2 Mose 8:8 - ŊMALƐ KRƆŊKRƆŊ LƐ

⁸ Kɛkɛ ni Farao fã, ni ayatsɛ Mose kɛ Aaron kɛba, ni ekɛɛ amɛ akɛ, “Nyɛkpaa Yehowa fai koni ejie kɔkɔdenei lɛ yɛ mi kɛ mimaŋbii lɛ anɔ, ni mahã Israelbii lɛ aya koni amɛyashã afɔle amɛhã Yehowa.”

Ṅmãle̱ Kroṅkroṅ Le̱

⁸ Ke̱ke̱ ni Farao tšé̱ Mose ke̱ Aaron ni ekē̱: *Nyekpaä Iehowa fai, koni edšie ko̱ko̱denei le̱ ye̱ mi ke̱ mimaṅbii le̱ ano̱, ni mahã maṅ le̱ aya, koni ame̱yašã afole ame̱hã Iehowa. *K. 28; 3,28; 10,17.

2 Mose 8:8 ပူးပေါင်းရင်းမြစ်များ

1 Maŋtsɛmɛi 13:6

Maŋtsɛ Yeroboam kɛɛ Nyɔŋmɔ gbɔmɔ lɛ akɛ, “Ofainɛ, kpa Yehowa, oNyɔŋmɔ lɛ, fai ni osɔle ohã mi koni atsa minine lɛ ahã mi ekoŋŋ.” No hewɔ lɛ, gbalɔ lɛ kpa Yehowa fai, ni atsa maŋtsɛ lɛ nine lɛ ahã lɛ, ni enine lɛ ba eblema ekoŋŋ.

Lalai 66:3

Nyɛkɛa Nyɔŋmɔ akɛ, “Onitsumɔi lɛ yɛ gbeyei pam! Ohewalɛ lɛ dalɛ naa sɔŋŋ hewɔ lɛ, ohenyɛlɔi kotoɔ bo kɛ gbeyeishemɔ.

2 Mose 10:16

Kɛkɛ ni Farao tsu oya mli, ni ayatsɛ Mose kɛ Aaron kɛba, ni ekɛɛ amɛ akɛ, “Mifee esha mishi Yehowa, nyɛ Nyɔŋmɔ lɛ, ni mifee nyɛ hu esha.

2 Mose 10:17

No hewɔ lɛ, agbɛnɛ okɛ mihe esha lɛ afa mi, shi kome nɛɛ kɛkɛ, ni nyɛkpa Yehowa nyɛNyɔŋmɔ lɛ, fai koni ejie nɛkɛ toigbalamɔ ni gbeɔ mɔ nɛɛ kɛkɛ yɛ minɔ.”

2 Mose 10:18

Mose shi Farao etee, ni eyakpa Yehowa fai.

2 Mose 14:5

Be ni ababɔ Ijipt maŋtsɛ lɛ amaniɛ akɛ Israelbii lɛ ejo foi amɛtee lɛ, Farao kɛ etsuji lɛ tsake amɛjwɛŋmɔ yɛ Israelbii lɛ ahe, ni amɛkɛɛ akɛ, “Kwɛ mɛni po wɔfee nɛɛ, ni wɔhã Israelbii lɛ kpa wɔ sɔ̃ɔmɔ ni amɛtee nɛɛ?”

2 Mose 32:11

Mose kpa Yehowa, eNyɔŋmɔ lɛ, fai ekɛɛ, “Yehowa, mɛɛba ni omli woɔ la woɔ omaŋ ni okɛ hewalɛ kpele kɛ nineshiwalɛ eyakpɔ̃ yɛ Ijipt shikpɔŋ lɛ nɔ kɛba lɛ?

2 Mose 5:2

Farao bi amɛ akɛ, “Namɔ ji nakai Yehowa lɛ hewɔ ni esa akɛ mabo lɛ toi, ni mahã Israel aya? Mileee Yehowa ko, ni Israel hu mihãaa amɛya.”

2 Mose 8:15

Shi be ni Farao na akɛ ena mumɔhe fioo lɛ, ekpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

2 Mose 8:29

Mose jie naa akɛ, “Naa, mibashi maya koni mayasɔle mabi Yehowa koni ofɔii lɛ aje Farao kɛ etsuji lɛ kɛ emaŋbii anɔ wɔ. Shi shishiumɔ sane kɛkɛ ni Farao akaye dɔŋŋ, akɛ ehaŋ maŋ lɛ aya ayashã afɔle ahã Yehowa.”

2 Mose 8:32

Shi Farao kpliŋ etsui ekoŋŋ, ni ehãaa Israelbii lɛ aya.

2 Mose 8:9

Mose here Farao nɔ akɛ, “Bo diɛŋtsɛ tsɔ̃ɔmɔ beyinɔ ni mikpa fai mihã bo kɛ otsuji kɛ omaŋbii lɛ koni ajie kɔkɔdenei lɛ yɛ bo kɛ owe lɛ kɛ omaŋbii ashĩai, ni ashwɛ faa lɛ mli nɔ lɛ kɛkɛ.”

2 Mose 9:27

Kɛkɛ ni Farao tsu ayatsɛ Mose kɛ Aaron kɛba, ni ekɛɛ amɛ akɛ, “Enɛ lɛ mifee esha. Yehowa lɛ jalɔ ji lɛ, shi mi kɛ mimaŋ lɛ mɛi fɔ̃ji ji wɔ.

2 Mose 9:28

Nyɛkpaa Yehowa fai koni ŋwɛi shiimɔ kɛ nyɔŋmɔŋtɛi lɛ akpa; shi efa; ni mahã nyɛya, ni mitsiŋ nyɛnaa dɔŋŋ.”

2 Mose 9:33

Kɛkɛ ni Mose shi Farao, ni eje maŋ lɛ mli hu, ni ehole eniji anɔ etsɛ Yehowa. Kɛkɛ ni ŋwɛi shiimɔ lɛ kɛ nyɔŋmɔŋtɛi lɛ asɛɛ fo, ni nu lɛ kpa shikpɔŋ lɛ nɔ nɛmɔ.

4 Mose 21:7

Kɛkɛ ni maŋbii lɛ ba Mose ŋɔɔ, ni amɛbakɛɛ lɛ akɛ, “Wɔfee esha akɛ wɔwie wɔshi Yehowa kɛ bo fɛɛ. Kpa Yehowa fai ohã wɔ koni ejie onufui nɛɛ kɛje wɔteŋ.” Mose kpa fai lɛ ehã Israelbii lɛ.

Bɔfoi 8:24

Ni Simon here nɔ ekɛɛ, “Nyɛ diɛŋtsɛ nyɛkpaa Nuŋtsɔ lɛ fai nyɛhãa mi koni nibii ni nyɛwie nɛɛ eko akaba minɔ.”

1 Samuel 12:19

Maŋ muu lɛ fɛɛ kpa Samuel fai amɛkɛɛ, “Ofainɛ, kpa Yehowa, oNyɔŋmɔ lɛ, fai ohã wɔ otsuji koni wɔkagboi, ejaakɛ eshai fɛɛ ni wɔfee sa lɛ wɔfee eko hu wɔfata he akɛ wɔbi akɛ ahã wɔ maŋtsɛ lɛ.”