2 Mose 8:3 - ŊMALƐ KRƆŊKRƆŊ LƐ

³ Nilo Faa lɛ baawo kɔkɔdenei nyɛŋɛnyɛŋɛ, ni kɔkɔdenei nɛɛ aaaba owe lɛ kɛ osa nɔ kɛshɛ osɛɛtsuŋ; amɛaaba otsuji ashĩai kɛ omaŋbii lɛ ateŋ kɛ nyɛflɔnɔi kɛ nyɛmã tsesei fɛɛ amli.

Ṅmãle̱ Kroṅkroṅ Le̱

³ ni fā le̱ aawo ko̱ko̱denei nyẽṅẽnyẽṅẽ, ni ame̱aba owe le̱ ke̱ ose̱tšũṅ ke̱ osā no̱ ke̱ otšũdši awei ke̱ omaṅbii le̱ ateṅ ke̱ oflõnõi amli ke̱ omãtšesei amli;

2 Mose 8:3 ပူးပေါင်းရင်းမြစ်များ

2 Kronika 22:11

Shi Maŋtsɛ Yehoram biyoo ni gbɛi ji Yehosheba lɛ ju shi, ni emɔ Ahazia bi ni atsɛɔ lɛ Yoash lɛ yɛ maŋtsɛmɛi abihii ni abaagbe lɛ ateŋ, ni ekɛ lɛ kɛ ekwɛlɔ lɛ fɛɛ yato yɛ sɛɛtsu ko mli yɛ Sɔlemɔ we lɛ. Nɛkɛ ji bɔ ni Maŋtsɛ Yehoram biyoo ni ji Yehosheba, Osɔfo Yehoiada ŋa lɛ, fee ni ejie Yoash yɛ Atalia daaŋ, ni enaaa lɛ egbe ejaakɛ Ahazia nyɛmiyoo ji lɛ.

Lalai 105:30

Amɛshikpɔŋ lɛ nɔ yi tɔ kɛ kɔkɔdenei; amɛbote amɛmaŋtsɛ we lɛ piai amli tete.

2 Mose 10:6

Ni amɛaayimɔ oshĩai kɛ otsuji fɛɛ ashĩai kɛ Ijiptbii fɛɛ ashĩai amli tɔtɔɔtɔ, bɔ ni otsɛmɛi kɛ oniimɛi enako ehenɔ pɛŋ kɛjɛ be ni afɔ amɛ kɛbashi ŋmɛnɛ gbi nɛɛ.’ ” Ni Mose tsɔ̃ ehe, ni eshi Farao.

2 Mose 12:34

Israelbii lɛ hole amɛmai ni nako asha ni yɔɔ tsesei amli lɛ, ni amɛfimɔ tsesei lɛ amɛwowoo amɛmamai amli, kɛkɛ ni amɛhole amɛtswia amɛkɔ̃ji.

2 Mose 7:11

Kɛkɛ ni Farao hu hã ayatsɛ nilelɔi kɛ ŋkunyaayelɔi kɛba. Gbɔmɛi nɛɛ ji Ijipt ashwãifeelɔi lɛ. Amɛ hu amɛkɛ amɛkunyaayeli ŋai lɛ fee nakai nɔŋŋ.

2 Mose 8:11

Kɔkɔdenei lɛ baaje bo kɛ owe lɛ kɛ otsuji lɛ kɛ omaŋbii lɛ anɔ aya. Nilo Faa lɛ mli nɔ lɛ kɛkɛ aaashwɛ.”

2 Mose 8:2

Shi kɛji okpɛ̃lɛɛɛ ni amɛya lɛ, mikɛ kɔkɔdenei baahao oshikpɔŋ tso muu lɛ fɛɛ.

2 Mose 8:4

Kɔkɔdenei lɛ aaatumɔ kɛnyiɛ bo diɛŋtsɛ kɛ omaŋbii kɛ otsuji lɛ fɛɛ anɔ tete.’ ”