2 Mose 7:19 - ŊMALƐ KRƆŊKRƆŊ LƐ

¹⁹ Ni Yehowa fã Mose akɛ, “Kɛɛmɔ Aaron akɛ, ‘Kɔ otso lɛ ni okpã onine mli yɛ Ijipt nu fɛɛ nu, ni ji fai kɛ nujɔi ni aje gbɛ agbala kɛ bukoi kɛ nu ni bua shi fɛɛ, nɔ, ni amɛaatsɔmɔ lá. Nu ni yɔɔ tso kɛ tɛ gogai amli fɛɛ aaatsɔ̃ lá.’ ”

Ṅmãle̱ Kroṅkroṅ Le̱

¹⁹ Ni Iehowa kē̱ Mose ake̱: Kē̱mo̱ Aaron ake̱: Ko̱ otšo le̱, ni okpã onine mli ye̱ Mizraim *nui le̱ ke̱ ame̱nudšō̱i le̱ ke̱ ame̱fāi le̱ ke̱ ame̱kpākpoi le̱ ke̱ ame̱nui ní bua ši le̱ fẽ no̱ ní ame̱tšṍmo̱ lá; ní nu ní yo̱ Mizraim šikpoṅ le̱ no̱ fẽ, ye̱ tšonibii ke̱ te̱nibii amli le̱, aatšo lá. *Kpods. 11,6.

2 Mose 7:19 ပူးပေါင်းရင်းမြစ်များ

1 Mose 1:10

Nyɔŋmɔ tsɛ he ni egbi lɛ akɛ shikpɔŋ, ni nu ni ebua ehe naa lɛ etsɛ lɛ ŋshɔ; ni Nyɔŋmɔ na akɛ ehi.

2 Maŋtsɛmɛi 4:29

Kɛkɛ ni Elisha kɛɛ Gehazi akɛ, “Miamɔ, ni okɔ midɛŋhiɛmɔtso lɛ ohiɛ odɛ̃, ni oya. Kɛji okɛ mɔ ko kpe yɛ gbɛ lɛ nɔ lɛ, kaaŋa lɛ; ni kɛji mɔ ko ŋa bo lɛ, kaahere lɛ nɔ, ni oya ni okɛ mitso lɛ ayafɔ gbekɛ lɛ hiɛŋtso nɔ.”

2 Mose 10:12

Kɛkɛ ni Yehowa kɛɛ Mose akɛ, “Kpã onine mli yɛ Ijipt shikpɔŋ lɛ nɔ koni baalabii aba shikpɔŋ lɛ nɔ ni amɛbaye bai fɛɛ kɛ nibii fɛɛ ni nyɔŋmɔŋtɛi lɛ eshi lɛ.”

2 Mose 10:21

Agbɛnɛ Yehowa kɛɛ Mose akɛ, “Kpã onine mli kɛya ŋwɛi koni duŋ awo yɛ Ijipt shikpɔŋ lɛ nɔ, duŋ kabitii.”

2 Mose 14:16

Shi bo lɛ, wo otso lɛ nɔ ni okpã onine mli yɛ ŋshɔ lɛ nɔ koni ogba ŋshɔ lɛ mli enyɔ koni Israelbii lɛ anyiɛ shikpɔŋ gbiŋ nɔ kɛtsɔ̃ ŋshɔ lɛ teŋ kɛya.

2 Mose 14:21

Mose kpã enine mli yɛ ŋshɔ lɛ nɔ, ni Yehowa hã bokã kɔɔyɔɔ ko ni naa wa batswa nakai nyɔɔŋ lɛ mli fɛɛ, ni ehã ŋshɔ lɛ gbala kɛtee sɛɛ, yɛ biɛ kɛ biɛ, ni emli gba enyɔ, ni eshi shikpɔŋ gbiŋ efɔ̃ shi yɛ eteŋ,

2 Mose 14:26

Shi Yehowa kɛɛ Mose akɛ, “Kpã onine mli yɛ ŋshɔ lɛ nɔ koni ŋshɔ lɛ abaha Ijiptbii kɛ amɛtayaa shwiilii kɛ amɛkpɔŋɔnɔtalɔi lɛ anɔ.”

2 Mose 4:9

Shi kɛji amɛheee bo amɛyeee yɛ okadii enyɔ nɛɛ fɛɛ asɛɛ, ni amɛbooo bo toi hu lɛ, no lɛ yɛɛ Nilo Faa lɛ mli nu lɛ eko ni ofɔse oshwie shikpɔŋ gbiŋ nɔ, ni nu lɛ ni oyɛ yɛ faa lɛ mli lɛ aaatsɔ̃ lá yɛ shikpɔŋ gbiŋ lɛ nɔ.”

2 Mose 8:16

Ni Yehowa kɛɛ Mose akɛ, “Kɛɛmɔ Aaron koni ekpã enine mli ni ekɛ etso lɛ atswa shikpɔŋ lɛ nɔ mlu lɛ koni mlu lɛ atsɔ̃ tɔ̃ŋtɔ̃ŋ yɛ Ijipt shikpɔŋ lɛ nɔ fɛɛ.”

2 Mose 9:33

Kɛkɛ ni Mose shi Farao, ni eje maŋ lɛ mli hu, ni ehole eniji anɔ etsɛ Yehowa. Kɛkɛ ni ŋwɛi shiimɔ lɛ kɛ nyɔŋmɔŋtɛi lɛ asɛɛ fo, ni nu lɛ kpa shikpɔŋ lɛ nɔ nɛmɔ.

Yesaia 19:10

Mamalolɔi kɛ ninenaa nitsulɔi fɛɛ atsui baaye.

Yesaia 5:25

Enɛ hewɔ lɛ, Yehowa mli fu ewebii lɛ, ni ewo enine nɔ yɛ amɛnɔ, ni egbala amɛtoi. Gɔji lɛ hoso, ni amɛgbohii lɛ jwere blohui amli oookɛɛ shĩaŋ jwɛi ni abɛɛ ashwie. Shi fɛɛ sɛɛ lɛ Yehowa mlifu lɛ naa bako shi, shi ekpã enine lɛ mli lolo.

Habakuk 3:8

Yehowa, ani fai omli wo la wo? Fai ni omli fu, loo ŋshɔ ni ogri owo? No hewɔ ota kunimyeli okpɔŋɔ kɛ tayaa shwiili mli kɛbaa nɛɛ?