2 Mose 7:5 - ŊMALƐ KRƆŊKRƆŊ LƐ

⁵ Kɛ migbala Ijiptbii lɛ atoi, ni mijie Israelbii lɛ kɛje amɛshikpɔŋ lɛ nɔ lɛ, no Ijiptbii kɛaale akɛ mi ji Yehowa.”

Ṅmãle̱ Kroṅkroṅ Le̱

⁵ Ni *Mizraimbii aale ake̱ midši Iehowa le̱, ké̱ miwó minine ne̱ ye̱ Mizraim no̱, koni madšie Israelbii le̱ ye̱ ame̱teṅ le̱. *8,22; 9,14. 29.

2 Mose 7:5 ပူးပေါင်းရင်းမြစ်များ

Lalai 138:7

Kɛji minyiɛ haomɔ mli lɛ, ohãa miyi naa wala. Kɛji mihenyɛlɔi amli fu mi lɛ, owoɔ onine nɔ yɛ amɛnɔ, ni okɛ ohewalɛ lɛ hereɔ miyiwala.

Lalai 9:16

Yehowa kɛ ejalɛ kojomɔ ehã ale lɛ; mɛi fɔ̃ji edu tsɔne ni amɛ diɛŋtsɛ amɛtsɔ̃ lɛ.

2 Mose 10:2

koni ogba obii kɛ obii abii nibii ni mifee yɛ Ijipt, kɛ naakpɛɛ okadii ni mifee yɛ amɛteŋ, ni okpã owo amɛtoiiaŋ koni nyɛna nyɛle akɛ mi ji Yehowa.”

2 Mose 10:7

Kɛkɛ ni Farao tsuji lɛ kɛɛ lɛ akɛ, “Mɛɛ beyinɔ nɔŋŋ ni nuu nɛɛ aaahao wɔ kɛyashi? Hã Israelbii lɛ aya ni amɛyasɔ̃mɔ Yehowa, amɛNyɔŋmɔ lɛ. Ani oleko lolo akɛ Ijipt hiɛ miikpãtã?”

2 Mose 14:18

Ni kɛji miye Farao kɛ eta shwiilii kɛ ekpɔŋɔnɔtalɔi lɛ anɔ lɛ, Ijiptbii aaana amɛle akɛ mi ji Yehowa.”

2 Mose 14:4

Mahã Farao akpliŋ etsui koni etiu nyɛ, ni no aaahã Farao kɛ eta lɛ fɛɛ ashe mi gbeyei, ni Ijiptbii baana ale akɛ mi ji Yehowa lɛ.” Israelbii lɛ fee bɔ ni akɛɛ amɛ lɛ.

2 Mose 18:8

Ni Mose gba eshaanuu lɛ nibii fɛɛ ni Yehowa fee Farao kɛ Ijiptbii yɛ Israelbii lɛ ahewɔ lɛ. Egba lɛ haomɔi hu ni ba Israelbii lɛ anɔ yɛ amɛgbɛfãa lɛ mli, kɛ bɔ ni fee ni Yehowa jie amɛ yɛ mli.

2 Mose 3:20

No hewɔ lɛ, majie mihewalɛ kpo matsɔ̃ɔ Ijipt, ni mikɛ naakpɛɛ nii ni mafee yɛ jɛi lɛ aaagbala Ijipt toi, ni no sɛɛ dani eeehã nyɛya.

2 Mose 6:1

Kɛkɛ ni Yehowa kɛɛ Mose akɛ, “Kpaako obaana nɔ ni mibafee Farao. Ja minineshiwalɛ naa dani eeehã Israelbii lɛ aya. Anɔkwa, minineshiwalɛ naa hu dani eeeshwie amɛ kɛje eshikpɔŋ lɛ nɔ.”

2 Mose 6:6

No hewɔ lɛ, kɛɛmɔ Israelbii lɛ akɛ mikɛɛ, ‘Mi ji Yehowa, ni majie nyɛ, ni mawo Ijiptbii lɛ ajatsu lɛ yɛ nyɛkuɛ nɔ, ni mahere nyɛ kɛje nyɔŋ ni amɛyeɔ nyɛ lɛ mli. Mikɛ mihewalɛ aaakpɔ̃ nyɛ, ni no nɔŋŋ mikɛaagbala Ijiptbii lɛ atoi.

2 Mose 7:17

Agbɛnɛ bɔ ni Yehowa kɛɛ nɛ, enɛ okɛaale akɛ mi ji Yehowa lɛ. Naa, mikɛ tso ni mihiɛ yɛ midɛ̃ nɛɛ baatswa Nilo Faa lɛ mli, ni nu lɛ baatsɔ̃ lá.

2 Mose 8:10

Farao jie naa akɛ, “Wɔ”. Mose kɛɛ lɛ akɛ, “Aaafee bɔ ni obi lɛ koni okɛna ole akɛ mɔ ko mɔ ko bɛ ni tamɔ Yehowa wɔNyɔŋmɔ lɛ.

2 Mose 8:19

Kɛkɛ ni ŋkunyaayelɔi lɛ kɛɛ Farao akɛ, “Enɛ lɛ Nyɔŋmɔ tsu.” Shi Farao kpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

2 Mose 8:22

Nakai gbi lɛ matɛ̃ Goshen shikpɔŋ lɛ ni mimaŋ lɛ yɔɔ nɔ lɛ mashi, koni ofɔii lɛ akaya jɛi, bɔ ni afee ni ole akɛ mi ji Yehowa yɛ shikpɔŋ lɛ fɛɛ nɔ.

Ezekiel 25:17

Mikɛ mlifu kpele baakã amɛ, ni matɔ mihe owele jogbaŋŋ yɛ amɛnɔ, ni no amɛkɛaale akɛ mi, mi ji Yehowa, kɛji mitɔ mihe owele yɛ amɛnɔ lɛ.”

Ezekiel 28:22

bɔ ni Nuŋtsɔ Yehowa kɛɔ nɛ, bo Sidon, naa mikɛ bo ena, ni mawo mihiɛ nyam yɛ ohewɔ, ni omaŋbii kɛaale akɛ mi ji Yehowa, kɛji migbala mɛi ni yɔɔ omli lɛ atoi ni mikɛtsɔ̃ɔ bɔ ni miyɔɔ krɔŋkrɔŋ miha lɛ.

Ezekiel 32:15

Kɛji mifee Ijipt shikpɔŋ lɛ amaŋfɔ̃, ni mikpãtã emli nii fɛɛ hiɛ, ni miplenee emli gbɔmɛi fɛɛ lɛ, no dani amɛaana amɛle akɛ, mi, mi ji Yehowa.

Ezekiel 36:23

“Masaa mafee minunyam gbɛi kpeteŋkple lɛ ni abule lɛ yɛ jeŋmaji lɛ ateŋ, ni nyɛ hu nyɛgbe he guɔ yɛ amɛteŋ lɛ krɔŋkrɔŋ. Kɛji kɛtsɔ̃ nyɛnɔ lɛ, misaa mifee minunyam gbɛi kpeteŋkple lɛ krɔŋkrɔŋ yɛ amɛhiɛ lɛ, no amɛkɛaale akɛ mi, mi ji Yehowa, Nuŋtsɔ Nyɔŋmɔ kɛɛ.

Ezekiel 39:22

Kɛjɛ nakai gbi lɛ nɔ kɛyaa lɛ, Israel we lɛ baale akɛ mi, mi ji Yehowa, amɛNyɔŋmɔ lɛ.

Ezekiel 39:7

Ni maha mimaŋ Israelbii ale migbɛi krɔŋkrɔŋ lɛ yɛ amɛteŋ. Mihaŋ agbe migbɛi krɔŋkrɔŋ lɛ he guɔ dɔŋŋ. Kɛkɛ lɛ majimaji baale akɛ mi, Yehowa, mi mi ji Israel Mɔ Krɔŋkrɔŋ lɛ.”