2 Mose 7:3 - ŊMALƐ KRƆŊKRƆŊ LƐ

³ Shi mahã Farao akpliŋ etsui, ni okadii kɛ naakpɛɛ nibii babaoo ni mafee yɛ Ijipt shikpɔŋ lɛ nɔ lɛ fɛɛ sɛɛ lɛ,

Ṅmãle̱ Kroṅkroṅ Le̱

³ Ni *mawadše Farao tšui, ni mahã mikadii ke̱ minākpe̱nii afá ye̱ Mizraim šikpoṅ le̱ no̱. *4,21.

2 Mose 7:3 ပူးပေါင်းရင်းမြစ်များ

Nehemia 9:10

Ofee okadii, ni otsu naakpɛɛnii yɛ Farao kɛ etsuji lɛ fɛɛ kɛ eshikpɔŋ lɛ nɔ bii lɛ fɛɛ ahiɛ, ejaakɛ ole akɛ Farao kɛ etsuji lɛ wo amɛhe amɛwo wɔtsɛmɛi lɛ; okɛ enɛ he gbɛi ohã ohe, tamɔ bɔ ni eyɔɔ ŋmɛnɛ nɛɛ.

Lalai 135:9

Ijipt lɛ efee okadii kɛ naakpɛɛ nii yɛ mli ekɛgbala Farao kɛ etsuji lɛ fɛɛ toi;

Lalai 78:12

Efee naakpɛɛnii yɛ amɛtsɛmɛi lɛ ahiɛ yɛ Ijipt shikpɔŋ lɛ nɔ, yɛ Zoan ŋa lɛ nɔ.

2 Mose 11:10

Mose kɛ Aaron fee nɛkɛ naakpɛɛ nibii nɛɛ fɛɛ amɛtsɔ̃ɔ Farao nɛ, shi Yehowa hã Farao kpliŋ etsui ni ehãaa Israelbii lɛ ashi eshikpɔŋ lɛ nɔ amɛya.

2 Mose 11:9

Ni Yehowa kɛɛ Mose akɛ, “Farao ebaboŋ nyɛ toi bɔ ni afee ni minaakpɛɛ nii lɛ afa yɛ Ijipt shikpɔŋ lɛ nɔ.”

2 Mose 14:4

Mahã Farao akpliŋ etsui koni etiu nyɛ, ni no aaahã Farao kɛ eta lɛ fɛɛ ashe mi gbeyei, ni Ijiptbii baana ale akɛ mi ji Yehowa lɛ.” Israelbii lɛ fee bɔ ni akɛɛ amɛ lɛ.

2 Mose 3:20

No hewɔ lɛ, majie mihewalɛ kpo matsɔ̃ɔ Ijipt, ni mikɛ naakpɛɛ nii ni mafee yɛ jɛi lɛ aaagbala Ijipt toi, ni no sɛɛ dani eeehã nyɛya.

2 Mose 4:21

Yehowa kɛɛ Mose ekoŋŋ akɛ, “Kɛji oyashɛ Ijipt lɛ kwɛmɔ ni naakpɛɛ nibii fɛɛ ni mikɛ amɛnɔ hewalɛ ewo odɛ̃ŋ lɛ, ofee yɛ Farao hiɛ; shi mi lɛ mahã Farao akpliŋ etsui, ni ehãŋ maŋ lɛ aya.

2 Mose 4:29

Ni Mose kɛ Aaron tee Ijipt, ni amɛyabua Israelbii lɛ anukpai lɛ fɛɛ anaa.

2 Mose 4:7

Kɛkɛ ni Nyɔŋmɔ kɛɛ lɛ akɛ, “Okɛ onine ahɔ omiinaa ekoŋŋ.” Esaa ekɛ enine lɛ hɔ jɛi. Be ni ejie lɛ, naa ehewolo lɛ ni etsɔ̃ tamɔ bɔ ni eyɔɔ sa lɛ.

2 Mose 7:13

Shi Farao kpliŋ etsui, ni ebooo Mose kɛ Aaron toi taakɛ bɔ ni Yehowa ewie eto lɛ.

2 Mose 9:16

Shi enɛ hewɔ mihã oyɔɔ wala mli lolo koni majie mihewalɛ kpo matsɔ̃ɔ bo koni akɛtsi mitã yɛ jeŋ fɛɛ.

Abe̱i 21:1

Maŋtsɛ tsui lɛ etamɔ faa ni hoɔ yɛ Yehowa dɛŋ. Etsɔ̃mɔɔ lɛ bɔ ni lɛ diɛŋtsɛ esumɔɔ.

Yesaia 51:9

Tee shi, tee shi koo! Yehowa, wo ohewalɛ nine lɛ nɔ. Tee shi tamɔ ofee blema ko lɛ, tamɔ yɛ jeeŋmɔ yinɔi komɛi anɔ lɛ. Aso jeee bo ofolɔ ŋshɔŋ kooloo Rahab lɛ mli dukuduku lɛ? Aso jeee bo ofolɔ kooloo drako gbeyeigbeyei lɛ mli lɛ?

Mika 7:15

Mafee naakpɛɛnii matsɔ̃ɔ amɛ tamɔ be ni mijie amɛ kɛjɛ Ijipt shikpɔŋ lɛ nɔ lɛ.

Yohane 4:48

Kɛkɛ ni Yesu kɛɛ lɛ akɛ, “Kɛ nyɛnaaa okadii kɛ naakpɛɛnii lɛ, nyɛheee nyɛyeee.”

Bɔfoi 2:22

“Ataamɛi Israelbii, nyɛboa nɛkɛ wiemɔi nɛɛ atoi! Yesu Nazarenyo lɛ ji nuu ni Nyɔŋmɔ kɛ hewalɛ nitsumɔi kɛ naakpɛɛnii kɛ okadii ni etsɔ̃ enine nɔ efee yɛ nyɛteŋ lɛ ye ehe odase etsɔ̃ɔ nyɛ, tamɔ bɔ ni nyɛ diɛŋtsɛ nyɛle lɛ.

Bɔfoi 7:36

Ni lɛ nɔŋŋ ekpala amɛ kɛje kpo, ni efee naakpɛɛnii kɛ okadii yɛ Ijipt shikpɔŋ lɛ nɔ kɛ Ŋshɔ Tsuru lɛ mli kɛ ŋa lɛ nɔ afii nyɔŋmai ejwɛ lɛ.

Romabii 15:19

yɛ okadii kɛ naakpɛɛnii ahewalɛ mli, yɛ Mumɔ hewalɛ mli; bɔ ni fee nɛ ni mijɛ Yerusalɛm mibɔle shi aahu kɛyashi Ilirikum ni mishiɛ Kristo Sanekpakpa lɛ migbe naa.

Romabii 9:18

Belɛ no hewɔ lɛ, mɔ ni esumɔɔ akɛ ena lɛ mɔbɔ lɛ, enaa lɛ mɔbɔ, ni kɛ eesumɔ akɛ ewaje mɔ ko tsui lɛ, ewajeɔ.

5 Mose 4:34

Aloo nyɛnu nyɔŋmɔ ko eka dã akɛ eeeya maŋ ko nɔ, ni eyakpɔ̃ mɛi komɛi kɛje nakai maŋ lɛ mli ni ebafee mɛi lɛ lɛ diɛŋtsɛ emɛi tamɔ bɔ ni Yehowa, nyɛNyɔŋmɔ lɛ, tsɔ̃ kai kɛ okadii kɛ naakpɛɛ nii, kɛ ta kɛ nineshiwalɛ kɛ hewalɛ kpeteŋkple nɔ efee ehã nyɛ yɛ Ijipt, yɛ nyɛ diɛŋtsɛ nyɛhiŋmɛiiaŋ lɛ?

5 Mose 7:19

Nyɛkaia helai wuji kɛ okadii kɛ naakpɛɛnii ni nyɛna kɛ nyɛhiŋmɛii lɛ kɛ nineshiwalɛ kɛ hewalɛ ni Yehowa, nyɛNyɔŋmɔ lɛ, kɛkpɔ̃ nyɛ lɛ. Nakai pɛpɛɛpɛ Yehowa, nyɛNyɔŋmɔ lɛ, baafee maji fɛɛ ni nyɛ lɛ nyɛsheɔ amɛ gbeyei lɛ.