2 Mose 7:16 - ŊMALƐ KRƆŊKRƆŊ LƐ

¹⁶ Okɛɛ lɛ akɛ, ‘Yehowa, ni ji Hebribii lɛ aNyɔŋmɔ lɛ, tsu mi oŋɔɔ koni mibakɛɛ bo akɛ, hã mimaŋ lɛ aya ni amɛyaja mi yɛ ŋa lɛ nɔ; ni naa, okpɛ̃lɛko kɛbashi benɛ.

Ṅmãle̱ Kroṅkroṅ Le̱

¹⁶ ni okē̱le̱ ake̱: Iehowa, Hebribii le̱ a-Nyoṅmo̱ le̱, tšũmi oṅõ ake̱ mibakē̱o ake̱: *Hã ní mimaṅ le̱ aya ní ame̱ya-súmo̱mi ye̱ ṅã le̱ no̱; ni na, okplẽko ke̱-baši bene̱. *5,1.

2 Mose 7:16 ပူးပေါင်းရင်းမြစ်များ

2 Mose 10:3

Kɛkɛ ni Mose kɛ Aaron tee Farao ŋɔɔ, ni amɛyakɛɛ lɛ akɛ, “Bɔ ni Yehowa, Hebribii aNyɔŋmɔ lɛ, kɛɛ nɛ, ‘Mɛɛ beyinɔ po oookpɛ̃lɛ koni oba ohe shi ohã mi? Hã mimaŋ lɛ aya koni amɛyaja mi.

2 Mose 13:15

Ejaakɛ be ni Farao kɛ kuɛŋtilɛ ekpɛlɛ̃ɛɛ kwrakwra akɛ eŋmɛ wɔ gbɛ koni wɔshi Ijipt lɛ, Yehowa gbe Ijipt shikpɔŋ lɛ nɔ kromɔbii fɛɛ kɛjɛ gbɔmɔ kromɔbi nɔ kɛyashi kooloo tete kromɔbi nɔ. Enɛ hewɔ ni kooloo fɛɛ kooloo ni gbeleɔ musu naa, ni ji nuu lɛ, wɔkɛshãa afɔle wɔhãa Yehowa lɛ, shi wɔkromɔ bihii lɛ, amɛ lɛ wɔkpɔ̃ɔ amɛ lɛ.

2 Mose 14:5

Be ni ababɔ Ijipt maŋtsɛ lɛ amaniɛ akɛ Israelbii lɛ ejo foi amɛtee lɛ, Farao kɛ etsuji lɛ tsake amɛjwɛŋmɔ yɛ Israelbii lɛ ahe, ni amɛkɛɛ akɛ, “Kwɛ mɛni po wɔfee nɛɛ, ni wɔhã Israelbii lɛ kpa wɔ sɔ̃ɔmɔ ni amɛtee nɛɛ?”

2 Mose 3:12

Nyɔŋmɔ to he akɛ, “Mi kɛ bo ni yaa lɛ, ni enɛ ji nɔ ni aaaye he odase akɛ mi mitsu bo lɛ. Kɛji oyajie Israelbii lɛ kɛje Ijipt kɛba lɛ, nyɛbaa gɔŋ krɔŋkrɔŋ nɛɛ he nyɛbajaa mi.”

2 Mose 3:13

Ni Mose here nɔ akɛ, “Kɛji mitee Israelbii lɛ aŋɔɔ miyakɛɛ amɛ akɛ, ‘Nyɛtsɛmɛi aNyɔŋmɔ lɛ tsu mi nyɛŋɔɔ nɛɛ’, ni amɛaabi mi akɛ, ‘Te egbɛi hu?’ lɛ, te mikɛɛ amɛ tɛŋŋ?”

2 Mose 3:18

“Israel onukpai lɛ aaabo bo toi, ni okɛ amɛ aya Ijipt Maŋtsɛ lɛ ŋɔɔ ni oyakɛɛ lɛ akɛ, ‘Yehowa, Hebribii aNyɔŋmɔ lɛ, ejie ehe kpo etsɔ̃ɔ wɔ. No hewɔ lɛ, wɔmiikpa bo fai, ŋmɛɛ wɔ gbɛ ni wɔya gbii etɛ̃ gbɛ nyiɛmɔ koni wɔyashã afɔle wɔhã Yehowa, wɔNyɔŋmɔ lɛ.’

2 Mose 4:22

Okɛɛ Farao akɛ mi Yehowa mikɛɛ, ‘Mikromɔ binuu ji Israel,

2 Mose 4:23

ni miikɛɛ bo akɛ, hã mibinuu lɛ aya, no lɛ naa, magbe okromɔ binuu lɛ.’ ”

2 Mose 7:4

eboŋ nyɛ toi. No baahã mikɛ Ijipt aye kɛ joomɔ, ni magbala etoi, ni majie mimaŋ Israel kɛje Ijipt.

2 Mose 8:1

Kɛkɛ ni Yehowa kɛɛ Mose akɛ, “Yaa Farao ŋɔɔ koni oyakɛɛ lɛ akɛ, ‘Bɔ ni Yehowa kɛɛ nɛ; hã mimaŋ lɛ aya ni amɛyasɔ̃mɔ mi.

2 Mose 8:20

Agbɛnɛ Yehowa kɛɛ Mose akɛ, “Tee shi leebi maŋkpa ni oyafo Farao be mli ni eyaa faa lɛ naa, koni okɛɛ lɛ akɛ, Yehowa kɛɛ, ‘Hã mimaŋ lɛ aya ni amɛyaja mi.

2 Mose 9:1

Kɛkɛ ni Yehowa kɛɛ Mose akɛ, “Yaa Farao ŋɔɔ ni oyakɛɛ lɛ akɛ, bɔ ni Yehowa, Hebribii aNyɔŋmɔ lɛ, kɛɛ nɛ, ‘Hã mimaŋ lɛ aya koni amɛyasɔ̃mɔ mi.

2 Mose 9:13

Yehowa kɛɛ Mose akɛ, “Tee shi wɔ leebi maŋkpa ni oyadamɔ Farao hiɛ, ni okɛɛ lɛ akɛ, bɔ ni Yehowa, Hebribii aNyɔŋmɔ lɛ, kɛɛ nɛ, ‘Hã mimaŋ lɛ aya koni amɛyasɔ̃mɔ mi,

Yesaia 45:13

Mi diɛŋtsɛ mitee Koresh shi koni etsu miyiŋtoo lɛ he nii, asaŋ koni ejaje nibii. Mahã egbɛi fɛɛ aja aha lɛ; eeesaa etswa mimaŋ lɛ, ni eeeŋmɛɛ minomii lɛ ahe jeee yɛ yinii loo sɛɛnamɔ ko hewɔ.” Yehowa, Taiatsɛ lɛ, kɛɛ.

Yeremia 50:33

Bɔ ni Yehowa, Taiatsɛ, kɛɛ nɛ, “Aaye Israelbii lɛ kɛ Yudabii lɛ hu fɛɛ anɔ keketee; ni mɛi ni baŋɔ amɛ nom lɛ hiɛ amɛ kpɛŋŋ, ni amɛŋmɛɛɛ amɛ gbɛ koni amɛya amɛmaŋ.