2 Mose 7:13 - ŊMALƐ KRƆŊKRƆŊ LƐ

¹³ Shi Farao kpliŋ etsui, ni ebooo Mose kɛ Aaron toi taakɛ bɔ ni Yehowa ewie eto lɛ.

Ṅmãle̱ Kroṅkroṅ Le̱

¹³ Ni awadše Farao tšui, ni ebooame̱ toi, take̱ bo̱ni Iehowa *ewie le̱. *4,21.

2 Mose 7:13 ပူးပေါင်းရင်းမြစ်များ

2 Kronika 36:13

Zedekia hu tse Maŋtsɛ Nebukadnezar hiɛ atua be mli ni Nebukadnezar ehã Zedekia kɛ Nyɔŋmɔ ekã lɛ, Nebukadnezar lɛ, kitã. Zedekia kuɛŋ yati, ni ekpliŋ etsui, ni emiii akɛ ejeɔ ehe sɛɛ ni eboɔ Yehowa, Israel Nyɔŋmɔ lɛ, toi.

2 Mose 10:1

Kɛkɛ ni Yehowa kɛɛ Mose akɛ, “Yaa Farao ŋɔɔ, shi mihã ekpliŋ etsui, ni etsuji lɛ hu ekpliŋ amɛtsui bɔ ni afee ni mafee naakpɛɛ nii nɛɛ fɛɛ matsɔ̃ɔ amɛ,

2 Mose 10:20

Shi Yehowa hã Farao kpliŋ etsui, ni ehãaa Israelbii lɛ aya.

2 Mose 10:27

Shi Yehowa hã Farao kpliŋ etsui, ni ekpɛlɛ̃ɛɛ akɛ Israelbii lɛ aya.

2 Mose 14:17

Mahã Ijiptbii lɛ akpliŋ amɛtsui koni amɛnyiɛ Israelbii lɛ asɛɛ, ni maye Farao kɛ eta shwiilii kɛ ekpɔŋɔnɔtalɔi lɛ fɛɛ anɔ kunim.

2 Mose 4:21

Yehowa kɛɛ Mose ekoŋŋ akɛ, “Kɛji oyashɛ Ijipt lɛ kwɛmɔ ni naakpɛɛ nibii fɛɛ ni mikɛ amɛnɔ hewalɛ ewo odɛ̃ŋ lɛ, ofee yɛ Farao hiɛ; shi mi lɛ mahã Farao akpliŋ etsui, ni ehãŋ maŋ lɛ aya.

2 Mose 7:12

Amɛteŋ mɔ fɛɛ mɔ kɛ etso fɔ̃ shikpɔŋ, ni tsei lɛ tsɔmɔ onufui; shi Aaron tso lɛ mimii amɛtsei lɛ.

2 Mose 7:14

Agbɛnɛ Yehowa kɛɛ Mose akɛ, “Farao tsui wa, ekpɛlɛɛɛ ni maŋ lɛ yaa.

2 Mose 7:22

Shi Ijipt ŋkunyaayelɔi lɛ hu kɛ amɛkunyaayelɔi fee nakai nɔŋŋ. Enɛ hã Farao tee nɔ ekpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

2 Mose 8:11

Kɔkɔdenei lɛ baaje bo kɛ owe lɛ kɛ otsuji lɛ kɛ omaŋbii lɛ anɔ aya. Nilo Faa lɛ mli nɔ lɛ kɛkɛ aaashwɛ.”

2 Mose 8:15

Shi be ni Farao na akɛ ena mumɔhe fioo lɛ, ekpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

2 Mose 8:19

Kɛkɛ ni ŋkunyaayelɔi lɛ kɛɛ Farao akɛ, “Enɛ lɛ Nyɔŋmɔ tsu.” Shi Farao kpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

2 Mose 8:28

Farao to he ekɛɛ, “Mibaŋmɛ nyɛ gbɛ ni nyɛya koni nyɛyashã afɔle nyɛhã Yehowa, nyɛNyɔŋmɔ lɛ, yɛ ŋa lɛ nɔ, shi shɔŋŋ kɛkɛ ni nyɛkayaa. Nyɛsɔlea nyɛhãa mi.”

2 Mose 9:12

Shi Yehowa hã Farao kpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

2 Mose 9:35

Farao bakpliŋ etsui, ni ehãaa Israelbii lɛ aya tamɔ bɔ ni Yehowa ewie eto yɛ Mose naa lɛ.

2 Mose 9:7

Ni Farao tsu ayakwɛ, ni ayana akɛ Israelbii akooloi lɛ ateŋ ekome folo nɛkɛ gboko. Shi enɛ fɛɛ sɛɛ lɛ, Farao kpliŋ etsui, ni ehãaa maŋ lɛ aya.

Romabii 1:28

Ni akɛni amɛbuuu akɛ esa akɛ amɛleɔ Nyɔŋmɔ lɛ, Nyɔŋmɔ hu ŋmɛɛ amɛhe ehã jwɛŋmɔ ni esaaa koni amɛfee nibii ni esaaa;

Romabii 2:5

Shi okɛ otsuiwalɛ kɛ ohe ni oshwaaa lɛ miitĩa mlifu naa ohã ohe oto Nyɔŋmɔ mlifu gbi lɛ, nɔ nɔ ni ebaatsɔ̃ ejie ejalɛ kojomɔ lɛ kpo lɛ;

5 Mose 2:30

“Shi Heshbon Maŋtsɛ Sihon ekpɛlɛ̃ɛɛ nɔ akɛ wɔtsɔ̃ eshikpɔŋ lɛ nɔ kɛho, ejaakɛ Yehowa, nyɛNyɔŋmɔ lɛ, hã ekuɛŋ ti, ni ekpliŋ etsui bɔ ni afee ni wɔ kɛ lɛ awu ni wɔye enɔ kunim tamɔ eyɔɔ ŋmɛnɛ nɛɛ lɛ.

Hebribii 3:13

Shi moŋ nyɛwiea nyɛtsɔ̃tsɔ̃ɔa nyɛhe gbi fɛɛ gbi ni atsɛɔ lɛ “ŋmɛnɛ” lɛ, koni esha lakamɔ akahã nyɛteŋ mɔ ko tsui kpliŋ.

1 Samuel 6:6

Mɛni hewɔ esa akɛ nyɛkpliŋ nyɛtsui tamɔ Ijiptbii lɛ kɛ amɛmaŋtsɛ lɛ fee lɛ? Kwɛ, be ni ehã amɛna amɛnii ni amɛleee sɛɛ lɛ, bɛ amɛŋmɛɛ Israelbii lɛ ahe ni amɛtee?