2 Mose 7:17 - ŊMALƐ KRƆŊKRƆŊ LƐ

¹⁷ Agbɛnɛ bɔ ni Yehowa kɛɛ nɛ, enɛ okɛaale akɛ mi ji Yehowa lɛ. Naa, mikɛ tso ni mihiɛ yɛ midɛ̃ nɛɛ baatswa Nilo Faa lɛ mli, ni nu lɛ baatsɔ̃ lá.

Ṅmãle̱ Kroṅkroṅ Le̱

¹⁷ Boni Iehowa kē̱ ne̱: Ene̱ oke̱-ale ake̱ midši Iehowa le̱: na, mike̱ tšo ní mihĩe ye̱ midẽ ne̱ batſa fā le̱ mli nu le̱, ni *eetšṍ lá. *4,9.

2 Mose 7:17 ပူးပေါင်းရင်းမြစ်များ

1 Maŋtsɛmɛi 20:28

Gbalɔ ko yanina Israel maŋtsɛ lɛ, ni ekɛɛ lɛ akɛ, “Bɔ ni Yehowa kɛɛ nɛ, akɛni Siriabii lɛ ekɛɛ akɛ gɔji anɔ Nyɔŋmɔ ji mi, shi jeee jɔiaŋ Nyɔŋmɔ hewɔ lɛ, mibahã oye asafo kpekpeŋkpekpeŋ nɛɛ nɔ kunim, koni nyɛkɛna nyɛle akɛ mi ji Yehowa lɛ.”

2 Maŋtsɛmɛi 19:19

No hewɔ lɛ, agbɛnɛ, bo Yehowa, wɔNyɔŋmɔ, miikpa bo fai, heremɔ wɔyiwala kɛjɛ edɛŋ, koni shikpɔŋ lɛ nɔ maŋtsɛyelii fɛɛ ana ale akɛ bo, Yehowa, okome too pɛ ji Nyɔŋmɔ.”

Lalai 105:29

Ehã amɛfai amli nui lɛ tsɔ̃ lá, ni amɛmli loi lɛ gboi.

Lalai 78:44

Ehã amɛfai lɛ tsɔ̃mɔ lá ni no hewɔ lɛ, amɛnyɛɛɛ fai lɛ amli nu amɛnu.

Lalai 83:18

Hã amɛna amɛle akɛ bo mɔ ni ogbɛi ji Yehowa lɛ, bo pɛ ji Ofe yɛ shikpɔŋ lɛ nɔ fɛɛ.

Lalai 9:16

Yehowa kɛ ejalɛ kojomɔ ehã ale lɛ; mɛi fɔ̃ji edu tsɔne ni amɛ diɛŋtsɛ amɛtsɔ̃ lɛ.

2 Mose 1:22

Kɛkɛ ni Farao wo emaŋbii lɛ fɛɛ akpɔ akɛ, “Binuu fɛɛ binuu ni Hebri yoo aaafɔ lɛ nyɛshɛa lɛ nyɛfɔ̃a Nilo faa lɛ mli, shi biyoo lɛ nyɛhãa eyi ana wala.”

2 Mose 10:2

koni ogba obii kɛ obii abii nibii ni mifee yɛ Ijipt, kɛ naakpɛɛ okadii ni mifee yɛ amɛteŋ, ni okpã owo amɛtoiiaŋ koni nyɛna nyɛle akɛ mi ji Yehowa.”

2 Mose 4:9

Shi kɛji amɛheee bo amɛyeee yɛ okadii enyɔ nɛɛ fɛɛ asɛɛ, ni amɛbooo bo toi hu lɛ, no lɛ yɛɛ Nilo Faa lɛ mli nu lɛ eko ni ofɔse oshwie shikpɔŋ gbiŋ nɔ, ni nu lɛ ni oyɛ yɛ faa lɛ mli lɛ aaatsɔ̃ lá yɛ shikpɔŋ gbiŋ lɛ nɔ.”

2 Mose 5:2

Farao bi amɛ akɛ, “Namɔ ji nakai Yehowa lɛ hewɔ ni esa akɛ mabo lɛ toi, ni mahã Israel aya? Mileee Yehowa ko, ni Israel hu mihãaa amɛya.”

2 Mose 6:7

Maŋɔ nyɛ mafee mi diɛŋtsɛ mimaŋ, ni matsɔ̃ nyɛNyɔŋmɔ, ni nyɛaale akɛ mi ji Yehowa, nyɛNyɔŋmɔ lɛ, ni jie nyɛ yɛ Ijipt nyɔŋyeli lɛ mli lɛ.

2 Mose 7:20

Mose kɛ Aaron fee bɔ ni Yehowa fã amɛ lɛ. Aaron wo etso lɛ nɔ, ni ekɛtswa Nilo Faa lɛ mli nu lɛ yɛ Farao kɛ etsuji lɛ ahiɛ, kɛkɛ ni faa lɛ mli nu lɛ fɛɛ tsɔ̃ lá.

2 Mose 7:5

Kɛ migbala Ijiptbii lɛ atoi, ni mijie Israelbii lɛ kɛje amɛshikpɔŋ lɛ nɔ lɛ, no Ijiptbii kɛaale akɛ mi ji Yehowa.”

Ezekiel 25:17

Mikɛ mlifu kpele baakã amɛ, ni matɔ mihe owele jogbaŋŋ yɛ amɛnɔ, ni no amɛkɛaale akɛ mi, mi ji Yehowa, kɛji mitɔ mihe owele yɛ amɛnɔ lɛ.”

Ezekiel 29:9

Ni maha Ijipt shikpɔŋ lɛ atsɔ̃ amaŋfɔ̃ kɛ olɛŋlɛ. No Ijiptbii kɛaale akɛ, mi, mi ji Yehowa. Akɛni okɛɛ akɛ, ‘Nilo Faa lɛ minɔ ni, ni mi mibɔ lɛ,’

Ezekiel 30:19

Bɔ ni magbala Ijipt toi maha nɛ, ni no ekɛaale akɛ mi, mi ji Yehowa.”

Ezekiel 30:8

Kɛji mima Ijipt naa la mishã, ni mikpãtã mɛi ni ye bua lɛ lɛ ahiɛ lɛ, no amɛkɛaale akɛ, mi, mi ji Yehowa.

Ezekiel 32:15

Kɛji mifee Ijipt shikpɔŋ lɛ amaŋfɔ̃, ni mikpãtã emli nii fɛɛ hiɛ, ni miplenee emli gbɔmɛi fɛɛ lɛ, no dani amɛaana amɛle akɛ, mi, mi ji Yehowa.

Ezekiel 32:6

Mikɛ olá ni hoɔ lɛ baafɔ shikpɔŋ lɛ tsɔtsɔɔtsɔ kɛyashi gɔji lɛ anɔ tete, ni olá lɛ aayi nujɔi lɛ obɔ̃bɔ̃.

Ezekiel 38:23

Ni enɛ mikɛaahã maji fɛɛ ale akɛ mida ni mihe tse; ni amɛaana amɛle hu akɛ mi ji Yehowa.”

Ezekiel 39:28

Kɛkɛ lɛ amɛaale akɛ mi, mi ji Yehowa, amɛNyɔŋmɔ lɛ; ejaakɛ mihã aŋɔ amɛ nom kɛtee majiasɛɛ, ni misaa miyabua amɛnaa kɛba amɛ diɛŋtsɛ amɛshikpɔŋ lɛ nɔ ekoŋŋ, ni mishiŋ amɛteŋ mɔ ko mɔ ko yɛ jɛi.

Daniel 4:17

Nɛkɛ ji bɔ ni ŋwɛi saralɔi lɛ ekpɛ mli ehã, ni mɛi krɔŋkrɔŋi lɛ hu kɛ amɛ kpãa gbee nakai nɔŋŋ, koni adesai fɛɛ kɛna amɛle akɛ mɔ ni yɔɔ ŋwɛi shɔŋŋ lɛ, eyɛ hewalɛ yɛ gbɔmɔ adesa nɔyeli fɛɛ nɔyeli nɔ, asaŋ akɛ eŋɔɔ hewalɛ ehãa mɔ ni lɛ esumɔɔ, ni ekɛ gbɔmɛi amliwoo tete po taa maŋtsɛ sɛi nɔ.’

Daniel 4:32

asaŋ aaashwie bo kɛje gbɔmɛi ateŋ kɛya ŋaŋ kooloi ateŋ koni okɛ amɛ ayahi shi. Obaakpe jwɛi tamɔ tsina afii kpaw, ni ooona oyoo akɛ Nyɔŋmɔ, Ŋwɛi Flooflonyo lɛ, yɛ hewalɛ yɛ gbɔmɛi amaŋtsɛyeli fɛɛ maŋtsɛyeli nɔ, asaŋ akɛ mɔ fɛɛ mɔ ni lɛ esumɔɔ lɛ lɛ ekɛ maŋtsɛyeli hãa.”

Daniel 4:37

“No hewɔ lɛ, mi, Nebukadnezar, miijie Ŋwɛi Maŋtsɛ lɛ yi, ni miiwo lɛ, ni miiwo ehiɛ nyam. Nɔ fɛɛ nɔ ni efeɔ hi, ni eja hu, ni mɔ fɛɛ mɔ ni woɔ ehe nɔ lɛ, enyɛɔ ebaa mɔ lɛ shi.”

Daniel 5:21

Ashwie lɛ kɛje adesai ateŋ; ejwɛŋmɔ tsɔ̃ tamɔ kooloo jwɛŋmɔ, ni eyahi ŋaŋ tejii ateŋ, ni ekpe jwɛi tamɔ tsina. Ŋwɛi bɔ nyɔ egbɔmɔtso nɔ aahu kɛyashi beyinɔ ni eyoo akɛ Nyɔŋmɔ ni yɔɔ ŋwɛi shɔŋŋ lɛ, eyɛ hewalɛ yɛ maŋtsɛyeli nɔ, ni mɔ ni esumɔɔ lɛ, lɛ maŋtsɛ ewoɔ.

Daniel 5:23

shi moŋ owo ohe nɔ yɛ Nuŋtsɔ ni yɔɔ ŋwɛi lɛ hiɛ. Otee oyaloo kpuji kɛ okpolui ni yɔɔ ewe lɛ kɛba, ni bo kɛ onukpai lɛ kɛ oŋamɛi lɛ kɛ ohemɛi lɛ kɛbanu dãa. Enɛ sɛɛ hu lɛ nyɛjie wɔji srɔtoi ni akɛ shika kɛ jwiɛtɛi kɛ akɔɔble kɛ dade kɛ tso kɛ tɛ efee lɛ ayi, nibii ni amɛnãaa nii, ni amɛnuuu nii, ni amɛleee nɔ ko nɔ ko lɛ yi. Shi Nyɔŋmɔ lɛ, ni lɛ edɛŋ owala kɛ oyaakɛbaa fɛɛ yɔɔ lɛ, ojieee lɛ moŋ eyi.

Kpojiemɔ 11:6

Mɛnɛɛmɛi yɛ hegbɛ akɛ amɛŋaa ŋwɛi naa, koni nu akanɛ yɛ amɛgbalɛ bei lɛ amli; ni amɛyɛ hegbɛ hu yɛ nui lɛ anɔ akɛ amɛhãa etsɔ̃ɔ lá, ni amɛkɛ haomɔ fɛɛ haomɔ haoɔ shikpɔŋ lɛ shii abɔ ni amɛsumɔɔ.

Kpojiemɔ 8:8

Ni bɔfo ni ji enyɔ lɛ kpã etɛtrɛmantrɛ, ni ashɛ nɔ ko ni tamɔ gɔŋ kpeteŋkple ni shãa kɛ la afɔ̃ ŋshɔŋ, ni ŋshɔ lɛ mlijai etɛ̃ mli ekome tsɔ̃ lá.