2 Mose 6:26 - ŊMALƐ KRƆŊKRƆŊ LƐ

²⁶ Aaron kɛ Mose nɛɛ ni Yehowa kɛɛ amɛ akɛ, “Nyɛyajiea Israelbii lɛ kɛje Ijipt shikpɔŋ lɛ nɔ” lɛ,

Ṅmãle̱ Kroṅkroṅ Le̱

²⁶ Mene̱mei dši Aaron ke̱ Mose ni Iehowa kē̱ame̱ ake̱: Nyeyadšiea Israelbii le̱ ye̱ Mizraim šikpoṅ le̱ no̱ ye̱ ame̱tai le̱ anā le̱.

2 Mose 6:26 ပူးပေါင်းရင်းမြစ်များ

1 Mose 2:1

Nɛkɛ ji bɔ ni agbe ŋwɛi kɛ shikpɔŋ kɛ amɛsafoi lɛ fɛɛ bɔɔ naa ahã.

1 Kronika 6:3

Amram fɔ bihii enyɔ, Aaron kɛ Mose, kɛ biyoo kome ni ji Miriam. Aaron fɔ bihii ejwɛ: Nadad kɛ Abihu kɛ Eleazar kɛ Itamar.

Lalai 77:20

Otsɔ̃ Mose kɛ Aaron nɔ, okpala omaŋbii lɛ tamɔ akpalaa tooku.

Lalai 99:6

Mose kɛ Aaron fata osɔfoi lɛ ahe; ni Samuel hu shi mɛi ni ja Yehowa lɛ anɔ. Amɛbo amɛtsɛ Yehowa, ni ehere amɛ nɔ.

2 Mose 12:17

Nyɛyea nɛkɛ akpiti gbijurɔ nɛɛ nyɛkɛkaia gbi nɔ ni mijie nyɛ fɛɛ yuu kɛje Ijipt shikpɔŋ lɛ nɔ lɛ. No hewɔ lɛ, nyɛyea gbijurɔ nɛɛ, nyɛ kɛ nyɛshwiei fɛɛ, ni etsɔ̃ akpɔ ehã nyɛ kɛya naanɔ.

2 Mose 12:41

Gbi ni amɛna afii ohai ejwɛ kɛ nyɔŋmai etɛ̃ nɛɛ nɔ pɛpɛɛpɛ ni Yehowa webii lɛ blublu shi Ijipt shikpɔŋ lɛ nɔ.

2 Mose 12:51

Ni nakai gbi lɛ nɔ nɔŋŋ lɛ Yehowa jie Israelbii lɛ kɛje Ijipt shikpɔŋ lɛ nɔ yɛ amɛkutsei lɛ anaa.

2 Mose 13:18

No hewɔ lɛ, Nyɔŋmɔ kɛ Israelbii lɛ lɔgɔ shi kɛtsɔ̃ Ŋshɔ Tsuru lɛ he ŋa lɛ nɔ gbɛ. Israelbii lɛ fã yɛ Ijipt ni amɛsaa amɛhe amɛhã ta.

2 Mose 20:2

“Mi ji Yehowa, oNyɔŋmɔ lɛ, ni mi mijie bo yɛ nyɔŋyeli mli kɛjɛ Ijipt shikpɔŋ lɛ nɔ lɛ.

2 Mose 32:1

Be ni Israelbii lɛ na akɛ Mose eyatsɛ yɛ gɔŋ lɛ nɔ ni ekpelekeee shi lɛ, amɛbua amɛhe naa, ni amɛtee Aaron ŋɔɔ amɛyakɛɛ lɛ akɛ, “Tee shi ni ofee nyɔŋmɔ kroko ohã wɔ koni enyiɛ wɔhiɛ kɛya, shi nɛkɛ Mose nɛɛ, ni ji nuu ni yajie wɔ kɛjɛ Ijipt shikpɔŋ lɛ nɔ kɛba biɛ nɛɛ lɛ, wɔleee nɔ koome ni efee lɛ.”

2 Mose 32:11

Mose kpa Yehowa, eNyɔŋmɔ lɛ, fai ekɛɛ, “Yehowa, mɛɛba ni omli woɔ la woɔ omaŋ ni okɛ hewalɛ kpele kɛ nineshiwalɛ eyakpɔ̃ yɛ Ijipt shikpɔŋ lɛ nɔ kɛba lɛ?

2 Mose 32:7

Kɛkɛ ni Yehowa kɛɛ Mose akɛ, “Kpelekemɔ shi oya ni oya, shi omaŋbii lɛ ni okɛjɛ Ijipt kɛba lɛ ewo amɛhe muji.

2 Mose 6:13

Kɛkɛ ni Yehowa kɛ Mose kɛ Aaron wie, ni efã amɛ akɛ amɛya Israelbii lɛ kɛ Ijipt maŋtsɛ lɛ ŋɔɔ, koni amɛyajie Israelbii lɛ yɛ Ijipt shikpɔŋ lɛ nɔ.

2 Mose 6:20

Amram ŋɔ enyɛkwɛ̃ Yokebed, ni ekɛ lɛ fɔ Aaron kɛ Mose. Amram ye afii oha kɛ nyɔŋmai etɛ̃ kɛ kpawo.

2 Mose 6:7

Maŋɔ nyɛ mafee mi diɛŋtsɛ mimaŋ, ni matsɔ̃ nyɛNyɔŋmɔ, ni nyɛaale akɛ mi ji Yehowa, nyɛNyɔŋmɔ lɛ, ni jie nyɛ yɛ Ijipt nyɔŋyeli lɛ mli lɛ.

2 Mose 7:4

eboŋ nyɛ toi. No baahã mikɛ Ijipt aye kɛ joomɔ, ni magbala etoi, ni majie mimaŋ Israel kɛje Ijipt.

Mika 6:4

Ejaakɛ mi mijie bo kɛjɛ Ijipt shikpɔŋ lɛ nɔ, ni mikpɔ̃ bo yɛ nyɔŋyeli mli. Mitsu Mose kɛ Aaron kɛ Miriam kɛba akɛ ohiɛnyiɛlɔi.

4 Mose 33:1

Be ni Israelbii lɛ shi Ijipt shikpɔŋ lɛ nɔ yɛ amɛkutsei lɛ anaa kɛ Mose kɛ Aaron akɛ amɛhiɛnyiɛlɔi lɛ, hei ni amɛtotoo shi yɛ yɛ amɛgbɛfãa lɛŋ lɛ agbɛii baa nɛɛ.

Yoshua 24:5

Fee sɛɛ lɛ mitsu Mose kɛ Aaron, ni mikɛ nibii ni mifee yɛ Ijiptbii ashikpɔŋ lɛ nɔ lɛ hao Ijiptbii lɛ. No sɛɛ lɛ, mijie nyɛ kɛje Ijipt.

1 Samuel 12:6

Samuel kɛɛ maŋ lɛ akɛ, “Yehowa ji odasefonyo lɛɛlɛŋ, lɛ mɔ ni ehala Mose kɛ Aaron ni ejie nyɛtsɛmɛi lɛ kɛje Ijipt shikpɔŋ lɛ nɔ kɛba lɛ.

1 Samuel 12:8

Be ni Yakob tee Ijipt ni Ijiptbii lɛ yeɔ nyɛtsɛmɛi lɛ anyɔŋ lɛ, nyɛtsɛmɛi lɛ bolɔ amɛtsɛ Yehowa, ni Yehowa tsu Mose kɛ Aaron ni amɛyajie nyɛtsɛmɛi lɛ yɛ Ijipt kɛba, ni amɛhã amɛbahi biɛ nɛɛ.