2 Samuel 1:11 - ŊMALƐ KRƆŊKRƆŊ LƐ

¹¹ Kɛkɛ ni David mɔ ehe atade lɛ mli, ni egbala lɛ yɛ ewerɛ sɔŋŋ ni eho ehe naa. Mɛi fɛɛ ni fata ehe lɛ hu fee nakai,

Ṅmãle̱ Kroṅkroṅ Le̱

¹¹ Ke̱ke̱ ni David mõ ebe atadei le̱ ni *egbla, ni mei ni fata ebe le̱ fẽ fe nakai; *1 Mose 37,29.

2 Samuel 1:11 ပူးပေါင်းရင်းမြစ်များ

1 Mose 37:29

Shi be ni Ruben ku esɛɛ kɛba bu lɛ he ekoŋŋ lɛ, Yosef bɛ bu lɛ mli. Kɛkɛ ni Ruben gbala ehe atadei lɛ,

1 Mose 37:34

Ni Yakob gbala ehe atade lɛ, ni ekɔ kpekpe emia ehɛ, ni eye ebi lɛ he ŋkɔmɔ gbii pii.

1 Mose 44:13

Kɛkɛ ni amɛkɛ dɔlɛ gbalagbalaa amɛhe atadei; ni amɛteŋ mɔ fɛɛ mɔ wo ejatsu etere eteji, ni amɛku amɛsɛɛ kɛba maŋ lɛ mli.

2 Samuel 13:19

Kɛkɛ ni Tamar loo lamlu eshwie eyiteŋ, ni egbala atade wuyaa fɛɛfɛo ni ewo lɛ, ni ekɔlɔ eniji eshwie eyiteŋ, ni ehiɛ yaafo gegeege kɛtee.

2 Samuel 13:31

Amrɔ lɛ nɔŋŋ ni Maŋtsɛ David ho edamɔ shi, ni egbala atadei lɛ yɛ ehe, ni eho ekã shikpɔŋ. Etsuji fɛɛ ni damɔ emasɛi nakai be lɛ gbalagbalaa amɛ hu amɛtadei.

2 Samuel 3:31

David fã Yoab kɛ ewebii lɛ fɛɛ ni ekɛnyiɛ lɛ akɛ, “Nyɛgbalaa nyɛhe atadei, ni nyɛbua kpekpe nyɛwoa yara nyɛfoa.” Maŋtsɛ David nyiɛ Abner gbonyo adeka lɛ sɛɛ.

2 Maŋtsɛmɛi 5:7

Be ni Israel maŋtsɛ lɛ kane wolo lɛ, egbala ehe atadei ni ekɛɛ, “Aso Nyɔŋmɔ ji mi ni migbeɔ mɔ, ni mihãa mɔ yi naa wala, hewɔ ni mɔnɛ tsuɔ miŋɔɔ akɛ mitsa mɔ ko kpiti mihã lɛ nɛɛ? Nyɛjwɛŋa he nyɛkwɛa ni nyɛaana akɛ minaa bei kɛkɛ etaoɔ nɛɛ.”

2 Kronika 34:27

oje ohe sɛɛ, ni oba ohe shi yɛ Nyɔŋmɔ hiɛ, ni be ni onu nɔ fɔŋ ni baaba Yerusalɛm kɛ Yerusalɛmbii anɔ lɛ hu lɛ oba ohe shi yɛ mihiɛ, ni ogbala ohe atade, ni owo yara ni ofo lɛ hewɔ lɛ, mi hu mibo bo toi.

Ezra 9:3

Be ni minu nɛkɛ sane nɛɛ, migbala mihe atade kɛ mihebo, ni mifãmɔ miyiteŋ tsɔi kɛ mitsɛŋ; ni mihe jɔ̃ mihe kɛta shi.

Ester 4:1

Be ni Mɔdekai na le nibii fɛɛ ni afee lɛ, ekɛ awerɛho gbala ehe atadei lɛ, ni ekɔ kpekpe ebu; asaŋ eloo lamlu ewo eyiteŋ. Kɛkɛ ni eje kpo kɛbote maŋ lɛ mli kɛ yaafo gegeege.

Yeremia 36:24

Maŋtsɛ lɛ ni jio, etsuji lɛ fɛɛ ni nu wolo kpo lɛ mli wiemɔi lɛ ni jio, amɛteŋ mɔ ko mɔ ko sheee gbeyei aloo egbalaaa ehebo ekɛtsɔ̃ɔ akɛ ewerɛ eho ehe.

Yoel 2:13

Nyɛtsɛrɛa nyɛtsuii, shi jeee nyɛtadei; nyɛkpalea kɛbaa nyɛNyɔŋmɔ lɛ ŋɔɔ, ejaakɛ durolɔ kɛ mlitsɔ̃lɔ ji lɛ; emli fuu mra, ni eyeɔ eshiwoo nɔ; ni emɔbɔnalɛ fa, ni eshwaa ehe yɛ nɔ fɔŋ hewɔ.

Bɔfoi 14:14

Shi be ni bɔfoi lɛ ni ji Barnaba kɛ Paulo nu he lɛ, amɛgbala amɛtadei ni amɛsha foi amɛyabote asafo lɛ teŋ amɛhiɛ blɔmɔ akɛ,

Romabii 12:15

Nyɛkɛ mɛi ni nyãa lɛ anyãa, ni nyɛkɛ mɛi ni foɔ lɛ afoa.

Yoshua 7:6

Kɛkɛ ni Yoshua kɛ Israel onukpai lɛ kɛ dɔlɛ gbala amɛhe atadei, ni amɛloo mlu amɛwo amɛyiteiaŋ, ni amɛkɛ amɛhiɛi bumɔ shi yɛ Yehowa Kpãŋmɔ Adeka lɛ hiɛ kɛyashi gbɛkɛ;