2 Mose 7:20 - ŊMALƐ KRƆŊKRƆŊ LƐ

²⁰ Mose kɛ Aaron fee bɔ ni Yehowa fã amɛ lɛ. Aaron wo etso lɛ nɔ, ni ekɛtswa Nilo Faa lɛ mli nu lɛ yɛ Farao kɛ etsuji lɛ ahiɛ, kɛkɛ ni faa lɛ mli nu lɛ fɛɛ tsɔ̃ lá.

Ṅmãle̱ Kroṅkroṅ Le̱

²⁰ Ni Mose ke̱ Aaron fe bo̱ni Iehowa fã́ame̱ le̱, ni ewó etšo le̱ no̱, ni eke̱-tſa nu ní yo̱ fā le̱ mli le̱ ye̱ Farao ke̱ etšũdši le̱ ahĩe, ni fā le̱ mli nu le̱ fè tšṍ lá.

2 Mose 7:20 ပူးပေါင်းရင်းမြစ်များ

2 Maŋtsɛmɛi 4:29

Kɛkɛ ni Elisha kɛɛ Gehazi akɛ, “Miamɔ, ni okɔ midɛŋhiɛmɔtso lɛ ohiɛ odɛ̃, ni oya. Kɛji okɛ mɔ ko kpe yɛ gbɛ lɛ nɔ lɛ, kaaŋa lɛ; ni kɛji mɔ ko ŋa bo lɛ, kaahere lɛ nɔ, ni oya ni okɛ mitso lɛ ayafɔ gbekɛ lɛ hiɛŋtso nɔ.”

Lalai 105:29

Ehã amɛfai amli nui lɛ tsɔ̃ lá, ni amɛmli loi lɛ gboi.

Lalai 78:44

Ehã amɛfai lɛ tsɔ̃mɔ lá ni no hewɔ lɛ, amɛnyɛɛɛ fai lɛ amli nu amɛnu.

2 Mose 4:9

Shi kɛji amɛheee bo amɛyeee yɛ okadii enyɔ nɛɛ fɛɛ asɛɛ, ni amɛbooo bo toi hu lɛ, no lɛ yɛɛ Nilo Faa lɛ mli nu lɛ eko ni ofɔse oshwie shikpɔŋ gbiŋ nɔ, ni nu lɛ ni oyɛ yɛ faa lɛ mli lɛ aaatsɔ̃ lá yɛ shikpɔŋ gbiŋ lɛ nɔ.”

2 Mose 7:10

No hewɔ lɛ, Mose kɛ Aaron tee Farao ŋɔɔ, ni amɛfee bɔ ni Yehowa efã amɛ lɛ. Aaron kɛ etso lɛ fɔ shi yɛ Farao kɛ etsuji lɛ ahiɛ, ni tso lɛ tsɔ onufu.

2 Mose 7:21

Loi ni yɔɔ faa lɛ mli lɛ gboi, ni faa lɛ sha bɔ ni Ijiptbii lɛ nyɛɛɛ Nilo mli nu amɛnu. Lá sɔŋŋ ji Ijipt shikpɔŋ lɛ nɔ he fɛɛ he.

2 Mose 7:6

Mose kɛ Aaron fee bɔ ni Yehowa fã amɛ lɛ pɛpɛɛpɛ.

Habakuk 3:8

Yehowa, ani fai omli wo la wo? Fai ni omli fu, loo ŋshɔ ni ogri owo? No hewɔ ota kunimyeli okpɔŋɔ kɛ tayaa shwiili mli kɛbaa nɛɛ?

Kpojiemɔ 8:8

Ni bɔfo ni ji enyɔ lɛ kpã etɛtrɛmantrɛ, ni ashɛ nɔ ko ni tamɔ gɔŋ kpeteŋkple ni shãa kɛ la afɔ̃ ŋshɔŋ, ni ŋshɔ lɛ mlijai etɛ̃ mli ekome tsɔ̃ lá.