2 Mose 8:6 - ŊMALƐ KRƆŊKRƆŊ LƐ

⁶ No hewɔ lɛ, Aaron kpã enine mli yɛ Ijipt nu ni buabua shi lɛ anɔ. Kɛkɛ ni kɔkɔdenei lɛ ba, ni amɛbaha Ijipt shikpɔŋ lɛ nɔ fɛɛ.

Ṅmãle̱ Kroṅkroṅ Le̱

⁶ Ni Aaron kpã enine mli ye̱ Mizraim nui le̱ ano̱, ni ko̱kodenei le̱ ba, ni ame̱baha Mizraim šikpoṅ le̱ hĩe fẽ.

2 Mose 8:6 ပူးပေါင်းရင်းမြစ်များ

2 Samuel 7:22

Anɔkwa, oda kpeteŋkple, Ofe, ejaakɛ mɔ ko mɔ ko kɛ bo yeee egbɔ, ni asaŋ yɛ nii fɛɛ ni wɔnu kɛ wɔtoi lɛ naa lɛ, osɛɛ lɛ nyɔŋmɔ ko nyɔŋmɔ ko bɛ.

2 Kronika 6:14

ni esɔle ekɛɛ, “Yehowa, Israel Nyɔŋmɔ, nyɔŋmɔ ko nyɔŋmɔ ko bɛ ni tamɔ bo yɛ ŋwɛi kɛ shikpɔŋ lɛ nɔ fɛɛ. Otoɔ kpãŋmɔ ni okɛ otsuji ekpãŋ, ni ojieɔ osuɔmɔ ni sɛɛ efooo lɛ otsɔ̃ɔ mɛi fɛɛ ni kɛ amɛtsui fɛɛ boɔ bo toi lɛ.

Lalai 105:30

Amɛshikpɔŋ lɛ nɔ yi tɔ kɛ kɔkɔdenei; amɛbote amɛmaŋtsɛ we lɛ piai amli tete.

Lalai 78:45

Ehã ofɔii bashwie amɛnɔ, ni amɛye amɛ; ni ehã kɔkɔdenei hu, kpãtã amɛhiɛ.

Lalai 86:8

Oo Nuŋtsɔ, nyɔŋmɔi lɛ ateŋ eko eko bɛ ni tamɔ bo; ni nitsumɔ ko nitsumɔ ko bɛ ni kɛ onitsumɔ yeɔ hegbɔ.

Lalai 90:2

Be ni onako obɔ gɔji lɛ, ni onako obɔ shikpɔŋ lɛ kɛ jeŋ lɛ, bo ji Nyɔŋmɔ kɛjɛ naanɔ kɛmiiya naanɔ fɛɛ.

2 Mose 10:2

koni ogba obii kɛ obii abii nibii ni mifee yɛ Ijipt, kɛ naakpɛɛ okadii ni mifee yɛ amɛteŋ, ni okpã owo amɛtoiiaŋ koni nyɛna nyɛle akɛ mi ji Yehowa.”

2 Mose 15:11

“Namɔ tamɔ Bo, Yehowa, yɛ nyɔŋmɔi lɛ ateŋ? Namɔ tsuɔ nyam nii ni yɔɔ gbeyei kɛ naakpɛɛ?

2 Mose 7:19

Ni Yehowa fã Mose akɛ, “Kɛɛmɔ Aaron akɛ, ‘Kɔ otso lɛ ni okpã onine mli yɛ Ijipt nu fɛɛ nu, ni ji fai kɛ nujɔi ni aje gbɛ agbala kɛ bukoi kɛ nu ni bua shi fɛɛ, nɔ, ni amɛaatsɔmɔ lá. Nu ni yɔɔ tso kɛ tɛ gogai amli fɛɛ aaatsɔ̃ lá.’ ”

2 Mose 9:14

ejaakɛ agbɛnɛ lɛ mahã haomɔi srɔtoi fɛɛ aba bo diɛŋtsɛ kɛ otsuji lɛ kɛ omaŋbii lɛ anɔ koni okɛna ole akɛ mɔ ko mɔ ko bɛ ni tamɔ mi yɛ je lɛ mli fɛɛ.

2 Mose 9:29

Mose kɛɛ Farao akɛ, “Amrɔ pɛ ni maje kpo yɛ maŋ lɛ mli lɛ, mahole miniji anɔ matsɛ Yehowa, ni ŋwɛi shiimɔ lɛ kɛ nyɔŋmɔŋtɛi lɛ asɛɛ aaafo, ni eko eko baŋ dɔŋŋ, koni ona ole akɛ je lɛ Yehowa nɔ ni.

Yesaia 43:10

Yehowa kɛɛ akɛ, “Israelbii, nyɛ ji midasefoi, mɛi ni miŋɔ akɛ mitsuji koni nyɛle mi ni nyɛhe mi nyɛye, ni nyɛnu shishi akɛ, mi, mi koome ji Nyɔŋmɔ. Mi, misɛɛ lɛ, Nyɔŋmɔ ko Nyɔŋmɔ ko bɛ; eko bako dã ni ekoeko baŋ hu.

3 Mose 11:12

Nii fɛɛ ni yɔɔ nu mli ni amɛbɛ fiji loo totoi lɛ, nii ni ahiɔ ni.

5 Mose 32:31

Ejaakɛ wɔhenyɛlɔi lɛ diɛŋtsɛ yeɔ enɛ he odase akɛ amɛtɛsaa, amɛnyɔŋmɔ lɛ, tamɔɔɔ wɔTɛsaa, Israel Nyɔŋmɔ lɛ.

5 Mose 33:26

Mɔ ko mɔ ko bɛ ni tamɔ Israel Nyɔŋmɔ lɛ, mɔ ni taa okpɔŋɔ nɔ kɛnyiɛɔ ŋwɛi, ni ekɛ agbojee tsɔ̃ɔ atatuiaŋ kɛbayeɔ ebuaa bo lɛ.

5 Mose 4:35

Ahã nyɛna nibii nɛɛ koni nyɛkɛle akɛ Yehowa koome ji Nyɔŋmɔ, ni lɛ esɛɛ lɛ nyɔŋmɔ ko bɛ dɔŋŋ.

Kpojiemɔ 16:13

Ni mina mumɔi etɛ̃ ni he tseee ni tamɔ kɔkɔdenei miije kpo kɛmiijɛ drako lɛ daaŋ kɛ kooloo lɛ daaŋ kɛ amalegbalɔ lɛ daaŋ.