2 Mose 7:2 - ŊMALƐ KRƆŊKRƆŊ LƐ

² Nɔ fɛɛ nɔ ni mifã bo ni owie lɛ, kɛɛmɔ onyɛmi Aaron, ni lɛ ekɛ Farao awie koni eŋmɛɛ Israelbii lɛ ahe ni amɛshi eshikpɔŋ lɛ nɔ amɛya.

Ṅmãle̱ Kroṅkroṅ Le̱

² Bo le̱, wiemo nii fẽ ní mifã́o ye̱ he le̱; ni onyemi Aaron ke̱ Farao awie, koni ehã Israelbii le̱ adše ešikpoṅ le̱ no̱ aya.

2 Mose 7:2 ပူးပေါင်းရင်းမြစ်များ

1 Maŋtsɛmɛi 22:14

Shi Mikaia to he akɛ, “Gbii abɔ ni Yehowa hiɛkãalɔ lɛ yɔɔ nɛɛ lɛ, nɔ ni Yehowa aaakɛɛ mi lɛ, no mawie.”

2 Mose 4:15

Bɔɔ lɛ amaniɛ, ni otsɔ̃ɔ lɛ nɔ ni ekɛɛ. Mibawa bo kɛ lɛ fɛɛ yɛ wiemɔ mli, ni matsɔ̃ɔ nyɛ nɔ ni nyɛfee.

2 Mose 4:16

Aaron aaatsɔ̃ onaawielɔ yɛ okɛ maŋ lɛ teŋ, ni eeewie yɛ onajiaŋ, ni bo hu oootsɔ̃ tamɔ Nyɔŋmɔ ohã lɛ.

2 Mose 5:1

Enɛ sɛɛ lɛ Mose kɛ Aaron tee Farao ŋɔɔ amɛyakɛɛ lɛ akɛ, “Bɔ ni Yehowa, Israel Nyɔŋmɔ lɛ, kɛɛ nɛ, ‘Hã mimaŋ lɛ aya ni amɛyaye gbi jurɔ amɛhã mi yɛ ŋa lɛ nɔ.’ ”

2 Mose 6:29

ekɛɛ Mose akɛ, “Mi ji Yehowa. Kɛɛmɔ Ijipt maŋtsɛ lɛ nɔ fɛɛ nɔ ni mikɛ bo wieɔ lɛ.”

2 Mose 7:6

Mose kɛ Aaron fee bɔ ni Yehowa fã amɛ lɛ pɛpɛɛpɛ.

Yeremia 1:17

No hewɔ lɛ, bo Yeremia miamɔ, tee shi koni oyakɛɛ amɛ nɔ fɛɛ nɔ ni mibafã bo akɛ okɛɛ lɛ. Otsui akafã yɛ amɛhewɔ, kɛjeee nakai lɛ mahã ojija yɛ amɛhiɛ.

Yeremia 1:7

Shi Yehowa kɛɛ mi akɛ, “Kaakɛɛ akɛ, ‘Gbekɛ kɛkɛ ji mi’, shi mɔ fɛɛ mɔ ŋɔɔ ni mibatsu bo lɛ, yaa, ni nɔ fɛɛ nɔ ni mafã bo akɛ owie lɛ, no ji nɔ ni owie.

Ezekiel 3:10

Gbee lɛ saa ekɛɛ mi ekoŋŋ akɛ, “Gbɔmɔ adesa, bo miwiemɔi fɛɛ ni mikɛ bo wieɔ lɛ toi, ni okɛto otsuiŋ.

Ezekiel 3:17

“Gbɔmɔ Adesa, mito bo bulɔ mihã Israel we lɛ; ni be fɛɛ be ni ooonu minaa wiemɔ lɛ, obɔ amɛ kɔkɔ ohã mi.

Mateo 28:20

ni nyɛtsɔ̃ɔ amɛ ni amɛye nii fiaa ni mikɛɛ nyɛ lɛ nɔ. Ni naa, mi lɛ mikɛ nyɛ yɛ daa kɛyaashi jeŋ naagbee lɛ.”

Bɔfoi 20:27

ejaakɛ mijaje Nyɔŋmɔ yiŋtoo muu lɛ fɛɛ mitsɔ̃ɔ nyɛ ni mishiuuu eko nɔ.

5 Mose 4:2

Nyɛkɛ nɔ ko akafataa mlai ni miwoɔ nyɛ nɛɛ ahe, ni asaŋ nyɛkajiea nɔ ko yɛ mli hu. Nyɛyea Yehowa, nyɛNyɔŋmɔ lɛ, mlai ni miwoɔ nyɛ nɛɛ nɔ.