2 Mose 8:21 - ŊMALƐ KRƆŊKRƆŊ LƐ

²¹ Naa, kɛji oŋmɛɛɛ mimaŋ lɛ gbɛ ni amɛya lɛ, mahã ofɔii abaha bo kɛ otsuji kɛ omaŋbii lɛ. Ijiptbii ashĩai amli kɛ shikpɔŋ lɛ nɔ hei ni amɛyɔɔ lɛ hu aaayi tɔ kɛ ofɔii lɛ.

Ṅmãle̱ Kroṅkroṅ Le̱

²¹ Ši ke̱dši ohãã mimaṅ le̱ aya le̱, no le̱ mahã ofo̱ii abaha bo ke̱ otšũdši ke̱ omaṅbii ke̱ owe le̱, ni Mizraimbii ašĩai ke̱ šikpoṅ ní ame̱yo̱ no̱ le̱ hũ aayimo̱ obõbõ ke̱ ofo̱ii le̱.

2 Mose 8:21 ပူးပေါင်းရင်းမြစ်များ

Lalai 105:31

Nyɔŋmɔ fã, kɛkɛ ni adɔdɔji kɛ ofɔii bayi shikpɔŋ lɛ nɔ tɔ.

Lalai 78:45

Ehã ofɔii bashwie amɛnɔ, ni amɛye amɛ; ni ehã kɔkɔdenei hu, kpãtã amɛhiɛ.

2 Mose 10:6

Ni amɛaayimɔ oshĩai kɛ otsuji fɛɛ ashĩai kɛ Ijiptbii fɛɛ ashĩai amli tɔtɔɔtɔ, bɔ ni otsɛmɛi kɛ oniimɛi enako ehenɔ pɛŋ kɛjɛ be ni afɔ amɛ kɛbashi ŋmɛnɛ gbi nɛɛ.’ ” Ni Mose tsɔ̃ ehe, ni eshi Farao.

2 Mose 8:20

Agbɛnɛ Yehowa kɛɛ Mose akɛ, “Tee shi leebi maŋkpa ni oyafo Farao be mli ni eyaa faa lɛ naa, koni okɛɛ lɛ akɛ, Yehowa kɛɛ, ‘Hã mimaŋ lɛ aya ni amɛyaja mi.

2 Mose 8:22

Nakai gbi lɛ matɛ̃ Goshen shikpɔŋ lɛ ni mimaŋ lɛ yɔɔ nɔ lɛ mashi, koni ofɔii lɛ akaya jɛi, bɔ ni afee ni ole akɛ mi ji Yehowa yɛ shikpɔŋ lɛ fɛɛ nɔ.

2 Mose 8:24

Ni Yehowa fee nakai, ni ofɔii babaoo ba Farao we lɛ kɛ etsuji ashĩai lɛ kɛ Ijipt shikpɔŋ lɛ nɔ fɛɛ. Ni ofɔii lɛ hã shikpɔŋ lɛ hiɛ kpãtã.

Yesaia 7:18

“Nakai be lɛ Yehowa baakpã blɛ kɛtsɛ Ijiptbii, ni amɛaabu kɛba tamɔ adɔdɔji kɛjɛ Nilo Faa lɛ jɛɛhe kɛ̃. Ni ebaatsɛ Asiriabii, ni amɛaake tamɔ wobii kɛjɛ amɛshikpɔŋ lɛ nɔ kɛba.