amɛ akɛ, “Nyɛlá abua nyɛyiteŋ; mi lɛ sɔ̃ ko wulaaa mi. Kɛjɛ be nɛ nɔ kɛyaa nɛɛ, matee jeŋmajiaŋbii lɛ aŋɔɔ.”

Bɔfoi 20:26

No hewɔ lɛ, ŋmɛnɛ gbi nɛɛ miiye odase miitsɔ̃ɔ nyɛ, akɛ miyeee nyɛteŋ mɔ ko mɔ ko lá yi sɔ̃;

Romabii 3:19

Shi agbɛnɛ wɔle akɛ nibii fɛɛ ni Mla lɛ kɛɔ lɛ, mɛi ni yɔɔ Mla lɛ shishi lɛ ekɛwieɔ, koni mɔ ko mɔ ko akana naabu, ni jeŋ muu lɛ fɛɛ aye fɔ yɛ Nyɔŋmɔ hiɛ.

5 Mose 19:10

Nyɛfea enɛ koni akashwie mɔ ni efeko nɔ fɔŋ ko lá shi yakatswaa yɛ shikpɔŋ ni Yehowa, nyɛNyɔŋmɔ lɛ, kɛhãa nyɛ lɛ nɔ, ni nyɛbaye lá yi sɔ̃.

Yoshua 2:19

Kɛji mɔ ko aaaje kpo yɛ owe lɛŋ ayi blohu lɛŋ lɛ, mɔ lɛ lá abua lɛ diɛŋtsɛ eyiteŋ, ni eyi sɔ̃ ko tereee wɔ. Shi kɛji mɔ ko yɛ oŋɔɔ yɛ owe lɛŋ, ni mɔ ko nine ta ehe lɛ, no lɛ no sɔ̃ lɛ atere wɔ.

Kojolɔi 9:24

Afee enɛ bɔ ni afee koni gbe ni agbe Gideon musuŋbii nyɔŋmai kpawo lɛ, agbala amɛnyɛmi Abimelek, kɛ Shekembii lɛ atoi yɛ he, ejaakɛ amɛ amɛwo Abimelek hewalɛ ni egbe enyɛmimɛi lɛ.

1 Samuel 25:39

Be ni David nu akɛ Nabal egbo lɛ nɔ ni ekɛɛ ji akɛ, “Yehowa yiwala dɔŋŋ. Etɔ ahora ni Nabal bɔ mi lɛ he owele ehã mi, ni asaŋ etsĩ mi, etsulɔ, naa hu koni mikayafee nɔ fɔŋ. Yehowa ehã Nabal musu ebua eyiteŋ.” David tsu fee sɛɛ atee akɛ Abigail yawie koni ekɛ lɛ afee eŋa.

1 Samuel 26:9

Shi David kɛɛ Abishai akɛ, “Kaakpãtã ehiɛ, ejaakɛ mɔ ko mɔ ko bɛ ni baawo enine nɔ yɛ mɔ ni Yehowa efɔ lɛ mu nɔ ni mɔ lɛ aaaŋɔ ehe aye.”