2 Samuel 1:10 - ŊMALƐ KRƆŊKRƆŊ LƐ

¹⁰ No hewɔ lɛ, mitsi mibɛŋkɛ lɛ, ni migbe lɛ, ejaakɛ mina akɛ eshigbeemɔ nɛɛ sɛɛ lɛ bɔ fɛɛ bɔ ni fee lɛ eyi naŋ wala. No sɛɛ lɛ, mijie maŋtsɛ akekre ni fi eyitso lɛ kɛ ga ni ewo yɛ ekɔŋ lɛ, ni mikɛba mikɛbaahã bo, minuŋtsɔ nɛɛ.”

Ṅmãle̱ Kroṅkroṅ Le̱

¹⁰ Ke̱ke̱ ni mitši mibe̱ṅke̱le̱ ni migbele̱, edšake̱ mile ake̱ eyi náṅ wala ye̱ ešigbēmo̱ ne̱ se̱; ni midšie maṅtše̱ akekre ni fī eyitšo le̱ ke̱ kõnga ní yo̱ ekõṅ le̱, ní mike̱ba bie̱ mibahã minuṅtšo̱.

2 Samuel 1:10 ပူးပေါင်းရင်းမြစ်များ

2 Samuel 1:16

Ni etswa oblanyo lɛ nɔ, ni egbo. Kɛkɛ ni David kɛɛ, “Oyi sɔ̃ atere bo diɛŋtsɛ, ejaakɛ bo diɛŋtsɛ onaabu eye odase eshi bo, ejaakɛ okɛɛ, ‘Migbe mɔ ni Yehowa efɔ lɛ mu lɛ.’ ”

2 Samuel 1:9

Kɛkɛ ni ekɛɛ mi akɛ, ‘Tsi oba ni obagbe mi, ejaakɛ ŋmiŋmi emɔ mi, tsɛ wala fioo yɛ mimli’.

2 Samuel 12:30

Kɛkɛ ni David jie shika maŋtsɛ fai ni akɛbu Amonbii ajemawɔŋ Molek lɛ shiu lɛ, ni ekɛbu lɛ diɛŋtsɛ eyitso. Maŋtsɛ fai nɛɛ tsiimɔ aaafee talenta kome, ni ojarawatɛ ko hɔ mli. No sɛɛ lɛ, eloo maŋ lɛ mli nibii babaoo diɛŋtsɛ.

2 Maŋtsɛmɛi 11:12

Kɛkɛ ni Yehoiada jie maŋtsɛ bi, Yoash, lɛ kɛje kpo, ni ekɛ maŋtsɛ akekre lɛ fi lɛ, ni eŋɔ kpãŋmɔ wolo ni maŋtsɛyeli he mlai yɔɔ mli lɛ ewo edɛŋ; ni amɛwo lɛ maŋtsɛ, ni amɛfɔ lɛ mu; ni maŋbii lɛ tswatswaa amɛdɛ̃, ni amɛkɛɛ, “Maŋtsɛ yi ana wala!”

Yāfó 5:16

Wɔnunyam akekre eje wɔyitso egbee shi. Kpoo hã wɔ! Ejaakɛ wɔfee esha.

Mateo 7:2

Shi nɔ kojomɔ ni nyɛkɛkojoɔ lɛ, akɛaakojo nyɛ; ni nɔ susumɔnɔ ni nyɛkɛsusuɔ lɛ, akɛasusu ahã nyɛ.

Kojolɔi 1:7

Adonibezek kɛɛ: “Maŋtsɛmɛi nyɔŋmai kpawo ni afolɔ amɛnine gɔntii lɛ kɛ amɛnane gɔntii lɛ kɔlɔ niyenii fufuji yɛ mikpɔlɔ̃ lɛ shishi. Bɔ ni mifee lɛ, nakai pɛ Nyɔŋmɔ efee mi eto najiaŋ nɛɛ.” Amɛkɛ Adonibezek ba Yerusalɛm, ni ebagbo yɛ jɛi.

Kojolɔi 9:54

Oya nɔŋŋ ni Abimelek tsɛ oblanyo ni hiɛ lɛ Abimelek lɛ etawuunii lɛ, ni efã oblanyo lɛ akɛ, “Gbalamɔ oklante ni ogbe mi, koni akakɛɛ yɛ mihe akɛ, ‘Yoo po gbe lɛ.’ ” No hewɔ lɛ, oblanyo lɛ tsu Abimelek nɔ, ni egbo.

1 Samuel 22:18

No hewɔ lɛ, Maŋtsɛ Saul fã Doeg ni ekɛɛ lɛ akɛ, “Gbee osɔfoi nɛɛ!” Ni lɛɛlɛŋ, Doeg, Edomnyo lɛ, tsɔ̃ ehe ni edɔ klante eto osɔfoi lɛ anɔ; ni nakai gbi lɛ egbe osɔfoi ni ji mɛi ni woɔ tsitsinɔhaanii lɛ nyɔŋmai kpaanyɔ kɛ enumɔ sɔŋŋ.