2 Mose 7:11 - ŊMALƐ KRƆŊKRƆŊ LƐ

¹¹ Kɛkɛ ni Farao hu hã ayatsɛ nilelɔi kɛ ŋkunyaayelɔi kɛba. Gbɔmɛi nɛɛ ji Ijipt ashwãifeelɔi lɛ. Amɛ hu amɛkɛ amɛkunyaayeli ŋai lɛ fee nakai nɔŋŋ.

Ṅmãle̱ Kroṅkroṅ Le̱

¹¹ Ke̱ke̱ ni Farao hũ hã ayatšé̱ nilelo̱i ke̱ ṅkũnyāyelo̱i le̱ ke̱-ba; ni ame̱ hũ, ní dši *Mizraim woloṅlelo̱i le̱, ke̱ ame̱ṅkũnyãyeli-ṅāi le̱ fe nakai noṅṅ. *K. 22; 8,7. 18. 19. 2 Tim. 3,8.

2 Mose 7:11 ပူးပေါင်းရင်းမြစ်များ

1 Mose 41:8

Leebi lɛ etsui bɔ̃i yeli. Enɛ hewɔ lɛ, etsu ayatsɛ Ijipt nifeelɔi lɛ kɛ nilelɔi lɛ fɛɛ kɛba, ni egba amɛ elamɔ lɛ; shi amɛteŋ mɔ ko mɔ ko nyɛɛɛ Farao lamɔ lɛ shishi etsɔ̃ɔ.

2 Mose 7:12

Amɛteŋ mɔ fɛɛ mɔ kɛ etso fɔ̃ shikpɔŋ, ni tsei lɛ tsɔmɔ onufui; shi Aaron tso lɛ mimii amɛtsei lɛ.

2 Mose 7:22

Shi Ijipt ŋkunyaayelɔi lɛ hu kɛ amɛkunyaayelɔi fee nakai nɔŋŋ. Enɛ hã Farao tee nɔ ekpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

2 Mose 8:18

Kɛkɛ ni Ijipt ŋkunyaayelɔi lɛ ka, yɛ amɛkunyaayeli ŋai lɛ anaa koni amɛhã tɔ̃ŋtɔ̃ŋ lɛ eko aba, shi amɛnyɛɛɛ. Tɔ̃ŋtɔ̃ŋ lɛ ha gbɔmɛi kɛ kooloi fɛɛ.

2 Mose 8:3

Nilo Faa lɛ baawo kɔkɔdenei nyɛŋɛnyɛŋɛ, ni kɔkɔdenei nɛɛ aaaba owe lɛ kɛ osa nɔ kɛshɛ osɛɛtsuŋ; amɛaaba otsuji ashĩai kɛ omaŋbii lɛ ateŋ kɛ nyɛflɔnɔi kɛ nyɛmã tsesei fɛɛ amli.

2 Mose 8:7

Shi ŋkunyaayelɔi lɛ kɛ amɛkunyaayeli ŋai lɛ fee nakai nɔŋŋ, ni amɛ hu amɛhã kɔkɔdenei ba Ijipt shikpɔŋ lɛ nɔ.

Daniel 2:2

No hewɔ lɛ, Maŋtsɛ Nebukadnezar fã akɛ ayatsɛ ashwãifeelɔi kɛ klamɔfoi kɛ ŋkunyaayelɔi ni yɔɔ Babilonbii ateŋ lɛ abaha lɛ koni amɛbatsɔ̃ɔ lɛ elamɔi lɛ ashishi. Be ni gbɔmɛi nɛɛ shɛ maŋtsɛ lɛ hiɛ lɛ,

Daniel 2:27

Daniel here maŋtsɛ lɛ nɔ akɛ, “Nii, klamɔfonyo ko klamɔfonyo ko loo ashwãifeelɔ loo ŋulamiiaŋkwɛlɔ ko bɛ ni ebaanyɛ etsɔ̃ɔ teemɔŋ sane ni Nii taoɔ lɛ.

Daniel 4:6

No hewɔ lɛ, mifã akɛ atsɛ nilelɔi ni yɔɔ Babilon shikpɔŋ lɛ nɔ lɛ fɛɛ kɛba mihiɛ, koni amɛbatsɔ̃ɔ mi lamɔ lɛ shishi.

Daniel 5:11

Nuu ko yɛ omaŋtsɛyeli nɛɛ mli ni nyɔŋmɔi krɔŋkrɔŋi lɛ amumɔ yɔɔ emli. Otsɛ yinɔ lɛ gbɔmɔ nɛɛ jie hiɛshikãmɔ kɛ nilee kɛ jwɛŋmɔ kpo tamɔ nyɔŋmɔi lɛ anilee yɔɔ lɛ. No hewɔ lɛ, otsɛ, Maŋtsɛ Nebukadnezar, wo lɛ woloŋlelɔi kɛ klamɔfoi kɛ ashwãifeelɔi kɛ ŋulamiiaŋkwɛlɔi fɛɛ anukpa.

Daniel 5:7

Maŋtsɛ lɛ bo waa akɛ ayaŋɔ ashwãifeelɔi lɛ kɛ klalɔi lɛ kɛ ŋulamiiaŋkwɛlɔi lɛ abahã lɛ. Be ni Babilon nilelɔi nɛɛ ba lɛ, maŋtsɛ lɛ kɛɛ amɛ akɛ, “Mɔ ni baanyɛ gbogbo nɛɛ he niŋmaa nɛɛ ekane, ni asaŋ etsɔ̃ɔ mi eshishi lɛ, abaawula lɛ kɛ lumɔ atade afaseo kɛ shika kɔsɔŋkɔsɔ kuɛnii. Ebaatsɔ̃ nɔyelɔ ni ji etɛ̃ yɛ mimaŋtsɛyeli lɛ mli.”

Mateo 24:24

Ejaakɛ amale kristoi kɛ amale gbalɔi aaate shi ni amɛaafee okadii wuji kɛ ashwãi amɛtsɔ̃ɔ, bɔ ni kɛ aaaho lɛ amɛaalaka halamɔbii lɛ tete.

Galatabii 3:1

O Galatiabii ni bɛ yitsoŋ! Namɔ kpɛ nyɛ ayɛ, nyɛ ni atɛŋ Yesu Kristo yɛ nyɛhiɛ akɛ mɔ ni asɛŋ lɛ lɛ?

Efesobii 4:14

koni wɔkakã he wɔfee abifabii ni tsɔ̃ɔmɔ fɛɛ tsɔ̃ɔmɔ hosoɔ amɛ tamɔ kɔɔyɔɔ hosoɔ nii, ni ekpalaa amɛ kɛyaa kɛbaa yɛ gbɔmɛi aŋaafɔŋtoo kɛ kutumpɔo ni akɛshishiuɔ mɛi lɛ naa.

2 Tesalonikabii 2:9

Mlakwalɔ nɛɛ, Satan nitsumɔ nɔ ebaatsɔ̃ kɛba kɛ amale hewalɛ kɛ amale okadii kɛ amale naakpɛɛnii,

2 Timoteo 3:8

Shi tamɔ bɔ ni Yane kɛ Yambre ku Mose naa lɛ, nakai nɔŋŋ nɛkɛ mɛi nɛɛ kuɔ anɔkwale lɛ naa; gbɔmɛi ni yitseiaŋ efite, mɛi ni jeee mɛi komɛi yɛ hemɔkɛyeli lɛ gbɛfaŋ.

2 Timoteo 3:9

Shi amɛyaŋ amɛhiɛ tuutu ko; ejaakɛ amɛkwashiafeemɔ lɛ aaaje kpo fãŋŋ yɛ mɛi fɛɛ ahiɛ, tamɔ bɔ ni mɛi enyɔ lɛ anɔ lɛ hu je kpo lɛ.

Kpojiemɔ 19:20

Ni amɔ kooloo lɛ, ni amɔ amalegbalɔ lɛ afata ehe, amalegbalɔ lɛ ni fee okadii yɛ ehiɛ ni ekɛshishiu mɛi ni ŋɔ kooloo lɛ okadi lɛ kɛ mɛi ni jaa emãgã lɛ. Ni aŋɔ kooloo lɛ kɛ amale gbalɔ lɛ ni akɛ mɛi enyɔ nɛɛ fɛɛ wo la kpaakpo lɛ ni tsoɔ kɛ swɔɔ lɛ mli ni amɛhiɛ kãmɔ.

1 Samuel 6:2

Kɛkɛ ni Filistibii lɛ kpee amɛsɔfoi kɛ mɛi ni feɔ nii ni amɛgbaa lɛ, ni amɛbi amɛ akɛ, “Te wɔfee Yehowa Kpãŋmɔ Adeka lɛ tɛŋŋ? Nyɛtsɔa wɔ nɔ ni sa akɛ wɔkɛfata adeka lɛ he ni wɔkɛku sɛɛ kɛya he ni ejɛ.”