2 Mose 6:6 - ŊMALƐ KRƆŊKRƆŊ LƐ

⁶ No hewɔ lɛ, kɛɛmɔ Israelbii lɛ akɛ mikɛɛ, ‘Mi ji Yehowa, ni majie nyɛ, ni mawo Ijiptbii lɛ ajatsu lɛ yɛ nyɛkuɛ nɔ, ni mahere nyɛ kɛje nyɔŋ ni amɛyeɔ nyɛ lɛ mli. Mikɛ mihewalɛ aaakpɔ̃ nyɛ, ni no nɔŋŋ mikɛaagbala Ijiptbii lɛ atoi.

Ṅmãle̱ Kroṅkroṅ Le̱

⁶ Nohewo̱ le̱ kē̱mo̱ Israelbii le̱ ake̱: Midši Iehowa le̱, ni madšienye ye̱ Mizraim dšatšui le̱ ašiši, ni maherenye ke̱-dše̱ ame̱-nyṍṅyeli le̱ mli, ni nine ní akpã mli ke̱ kodšomo̱i kplei maṅõ-kpõnye;

2 Mose 6:6 ပူးပေါင်းရင်းမြစ်များ

1 Maŋtsɛmɛi 8:42

ejaakɛ maŋsɛɛbii aaanu ogbɛi kpeteŋkple lɛ kɛ nii wuji ni ofee he, ni eeebashã afɔle yɛ nɛkɛ shĩa nɛɛŋ lɛ,

2 Maŋtsɛmɛi 17:36

Shi moŋ nyɛjaa Yehowa, mɔ ni kɛ hewalɛ kpele kpɔ̃ nyɛ kɛjɛ Ijipt shikpɔŋ lɛ nɔ kɛba lɛ. Lɛ nyɛjaa, ni lɛ nɔŋŋ nyɛshãa afɔle nyɛhãa.

1 Kronika 17:21

Mɛɛ shikpɔŋ lɛ nɔ maŋ kɛ omaŋ Israel ye egbɔ akɛ maŋ ni Nyɔŋmɔ, oyakpɔ̃ yɛ nyɔŋyeli mli yɛ Ijipt ni ofee lɛ bo diɛŋtsɛ omaŋ koni okɛ nibii wuji ni yɔɔ gbeyei ni otsu ohã amɛ lɛ ahe gbɛi?

Nehemia 1:10

“Mɛnɛɛmɛi ji otsuji kɛ omaŋ ni okɛ ohewalɛ kpeteŋkple lɛ kɛ nyɛmɔ ekpɔ̃ lɛ.

Lalai 77:16

Oo Naa Nyɔŋmɔ, be ni nu lɛ na bo! Hɛɛ be ni nu lɛ na bo, eshe gbeyei; Ni, bu kwɔŋkwɔŋ lɛ kpokpo kɛtee eshishi tɔ̃ɔ.

Lalai 81:11

“Shi mimaŋ lɛ booo migbee toi; Israel baaa ehe shi ehãaa mi.

Lalai 81:6

“Miwo jatsu lɛ yɛ nyɛkɔ̃ji anɔ, ni mijie nyɛniji yɛ kɛntɛŋ he.

Lalai 81:7

Nyɛhaomɔ mli lɛ, nyɛtsɛ mi, ni mihere nyɛ. Mihere nyɛ yɛ ŋwɛi shiimɔhe lɛ. Mika nyɛ mikwɛ yɛ Meriba nu lɛ he.

2 Mose 1:11

No hewɔ lɛ, Ijiptbii lɛ totoo nitsumɔ nɔkwɛlɔi yɛ Israelbii lɛ anɔ koni amɛkɛ nitsumɔi keketekeketei awa amɛ yi. Israelbii mamɔ nitoo maji ni ji Pitom kɛ Rameses amɛhã Farao.

2 Mose 12:41

Gbi ni amɛna afii ohai ejwɛ kɛ nyɔŋmai etɛ̃ nɛɛ nɔ pɛpɛɛpɛ ni Yehowa webii lɛ blublu shi Ijipt shikpɔŋ lɛ nɔ.

2 Mose 12:51

Ni nakai gbi lɛ nɔ nɔŋŋ lɛ Yehowa jie Israelbii lɛ kɛje Ijipt shikpɔŋ lɛ nɔ yɛ amɛkutsei lɛ anaa.

2 Mose 13:14

Kɛji nyɛbii bi nyɛ wɔsɛɛ ko akɛ, ‘Ni te gbijurɔ nɛɛ shishi hu lɛ,’ nyɛkɛa amɛ akɛ, ‘Nineshiwalɛ naa Yehowa jie wɔ kɛje Ijipt he ni aye wɔ nyɔŋ yɛ lɛ.

2 Mose 13:16

Nyɛhãa enɛ afea tamɔ okadi ko ni fi nyɛnine shi aloo ni kpɛtɛ nyɛhiɛŋtso nɔ ejaakɛ nineshiwalɛ naa Yehowa jie wɔ kɛje Ijipt.’ ”

2 Mose 13:3

Mose kɛɛ Israelbii lɛ akɛ, “Nyɛkaia nɛkɛ gbi nɛɛ, ni ji gbi nɔ ni nyɛje Ijipt nyɔŋyeli shishi lɛ, ejaakɛ nineshiwalɛ naa Yehowa jie nyɛ kɛje jɛi. No hewɔ lɛ, nyɛkayea masha nii.

2 Mose 15:13

Osuɔmɔ ni tsakeee lɛ naa lɛ okpala maŋ ni okpɔ̃ nɛɛ. Ohewalɛ naa lɛ otsɔ̃ɔ amɛ gbɛ kɛshɛ oshihilɛhe krɔŋkrɔŋ lɛ.

2 Mose 16:6

Kɛkɛ ni Mose kɛ Aaron kɛɛ Israelbii lɛ fɛɛ akɛ, “Ŋmɛnɛ gbɛkɛ nɛɛ lɛ nyɛaana nyɛle akɛ Yehowa ji mɔ ni jie nyɛ kɛje Ijipt shikpɔŋ lɛ nɔ lɛ.

2 Mose 18:1

Yetro, Midian osɔfo lɛ ni ji Mose shaanuu lɛ nu nibii fɛɛ ni Nyɔŋmɔ efee ehã Mose kɛ emaŋ Israel lɛ he, no ji bɔ ni Yehowa jie Israel kɛjɛ Ijipt lɛ.

2 Mose 2:11

Mose bada. Gbi ko lɛ etee eyasara emaŋbii Hebribii lɛ, ni eyana nii ni ahãa amɛtsuɔ lɛ. Ehiŋmɛiŋ, ni Ijiptnyo ko tswa Mose nyɛmimɛi Hebribii lɛ eko nɔ.

2 Mose 3:17

ni miiwo shi akɛ majie nyɛ kɛje Ijipt amanehulu lɛ mli kɛya Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii lɛ ashikpɔŋ kpakpa ni yɔɔ frɔ̃frɔ̃ lɛ nɔ.

2 Mose 3:8

Naa, mikpeleke shi miba amɛ jiemɔ yɛ Ijiptbii lɛ adɛŋ, koni makpala amɛ kɛshi Ijipt kɛya shikpɔŋ kpakpa ni da, ni yɔɔ frɔ̃frɔ̃ ni niyenii pii yɔɔ nɔ lɛ nɔ, he ni Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii yɔɔ lɛ.

2 Mose 32:11

Mose kpa Yehowa, eNyɔŋmɔ lɛ, fai ekɛɛ, “Yehowa, mɛɛba ni omli woɔ la woɔ omaŋ ni okɛ hewalɛ kpele kɛ nineshiwalɛ eyakpɔ̃ yɛ Ijipt shikpɔŋ lɛ nɔ kɛba lɛ?

2 Mose 6:2

Ni Nyɔŋmɔ kɛ Mose wie ni ekɛɛ lɛ akɛ, “Mi ji Yehowa,

2 Mose 6:29

ekɛɛ Mose akɛ, “Mi ji Yehowa. Kɛɛmɔ Ijipt maŋtsɛ lɛ nɔ fɛɛ nɔ ni mikɛ bo wieɔ lɛ.”

2 Mose 6:8

Mikɛ nyɛ aaatee shikpɔŋ lɛ ni mikã he kitã akɛ mikɛbaahã Abraham kɛ Isak kɛ Yakob lɛ nɔ. Mi ji Yehowa.’ ”

2 Mose 7:4

eboŋ nyɛ toi. No baahã mikɛ Ijipt aye kɛ joomɔ, ni magbala etoi, ni majie mimaŋ Israel kɛje Ijipt.

2 Mose 7:5

Kɛ migbala Ijiptbii lɛ atoi, ni mijie Israelbii lɛ kɛje amɛshikpɔŋ lɛ nɔ lɛ, no Ijiptbii kɛaale akɛ mi ji Yehowa.”

Yesaia 9:12

Siriabii miijɛ bokãgbɛ, ni Filistibii hu miijɛ anaigbɛ amɛba kɛ amɛdaaŋ ni amɛgbɛ hatoo amɛkɛbami Israel. Kɛ̃lɛ fɛɛ sɛɛ lɛ Yehowa mlifu lɛ naa ejɔŋ; etoigbalamɔ nine lɛ ekpã mli lolo.

Yesaia 9:17

No hewɔ lɛ, Nuŋtsɔ lɛ naŋ amɛblahii lɛ ahe miishɛɛ, ni emusuŋ etsɔŋ lɛ yɛ amɛwusãi kɛ amɛkulafoi lɛ ahe. Ejaakɛ amɛteŋ mɔ fɛɛ mɔ lɛ, ebɛ Nyɔŋmɔ gbeyeishemɔ, ni asaŋ efɔŋfeelɔ ni, ni mɔ fɛɛ mɔ wieɔ kwashiai awiemɔ. Kɛ̃lɛ fɛɛ sɛɛ lɛ Yehowa mlifu lɛ ejɔŋ; etoigbalamɔ nine lɛ ekpã mli lolo.

Yesaia 9:21

Manase aaate shi awo Efraim, ni Efraim hu aaatua Manase, ni amɛyi enyɔ lɛ fɛɛ amɛaate shi amɛwo Yuda. Kɛ̃lɛ enɛ fɛɛ sɛɛ lɛ Yehowa mlifu lɛ ejɔŋ, ni etoigbalamɔ nine lɛ ekpã mli lolo.

Yeremia 21:5

Mibagri, ni mi diɛŋtsɛ moŋ mikɛ nyɛ baawu kɛ nineshiwalɛ yɛ mlifu kɛ mlila naa.

Yeremia 27:5

“Mi, Yehowa, mi mibɔ je lɛ kɛ gbɔmɛi kɛ kooloi bluublu ni yɔɔ shikpɔŋ lɛ nɔ yɛ mihewalɛ kpeteŋkple kɛ minineshiwalɛ naa; ni mikɛhãa mɔ ni misumɔɔ.

Yeremia 32:21

Otsɔ̃ okadii kɛ naakpɛɛ nibii kɛ ohewalɛ lɛ kɛ onyɛmɔ ni hã ashe gbeyei lɛ nɔ ni ojie owebii kɛje Ijipt shikpɔŋ lɛ nɔ,

Ezekiel 20:33

Nuŋtsɔ Yehowa kɛɛ akɛ, “Gbii abɔ ni mi ji Nyɔŋmɔ hiɛkãalɔ lɛ nɛɛ lɛ, mikɛ nineshiwalɛ kɛ hewalɛ kɛ mlila ni naa wa baaye nyɛnɔ maŋtsɛ.

Bɔfoi 13:17

Nɛkɛ maŋ Israel nɛɛ Nyɔŋmɔ lɛ hala wɔtsɛmɛi lɛ, ni be ni amɛyato gbɔ yɛ Ijipt shikpɔŋ lɛ nɔ lɛ, ewo maŋ lɛ nɔ, ni ekɛ hewalɛ jie amɛ kɛjɛ jɛi.

5 Mose 11:2

Ŋmɛnɛ gbi nɛɛ nyɛkaia tsɔsemɔ ni Yehowa, nyɛNyɔŋmɔ lɛ, etsɔse nyɛ lɛ, kɛ egbojee lɛ kɛ enineshiwalɛ lɛ kɛ ehewalɛ lɛ hu. Ejaakɛ jeee nyɛbii ni amɛnako aloo amɛleko nibii nɛɛ ji mɛi ni mikɛ wieɔ nɛɛ.

5 Mose 15:15

Kaimɔ akɛ bo hu kulɛ nyɔŋ ji bo yɛ Ijipt shikpɔŋ lɛ nɔ, ni Yehowa kpɔ̃ bo. No hewɔ ni miwoɔ bo nɛkɛ kitã nɛɛ ŋmɛnɛ gbi nɛɛ lɛ.

5 Mose 26:8

Kɛkɛ ni Yehowa bakpɔ̃ wɔ yɛ Ijipt yɛ ehewalɛ kɛ enineshiwalɛ naa. Ehã naakpɛɛ kɛ gbeyei nibii ba, ni ekɛto okadi.

5 Mose 4:23

Nyɛkwɛa nyɛhenɔ ni ahia koni nyɛhiɛ akaje kpãŋmɔ ni Yehowa, nyɛNyɔŋmɔ lɛ, kɛ nyɛ kpãŋ lɛ nɔ, ni nyɛyafee nɔ ko henɔ amãgã tamɔ bɔ ni Yehowa, nyɛNyɔŋmɔ lɛ, egu nyɛ lɛ;

5 Mose 4:34

Aloo nyɛnu nyɔŋmɔ ko eka dã akɛ eeeya maŋ ko nɔ, ni eyakpɔ̃ mɛi komɛi kɛje nakai maŋ lɛ mli ni ebafee mɛi lɛ lɛ diɛŋtsɛ emɛi tamɔ bɔ ni Yehowa, nyɛNyɔŋmɔ lɛ, tsɔ̃ kai kɛ okadii kɛ naakpɛɛ nii, kɛ ta kɛ nineshiwalɛ kɛ hewalɛ kpeteŋkple nɔ efee ehã nyɛ yɛ Ijipt, yɛ nyɛ diɛŋtsɛ nyɛhiŋmɛiiaŋ lɛ?

5 Mose 5:15

Nyɛkaia akɛ nyɛ hu nyɔji ji nyɛ yɛ Ijipt shikpɔŋ lɛ nɔ, ni Yehowa, nyɛNyɔŋmɔ lɛ, kɛ nineshiwalɛ yakpɔ̃ nyɛ kɛje jɛi yɛ ehewalɛ naa. No hewɔ ni Yehowa, nyɛNyɔŋmɔ lɛ, wo nyɛ kitã akɛ nyɛye hejɔɔmɔ gbi lɛ akɛ gbi krɔŋkrɔŋ lɛ.

5 Mose 6:12

nyɛkwɛa nyɛhe nɔ ni ahĩa koni nyɛhiɛ akajea Yehowa, mɔ ni jie nyɛ kɛje Ijipt shikpɔŋ lɛ nɔ he ni aye nyɛ nyɔŋ yɛ lɛ, nɔ.

5 Mose 7:19

Nyɛkaia helai wuji kɛ okadii kɛ naakpɛɛnii ni nyɛna kɛ nyɛhiŋmɛii lɛ kɛ nineshiwalɛ kɛ hewalɛ ni Yehowa, nyɛNyɔŋmɔ lɛ, kɛkpɔ̃ nyɛ lɛ. Nakai pɛpɛɛpɛ Yehowa, nyɛNyɔŋmɔ lɛ, baafee maji fɛɛ ni nyɛ lɛ nyɛsheɔ amɛ gbeyei lɛ.

5 Mose 7:8

Shi moŋ suɔmɔ ni esumɔɔ nyɛ hewɔ, shi bɔ ni afee ni eye shi ni ewo nyɛtsɛmɛi lɛ nɔ lɛ, no hewɔ ni Yehowa kɛ nineshiwalɛ jie nyɛ, ni ekpɔ̃ nyɛ kɛje nyɔŋ ni Ijipt maŋtsɛ lɛ yeɔ nyɛ lɛ mli lɛ.

5 Mose 9:29

Bɔ fɛɛ bɔ ni fee lɛ, bo diɛŋtsɛ omɛi ni oje gbɛ oŋɔ ji amɛ, ni oyakpɔ̃ amɛ yɛ Ijipt shikpɔŋ lɛ nɔ kɛ nineshiwalɛ yɛ ohewalɛ lɛ naa.’