2 Mose 7:14 - ŊMALƐ KRƆŊKRƆŊ LƐ

¹⁴ Agbɛnɛ Yehowa kɛɛ Mose akɛ, “Farao tsui wa, ekpɛlɛɛɛ ni maŋ lɛ yaa.

Ṅmãle̱ Kroṅkroṅ Le̱

¹⁴ Ni Iehowa kē̱ Mose ake̱: Farao tšui wa, ekplẽẽ ní maṅ le̱ aya.

2 Mose 7:14 ပူးပေါင်းရင်းမြစ်များ

2 Mose 10:1

Kɛkɛ ni Yehowa kɛɛ Mose akɛ, “Yaa Farao ŋɔɔ, shi mihã ekpliŋ etsui, ni etsuji lɛ hu ekpliŋ amɛtsui bɔ ni afee ni mafee naakpɛɛ nii nɛɛ fɛɛ matsɔ̃ɔ amɛ,

2 Mose 10:20

Shi Yehowa hã Farao kpliŋ etsui, ni ehãaa Israelbii lɛ aya.

2 Mose 10:27

Shi Yehowa hã Farao kpliŋ etsui, ni ekpɛlɛ̃ɛɛ akɛ Israelbii lɛ aya.

2 Mose 10:4

Shi kɛji okpɛ̃lɛɛɛ ni mimaŋ lɛ aya lɛ, no lɛ naa, wɔ kpaakpa wɔ lɛ, mahã baalabii aba okpokpai lɛ anɔ,

2 Mose 3:19

Shi mi lɛ mile akɛ Ijipt Maŋtsɛ lɛ eŋmɛŋ gbɛ ni nyɛya, ja anyɛ enɔ.

2 Mose 4:23

ni miikɛɛ bo akɛ, hã mibinuu lɛ aya, no lɛ naa, magbe okromɔ binuu lɛ.’ ”

2 Mose 7:13

Shi Farao kpliŋ etsui, ni ebooo Mose kɛ Aaron toi taakɛ bɔ ni Yehowa ewie eto lɛ.

2 Mose 7:15

Yaa Farao ŋɔɔ leebi. Ebaaje kpo eya faa lɛ naa. Kɔ tso lɛ ni tsɔ onufu lɛ ohiɛ odɛ̃, ni oyadamɔ jɛi omɛ lɛ.

2 Mose 8:11

Kɔkɔdenei lɛ baaje bo kɛ owe lɛ kɛ otsuji lɛ kɛ omaŋbii lɛ anɔ aya. Nilo Faa lɛ mli nɔ lɛ kɛkɛ aaashwɛ.”

2 Mose 8:15

Shi be ni Farao na akɛ ena mumɔhe fioo lɛ, ekpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

2 Mose 8:2

Shi kɛji okpɛ̃lɛɛɛ ni amɛya lɛ, mikɛ kɔkɔdenei baahao oshikpɔŋ tso muu lɛ fɛɛ.

2 Mose 9:2

Shi kɛji okpɛ̃lɛɛɛ ni amɛya, ni okã he ootsi amɛnaa lolo lɛ,

2 Mose 9:34

Shi be ni Farao na akɛ nunɛmɔ lɛ kɛ nyɔŋmɔŋtɛi lɛ kɛ ŋwɛi shiimɔ lɛ sɛɛ efo lɛ, esaa efee esha ekoŋŋ, ni lɛ kɛ etsuji lɛ fɛɛ saa kpliŋ amɛtsui.

2 Mose 9:7

Ni Farao tsu ayakwɛ, ni ayana akɛ Israelbii akooloi lɛ ateŋ ekome folo nɛkɛ gboko. Shi enɛ fɛɛ sɛɛ lɛ, Farao kpliŋ etsui, ni ehãaa maŋ lɛ aya.

Yesaia 1:20

Shi kɛji nyɛkpɛlɛ̃ɛɛ, ni nyɛtse atua lɛ, no lɛ akɛ klante baakpãtã nyɛhiɛ. Mi, Yehowa, mikɛɛ.”

Yeremia 8:5

Mɛni hewɔ mɔ, ni gbɔmɛi nɛɛ egba afã, ni amɛka jɛi kwraa nɛɛ? Amɛhiɛ shishiumɔ mli kpɛŋŋ, ni amɛkpɛlɛ̃ɛɛ kpalemɔ.

Yeremia 9:6

Yiwalɛ kɛ shishiumɔnii ni amɛfeɔ nɔtoonɔtoo hewɔ lɛ, amɛkpɛlɛ̃ɛɛ akɛ amɛaale mi. Yehowa kɛɛ.

Zakaria 7:12

Amɛkpliŋ amɛtsui koni amɛkabo mla lɛ kɛ wiemɔ ni Yehowa, Taiatsɛ lɛ, kɛtsɔ̃ emumɔ lɛ nɔ ekɛtsu eklɛŋklɛŋ gbalɔi lɛ ni eŋɔ hã lɛ toi. No hewɔ ni Yehowa, Taiatsɛ lɛ mlifu amɛ naakpa lɛ.

5 Mose 2:30

“Shi Heshbon Maŋtsɛ Sihon ekpɛlɛ̃ɛɛ nɔ akɛ wɔtsɔ̃ eshikpɔŋ lɛ nɔ kɛho, ejaakɛ Yehowa, nyɛNyɔŋmɔ lɛ, hã ekuɛŋ ti, ni ekpliŋ etsui bɔ ni afee ni wɔ kɛ lɛ awu ni wɔye enɔ kunim tamɔ eyɔɔ ŋmɛnɛ nɛɛ lɛ.

Hebribii 12:25

Nyɛkwɛa ni ahĩa, koni nyɛkakwa mɔ ni wieɔ lɛ, ejaakɛ kɛ mɛi ni kwa mɔ ni wie tsɔ̃ɔ amɛ yɛ shikpɔŋ lɛ nɔ lɛ ahe ejeee mli lɛ, belɛ wɔ lɛ, wɔhe ejeŋ mli kwraa kɛji wɔkpale kɛjɛ mɔ ni jɛɔ ŋwɛi wieɔ lɛ he.

1 Samuel 6:6

Mɛni hewɔ esa akɛ nyɛkpliŋ nyɛtsui tamɔ Ijiptbii lɛ kɛ amɛmaŋtsɛ lɛ fee lɛ? Kwɛ, be ni ehã amɛna amɛnii ni amɛleee sɛɛ lɛ, bɛ amɛŋmɛɛ Israelbii lɛ ahe ni amɛtee?