2 Mose 8:4 - ŊMALƐ KRƆŊKRƆŊ LƐ

⁴ Kɔkɔdenei lɛ aaatumɔ kɛnyiɛ bo diɛŋtsɛ kɛ omaŋbii kɛ otsuji lɛ fɛɛ anɔ tete.’ ”

Ṅmãle̱ Kroṅkroṅ Le̱

⁴ ni ko̱ko̱denei le̱ aatũmo̱ ke̱-ba bodientše̱ ke̱ omaṅbii le̱ ke̱ otšũdši le̱ fẽ no̱ tete.

2 Mose 8:4 ပူးပေါင်းရင်းမြစ်များ

1 Maŋtsɛmɛi 13:6

Maŋtsɛ Yeroboam kɛɛ Nyɔŋmɔ gbɔmɔ lɛ akɛ, “Ofainɛ, kpa Yehowa, oNyɔŋmɔ lɛ, fai ni osɔle ohã mi koni atsa minine lɛ ahã mi ekoŋŋ.” No hewɔ lɛ, gbalɔ lɛ kpa Yehowa fai, ni atsa maŋtsɛ lɛ nine lɛ ahã lɛ, ni enine lɛ ba eblema ekoŋŋ.

Lalai 107:40

egbeɔ lumɛi ahiɛ, ni ehãa amɛtsomloɔ yɛ shiaŋa ni gbɛ kadimɔ nɔ bɛ nɔ;

2 Mose 10:17

No hewɔ lɛ, agbɛnɛ okɛ mihe esha lɛ afa mi, shi kome nɛɛ kɛkɛ, ni nyɛkpa Yehowa nyɛNyɔŋmɔ lɛ, fai koni ejie nɛkɛ toigbalamɔ ni gbeɔ mɔ nɛɛ kɛkɛ yɛ minɔ.”

2 Mose 8:24

Ni Yehowa fee nakai, ni ofɔii babaoo ba Farao we lɛ kɛ etsuji ashĩai lɛ kɛ Ijipt shikpɔŋ lɛ nɔ fɛɛ. Ni ofɔii lɛ hã shikpɔŋ lɛ hiɛ kpãtã.

2 Mose 8:3

Nilo Faa lɛ baawo kɔkɔdenei nyɛŋɛnyɛŋɛ, ni kɔkɔdenei nɛɛ aaaba owe lɛ kɛ osa nɔ kɛshɛ osɛɛtsuŋ; amɛaaba otsuji ashĩai kɛ omaŋbii lɛ ateŋ kɛ nyɛflɔnɔi kɛ nyɛmã tsesei fɛɛ amli.

2 Mose 8:5

Ni Yehowa kɛɛ Mose akɛ, “Kɛɛmɔ Aaron akɛ, ‘Kɔ otso lɛ ni okpã onine mli yɛ fai kɛ nujɔi ni agbala kɛ nu ni buabua shi lɛ anɔ, ni ohã kɔkɔdenei atumɔ kɛba Ijipt shikpɔŋ lɛ nɔ.’ ”

2 Mose 9:28

Nyɛkpaa Yehowa fai koni ŋwɛi shiimɔ kɛ nyɔŋmɔŋtɛi lɛ akpa; shi efa; ni mahã nyɛya, ni mitsiŋ nyɛnaa dɔŋŋ.”

Yesaia 19:11

Zoan maŋ lɛ mli lumɛi lɛ kwashiai sɔŋŋ ni. Farao ŋaawolɔi ni le nii jogbaŋŋ lɛ aŋaawoo lɛ etsɔ buuluiaŋaawoo. Te feɔ tɛŋŋ ni nyɛkɛɔ Farao akɛ, “Nilelɔi abii ji wɔ, ni blema maŋtsɛmɛi ashwiei ji wɔ lɛ?”

Yesaia 19:22

Yehowa aaagbala Ijiptbii atoi, eeetswia amɛ nii, ni lɛ nɔŋŋ eeetsa amɛ ekoŋŋ, ni amɛaakpale kɛaaba Yehowa ŋɔɔ, ni eeebo amɛfaikpamɔ toi, ni eeetsa amɛ.

Yesaia 23:9

Yehowa, Taiatsɛ lɛ, ni to nɛkɛ yiŋ. Eto yiŋ nɛɛ koni ekɛba amɛhe ni amɛwoɔ, yɛ hiɛnyam ni amɛna hewɔ lɛ shi, bɔ ni afee ni shikpɔŋ lɛ nɔ anunyam gbɔmɛi fɛɛ ahiɛ agboi.

Daniel 4:37

“No hewɔ lɛ, mi, Nebukadnezar, miijie Ŋwɛi Maŋtsɛ lɛ yi, ni miiwo lɛ, ni miiwo ehiɛ nyam. Nɔ fɛɛ nɔ ni efeɔ hi, ni eja hu, ni mɔ fɛɛ mɔ ni woɔ ehe nɔ lɛ, enyɛɔ ebaa mɔ lɛ shi.”

4 Mose 21:7

Kɛkɛ ni maŋbii lɛ ba Mose ŋɔɔ, ni amɛbakɛɛ lɛ akɛ, “Wɔfee esha akɛ wɔwie wɔshi Yehowa kɛ bo fɛɛ. Kpa Yehowa fai ohã wɔ koni ejie onufui nɛɛ kɛje wɔteŋ.” Mose kpa fai lɛ ehã Israelbii lɛ.