2 Mose 8:19 - ŊMALƐ KRƆŊKRƆŊ LƐ

¹⁹ Kɛkɛ ni ŋkunyaayelɔi lɛ kɛɛ Farao akɛ, “Enɛ lɛ Nyɔŋmɔ tsu.” Shi Farao kpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

Ṅmãle̱ Kroṅkroṅ Le̱

¹⁹ Ke̱ke̱ ni ṅkũnyāyelo̱i le̱ kē̱ Farao ake̱: *Ene̱ le̱ Nyoṅmo̱ wao ne̱! Ši †awadše Farao tšui, ni ebooame̱ toi, boni Iehowa ewie le̱. *14,25. †4,21.

2 Mose 8:19 ပူးပေါင်းရင်းမြစ်များ

1 Mose 41:24

Abeletsei legelegei nɛɛ mii abele sɛɛbii kpokplokpoo kpawo lɛ. Migba lamɔ nɛɛ mitsɔ̃ɔ nifeelɔi lɛ, shi amɛteŋ mɔ ko mɔ ko naaa he nɔ ko ekɛɛ mi.”

Lalai 8:3

Kɛ mikwɛ oŋwɛi kɛ onine naa nitsumɔi lɛ, nyɔɔŋtsere kɛ ŋulamii ni obɔ lɛ,

2 Mose 10:23

Duŋ nɛɛ wo bɔ ni mɔ ko mɔ ko enaaa enaanyo, ni mɔ ko mɔ ko shiii he ni duŋ lɛ banina lɛ yɛ lɛ kɛyashi gbii etɛ̃. Shi jeŋ tse heŋŋ yɛ Israelbii lɛ ashihilɛhei lɛ.

2 Mose 10:7

Kɛkɛ ni Farao tsuji lɛ kɛɛ lɛ akɛ, “Mɛɛ beyinɔ nɔŋŋ ni nuu nɛɛ aaahao wɔ kɛyashi? Hã Israelbii lɛ aya ni amɛyasɔ̃mɔ Yehowa, amɛNyɔŋmɔ lɛ. Ani oleko lolo akɛ Ijipt hiɛ miikpãtã?”

2 Mose 11:7

Shi yɛ Israelbii lɛ agbɛfaŋ lɛ, gbɔmɔ jio, kooloo jio, gbee tete shiŋ esɛŋ ewoŋ lɛ, koni nyɛkɛna nyɛle akɛ Yehowa miitsɔ̃ɔ srɔto ni yɔɔ Ijiptbii kɛ Israelbii ateŋ.

2 Mose 7:13

Shi Farao kpliŋ etsui, ni ebooo Mose kɛ Aaron toi taakɛ bɔ ni Yehowa ewie eto lɛ.

2 Mose 7:4

eboŋ nyɛ toi. No baahã mikɛ Ijipt aye kɛ joomɔ, ni magbala etoi, ni majie mimaŋ Israel kɛje Ijipt.

2 Mose 7:5

Kɛ migbala Ijiptbii lɛ atoi, ni mijie Israelbii lɛ kɛje amɛshikpɔŋ lɛ nɔ lɛ, no Ijiptbii kɛaale akɛ mi ji Yehowa.”

2 Mose 9:26

Shi Goshen shikpɔŋ lɛ nɔ, he ni Israelbii lɛ yɔɔ lɛ, kɛkɛ ji he ni nyɔŋmɔŋtɛi nɛɛ eko enɛɛɛ yɛ.

2 Mose 9:4

Shi Yehowa aaahã srɔto aba Israelbii akooloi kɛ Ijiptbii akooloi ateŋ, ni Israelbii akooloi lɛ ateŋ eko eko gboŋ.’

Daniel 2:19

Ajie teemɔŋ sane lɛ shishi atsɔ̃ɔ Daniel yɛ ninaa mli nyɔɔŋ, ni Daniel jie Nyɔŋmɔ ni yɔɔ ŋwɛi lɛ yi.

Mateo 12:28

Shi kɛji mi lɛ, Nyɔŋmɔ Mumɔ lɛ naa mifãa mumɔi fɔ̃ji lɛ yɛ lɛ, no lɛ ninamɔ Nyɔŋmɔ Maŋtsɛyeli lɛ enina nyɛ lɛ.

Luka 11:20

Shi kɛji Nyɔŋmɔ wao mikɛfãa mumɔi fɔ̃ji lɛ, no lɛ Nyɔŋmɔ Maŋtsɛyeli lɛ eshɛ nyɛŋɔɔ.

Yohane 11:47

No hewɔ lɛ, osɔfonukpai lɛ kɛ Farisifoi lɛ tsɛ kpee, ni amɛkɛɛ, “Te wɔfeɔ tɛŋŋ, ejaakɛ nuu nɛɛ miifee naakpɛɛnii pii?

Bɔfoi 4:16

amɛkɛɛ, “Te wɔɔfee gbɔmɛi nɛɛ tɛŋŋ? Ejaakɛ okadi ni yɔɔ naakpɛɛ ni atsɔ̃ amɛnɔ afee lɛ yɛ faŋŋ yɛ mɛi fɛɛ ni yɔɔ Yerusalɛm lɛ ahiɛ, ni wɔnyɛŋ wɔtso.

1 Samuel 6:3

Osɔfoi lɛ to he akɛ, “Kɛji nyɛmiikpale Israel Nyɔŋmɔ lɛ Kpãŋmɔ Adeka lɛ kɛya lɛ, nyɛkahãa akɛ adeka lɛ miiyaa efolo. Ja nyɛkɛ afɔle fata he kɛtee nyɛyahã Israel Nyɔŋmɔ lɛ akɛ nyɛye sɔ̃; no dani nyɛhe aaatã, ni asaŋ nyɛaale nɔ hewɔ ni ekpako nyɛ piŋmɔ lɛ.”

1 Samuel 6:9

Nyɛkwɛa eyisɛɛ. Kɛji adeka lɛ wo ehiɛ ema lɛ diɛŋtsɛ eshikpɔŋ lɛ nɔ gbɛ kɛtee Bet-Shemesh lɛ, no tsɔ̃ɔ akɛ Israel Nyɔŋmɔ lɛ ji mɔ ni ye wɔ awui kpeteŋkple nɛɛ lɛ; shi kɛji shwiili lɛ eyaaa jɛi lɛ belɛ wɔna wɔle akɛ jeee Yehowa piŋ wɔ lɛ, shi osharã ko kɛkɛ ni basharã wɔ.”