2 Mose 8:15 - ŊMALƐ KRƆŊKRƆŊ LƐ

¹⁵ Shi be ni Farao na akɛ ena mumɔhe fioo lɛ, ekpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

Ṅmãle̱ Kroṅkroṅ Le̱

¹⁵ Ši beni Farao na ake̱ ená hedšo̱le̱ le̱, ewadše etsui, ni ebooame̱ toi, take̱ boni Iehowa ewie le̱. 4,21.

2 Mose 8:15 ပူးပေါင်းရင်းမြစ်များ

2 Mose 14:5

Be ni ababɔ Ijipt maŋtsɛ lɛ amaniɛ akɛ Israelbii lɛ ejo foi amɛtee lɛ, Farao kɛ etsuji lɛ tsake amɛjwɛŋmɔ yɛ Israelbii lɛ ahe, ni amɛkɛɛ akɛ, “Kwɛ mɛni po wɔfee nɛɛ, ni wɔhã Israelbii lɛ kpa wɔ sɔ̃ɔmɔ ni amɛtee nɛɛ?”

2 Mose 4:21

Yehowa kɛɛ Mose ekoŋŋ akɛ, “Kɛji oyashɛ Ijipt lɛ kwɛmɔ ni naakpɛɛ nibii fɛɛ ni mikɛ amɛnɔ hewalɛ ewo odɛ̃ŋ lɛ, ofee yɛ Farao hiɛ; shi mi lɛ mahã Farao akpliŋ etsui, ni ehãŋ maŋ lɛ aya.

2 Mose 7:4

eboŋ nyɛ toi. No baahã mikɛ Ijipt aye kɛ joomɔ, ni magbala etoi, ni majie mimaŋ Israel kɛje Ijipt.

2 Mose 8:14

Ni Ijiptbii lɛ buabua kɔkɔdenei gbohii lɛ anaa kuikui, ni shikpɔŋ lɛ nɔ sha.

2 Mose 8:16

Ni Yehowa kɛɛ Mose akɛ, “Kɛɛmɔ Aaron koni ekpã enine mli ni ekɛ etso lɛ atswa shikpɔŋ lɛ nɔ mlu lɛ koni mlu lɛ atsɔ̃ tɔ̃ŋtɔ̃ŋ yɛ Ijipt shikpɔŋ lɛ nɔ fɛɛ.”

2 Mose 8:28

Farao to he ekɛɛ, “Mibaŋmɛ nyɛ gbɛ ni nyɛya koni nyɛyashã afɔle nyɛhã Yehowa, nyɛNyɔŋmɔ lɛ, yɛ ŋa lɛ nɔ, shi shɔŋŋ kɛkɛ ni nyɛkayaa. Nyɛsɔlea nyɛhãa mi.”

2 Mose 8:29

Mose jie naa akɛ, “Naa, mibashi maya koni mayasɔle mabi Yehowa koni ofɔii lɛ aje Farao kɛ etsuji lɛ kɛ emaŋbii anɔ wɔ. Shi shishiumɔ sane kɛkɛ ni Farao akaye dɔŋŋ, akɛ ehaŋ maŋ lɛ aya ayashã afɔle ahã Yehowa.”

2 Mose 8:32

Shi Farao kpliŋ etsui ekoŋŋ, ni ehãaa Israelbii lɛ aya.

2 Mose 8:8

Kɛkɛ ni Farao fã, ni ayatsɛ Mose kɛ Aaron kɛba, ni ekɛɛ amɛ akɛ, “Nyɛkpaa Yehowa fai koni ejie kɔkɔdenei lɛ yɛ mi kɛ mimaŋbii lɛ anɔ, ni mahã Israelbii lɛ aya koni amɛyashã afɔle amɛhã Yehowa.”

Abe̱i 26:11

Kwashia ni kuɔ esɛɛ eyafeɔ ebuuluianii ekoŋŋ lɛ, etamɔ gbee ni kuɔ esɛɛ kɛyaa eshwee he.

Abe̱i 29:1

Mɔ ni afɔɔ lɛ kãmɔ, shi loloolo lɛ ekuɛŋ ti lɛ, trukaa ni aaakumɔ lɛ bɔ ni anaŋ ehe tsabaa.

Jajelɔ 8:11

Akɛ ni awooo esha he nyɔmɔ oya hewɔ lɛ, gbɔmɛi ahe ehomɔ kɛ efɔŋfeemɔ.

Yesaia 26:10

Kɛji ana efɔŋfeelɔi amɔbɔ lɛ, amɛkɛkaseee nɔ ni ja feemɔ; shi moŋ amɛyeɔ saji fɔ̃ji yɛ he ni afeɔ jalɛnii yɛ, ni enaaa Yehowa agbojee lɛ.

Hosea 6:4

Shi Yehowa kɛɔ akɛ, “Ao! Israel, mɛni mafee ohe? Ao! Yuda, te mafee bo tɛŋŋ? Ejaakɛ osuɔmɔ lɛ etamɔ leebi atatu; etamɔ leebi bɔ ni kpalaa oya.

Hebribii 3:15

Ni akɛɛ akɛ, “Ŋmɛnɛ, kɛji nyɛnu egbee lɛ, Nyɛkawajea nyɛtsui, tamɔ bɔ ni nyɛtsɛmɛi lɛ fee yɛ mlilawoo lɛ mli” lɛ,

Hebribii 3:8

nyɛkawajea nyɛtsui, tamɔ bɔ ni nyɛtsɛmɛi lɛ fee yɛ mlilawoo gbi lɛ nɔ lɛ,

Kpojiemɔ 16:9

Ni la dɔlɛ ni naa wa lɛ shã gbɔmɛi, ni amɛwie musubɔɔ wiemɔi amɛshi Nyɔŋmɔ ni yɔɔ hewalɛ yɛ nɛkɛ haomɔi nɛɛ anɔ lɛ gbɛi lɛ, ni amɛtsakeee amɛtsui ni amɛwo ehiɛ nyam.

1 Samuel 6:12

Tsinai lɛ yi tɛmpɔŋ lɛ nɔ, ni amɛwo amɛyi amɛma Bet-Shemesh tɔ̃ɔ. Be ni amɛyaa nɛɛ fɛɛ lɛ belɛ tsinai lɛ miibolɔ. Amɛgbaaa ninejurɔ lɛ, amɛgbaaa abɛku hu. Filistibii alumɛi lɛ nyiɛ Kpãŋmɔ Adeka lɛ kɛ tsinai lɛ kɛ shwiili lɛ sɛɛ aahu kɛyashɛ Bet-Shemesh husu lɛ nɔ.

1 Samuel 6:3

Osɔfoi lɛ to he akɛ, “Kɛji nyɛmiikpale Israel Nyɔŋmɔ lɛ Kpãŋmɔ Adeka lɛ kɛya lɛ, nyɛkahãa akɛ adeka lɛ miiyaa efolo. Ja nyɛkɛ afɔle fata he kɛtee nyɛyahã Israel Nyɔŋmɔ lɛ akɛ nyɛye sɔ̃; no dani nyɛhe aaatã, ni asaŋ nyɛaale nɔ hewɔ ni ekpako nyɛ piŋmɔ lɛ.”

1 Samuel 6:6

Mɛni hewɔ esa akɛ nyɛkpliŋ nyɛtsui tamɔ Ijiptbii lɛ kɛ amɛmaŋtsɛ lɛ fee lɛ? Kwɛ, be ni ehã amɛna amɛnii ni amɛleee sɛɛ lɛ, bɛ amɛŋmɛɛ Israelbii lɛ ahe ni amɛtee?

1 Samuel 6:9

Nyɛkwɛa eyisɛɛ. Kɛji adeka lɛ wo ehiɛ ema lɛ diɛŋtsɛ eshikpɔŋ lɛ nɔ gbɛ kɛtee Bet-Shemesh lɛ, no tsɔ̃ɔ akɛ Israel Nyɔŋmɔ lɛ ji mɔ ni ye wɔ awui kpeteŋkple nɛɛ lɛ; shi kɛji shwiili lɛ eyaaa jɛi lɛ belɛ wɔna wɔle akɛ jeee Yehowa piŋ wɔ lɛ, shi osharã ko kɛkɛ ni basharã wɔ.”