2 Mose 6:8 - ŊMALƐ KRƆŊKRƆŊ LƐ

⁸ Mikɛ nyɛ aaatee shikpɔŋ lɛ ni mikã he kitã akɛ mikɛbaahã Abraham kɛ Isak kɛ Yakob lɛ nɔ. Mi ji Yehowa.’ ”

Ṅmãle̱ Kroṅkroṅ Le̱

⁸ ni mike̱nye aate šikpoṅ ni *miwó minine no̱ ake̱ mike̱-ahã Abraham ke̱ Isak ke̱ Iakob le̱ no̱, ni mike̱-ahãnye ní nyeye no, midši Iehowa le̱! *1 Mose 22,16. 5 Mose 32,40.

2 Mose 6:8 ပူးပေါင်းရင်းမြစ်များ

1 Mose 14:22

Shi Abram kɛɛ Sodom maŋtsɛ lɛ akɛ, “Mina Ŋwɛi Flooflo Nyɔŋmɔ ni ji ŋwɛi kɛ shikpɔŋ bɔlɔ lɛ

1 Mose 15:18

Ni nakai gbi lɛ, Nyɔŋmɔ kɛ Abram kpãŋ ni ekɛɛ, “Oshwiei lɛ mikɛ nɛkɛ shikpɔŋ nɛɛ baahã, kɛjɛ Ijipt faa lɛ naa kɛyashi faa kpeteŋkple ni ji Eufrate Faa lɛ naa.

1 Mose 26:3

too gbɔ yɛ shikpɔŋ nɛɛ nɔ; ni mikɛ bo aaahi shi, ni majɔɔ bo, ejaakɛ bo kɛ oshwiei mikɛ nɛkɛ shikpɔŋ nɛɛ fɛɛ baahã,

1 Mose 28:13

ni Yehowa damɔ aŋtswere lɛ yiteŋ ni ekɛɛ akɛ, “Mi ji Yehowa, otsɛ Abraham Nyɔŋmɔ, kɛ Isak Nyɔŋmɔ lɛ; shikpɔŋ ni okã nɔ nɛɛ, bo kɛ oshwiei mikɛbaahã.

1 Mose 35:12

Shikpɔŋ lɛ ni mikɛhã Abraham kɛ Isak lɛ, bo mikɛbaahã, ni oshwiei ni aaaba yɛ osɛɛ lɛ mikɛ shikpɔŋ nɛɛ baahã.”

Nehemia 9:15

“Be ni hɔmɔ ye amɛ lɛ, ohã amɛ aboloo ni jɛ ŋwɛi, ni be ni kumai ye amɛ hu, ohã nu jɛ tɛsaa mli ba, ni amɛkɛgbe amɛkumai. Okɛɛ amɛ akɛ amɛba ni amɛbaŋɔ shikpɔŋ lɛ ni okã he kitã akɛ okɛbaahã amɛ lɛ.

2 Mose 13:5

Kɛji Yehowa kɛ nyɛ yashɛ Kanaanbii kɛ Hitbii kɛ Amorbii kɛ Hivbii kɛ Yebusbii lɛ ashikpɔŋ kpakpa ni da ni yɔɔ frɔ̃frɔ̃ ni niyenii pii yɔɔ nɔ, nɔ ni ekã nyɛ kɛ nyɛtsɛmɛi lɛ kitã akɛ ekɛbaahã nyɛ, lɛ nɔ lɛ, jamɔ ni nyɛkɛja lɛ yɛ nyɔɔŋ nɛɛ nɔ nɛ:

2 Mose 32:13

Kaimɔ otsuji Abraham kɛ Isak kɛ Yakob, mɛi ni bo diɛŋtsɛ okã amɛ kitã, ni okɛɛ amɛ akɛ, ‘Mahã nyɛshwiei afa tamɔ ŋwɛi ŋulamii lɛ, ni shikpɔŋ nɛɛ fɛɛ ni miwo nyɛ shi yɛ he lɛ mikɛbaahã amɛ akɛ amɛgboshinii kɛya naanɔ.’ ”

2 Mose 6:2

Ni Nyɔŋmɔ kɛ Mose wie ni ekɛɛ lɛ akɛ, “Mi ji Yehowa,

2 Mose 6:4

Ni misaa mi kɛ amɛ kpãŋ akɛ mikɛ Kanaan shikpɔŋ lɛ baahã amɛ, shikpɔŋ ko ni amɛyato gbɔ yɛ nɔ lɛ.

2 Mose 6:6

No hewɔ lɛ, kɛɛmɔ Israelbii lɛ akɛ mikɛɛ, ‘Mi ji Yehowa, ni majie nyɛ, ni mawo Ijiptbii lɛ ajatsu lɛ yɛ nyɛkuɛ nɔ, ni mahere nyɛ kɛje nyɔŋ ni amɛyeɔ nyɛ lɛ mli. Mikɛ mihewalɛ aaakpɔ̃ nyɛ, ni no nɔŋŋ mikɛaagbala Ijiptbii lɛ atoi.

Ezekiel 20:15

Asaŋ mikã amɛ kitã yɛ ŋa lɛ nɔ akɛ mikɛ amɛ baŋ shikpɔŋ ni mikɛhã amɛ lɛ nɔ; shikpɔŋ ni hi ni ebaa nii, ni eji shikpɔji lɛ ateŋ nɔ ni hi fe fɛɛ lɛ.

Ezekiel 20:23

Kɛ̃lɛ, mikã amɛ kitã yɛ ŋa lɛ nɔ akɛ magbɛ amɛ mashwã jeŋmaji lɛ ateŋ, ni magbɛ amɛ mashwã shikpɔji lɛ anɔ;

Ezekiel 20:28

Ejaakɛ be ni mihã amɛyashɛ shikpɔŋ ni mikã kitã akɛ mikɛaahã amɛ lɛ nɔ lɛ, gɔŋkpɔ fɛɛ gɔŋkpɔ ni kwɔ, loo tso kusuu fɛɛ tso kusuu ni amɛaana lɛ, amɛyashãa amɛ afɔlei lɛ yɛ jɛi, ni amɛkɛ afɔleshãa nɛɛ wo mimli la; jɛi nɔŋŋ amɛshãa amɛtsofakɛŋmai lɛ yɛ, ni jɛi nɔŋŋ amɛfɔse amɛdãa afɔle lɛ amɛshwie shi yɛ.

Ezekiel 20:42

Kɛji mikɛ nyɛ bashɛ Israel shikpɔŋ lɛ nɔ, shikpɔŋ ni mikã he kitã akɛ maŋɔ hã nyɛtsɛmɛi lɛ, no nyɛkɛaale akɛ mi ji Yehowa.

Ezekiel 36:7

No hewɔ lɛ, bɔ ni mi, Nuŋtsɔ Yehowa mikɛɔ nɛ, Miikã midiɛŋtsɛ mihe kitã akɛ, majimaji ni bɔle nyɛ lɛ hu hiɛ baashwie shi nakai nɔŋŋ.

Ezekiel 47:14

Mikã shikpɔŋ nɛɛ he kitã akɛ mikɛbaahã nyɛtsɛmɛi lɛ, agbɛnɛ lɛ etsɔ̃ nyɛgbɛfaŋnɔ. No hewɔ lɛ, nyɛjaa lɛ bɔ ni mɔ fɛɛ mɔ ana pɛpɛɛpɛ tamɔ enyɛmi.

4 Mose 10:29

Be ni Israel asafoi lɛ baafã nyiɛmɔ lɛ, Mose kɛɛ eŋa nyɛmi nuu Hobab, ni ji eshaanuu Yetro, Midiannyo lɛ, binuu lɛ akɛ, “Wɔmiifã kɛya he ni Yehowa wo wɔ shi yɛ he akɛ ekɛbaahã wɔ lɛ. Fatamɔ wɔhe ni wɔtee. Yehowa ewo shi akɛ ebaahã Israel aye ejurɔ; no hewɔ lɛ, wɔ hu wɔɔfee bo ejurɔ.”

4 Mose 11:12

Ani mi, mibɔ maŋ muu nɛɛ, aloo mi, mifɔ amɛ, hewɔ ni okɛɛ mi akɛ mihiɛ amɛ yɛ mikpɔkɔiaŋ tamɔ bɔ ni bihiɛlɔ hiɛɔ bi abifao kɛya shikpɔŋ lɛ ni owo amɛtsɛmɛi lɛ ashi yɛ he lɛ nɔ lɛ?

4 Mose 14:30

amɛteŋ mɔ kome nɛkɛ shɛŋ shikpɔŋ lɛ ni miwo shi yɛ he akɛ mikɛbaahã nyɛ koni nyɛhi nɔ lɛ nɔ, akɛ ja Kaleb, Yefune bi lɛ, kɛ Yoshua, Nun bi lɛ.

4 Mose 23:19

Nyɔŋmɔ jeee gbɔmɔ adesa ni eeemale, aloo gbɔmɔ ni eeeshwa ehe yɛ nɔ ni efee hewɔ. Mɛni ekɛɛ dã ni efeee; aloo ewo ehe shi ni eyeee nɔ?

5 Mose 32:40

Ejaakɛ miiwo minine nɔ kɛya ŋwɛi, ni miikɛɛ akɛ, miyɛ kɛmiiya naanɔ lɛ,

5 Mose 4:31

ejaakɛ Yehowa, nyɛNyɔŋmɔ lɛ, musuŋtsɔlɔ ji lɛ; ekwaŋ nyɛ, ni asaŋ ekpãtãŋ nyɛhiɛ; ni ehiɛ kpaŋ kpãŋmɔ ni ekɛ nyɛtsɛmɛi lɛ kpãŋ lɛ nɔ, nɔ ni ekã he kitã ehã amɛ lɛ.

Yoshua 24:13

Mikɛ shikpɔŋ ni nyɛtsuko enɔ nii hã nyɛ, nyɛmiiye emli ŋɔɔmɔ; mikɛ maji hu ni jeee nyɛ ni nyɛto hã nyɛ, ni nyɛyɛ amɛmli. Nyɛmiiye wain tromi kɛ mutso ŋmɔji ni jeee nyɛ ni nyɛhu amli nii.’

Kpojiemɔ 10:6

ni etsɛ mɔ ni hiɛ kã kɛyaa naanɔi anaanɔ ni bɔ ŋwɛi kɛ nii ni yɔɔ mli lɛ kɛ shikpɔŋ kɛ nii ni yɔɔ mli lɛ kɛ ŋshɔ kɛ nii ni yɔɔ mli lɛ gbɛi ekɛkã kitã akɛ, “Be ko be ko bɛ dɔŋŋ,

1 Samuel 15:29

Naa, Israel Anunyamtsɛ lɛ emaleŋ ni eshwaŋ ehe hu ejaakɛ jeee gbɔmɔ adesa ji lɛ, ni eeeshwa ehe.”