2 Mose 6:1 - ŊMALƐ KRƆŊKRƆŊ LƐ

¹ Kɛkɛ ni Yehowa kɛɛ Mose akɛ, “Kpaako obaana nɔ ni mibafee Farao. Ja minineshiwalɛ naa dani eeehã Israelbii lɛ aya. Anɔkwa, minineshiwalɛ naa hu dani eeeshwie amɛ kɛje eshikpɔŋ lɛ nɔ.”

Ṅmãle̱ Kroṅkroṅ Le̱

¹ Ni Iehowa kē̱ Mose ake̱: Kpako obana noni mibafe Farao; edšake̱ ninešiwale̱ nā dãni eehã ameya, *ni ninešiwale̱ nā hũ dãni eeſieame̱ ye̱ ešikpoṅ le̱ no̱. *11,1; 12,33.

2 Mose 6:1 ပူးပေါင်းရင်းမြစ်များ

2 Maŋtsɛmɛi 7:19

nakai asafoiatsɛ lɛ ji mɔ ni here Nyɔŋmɔ gbɔmɔ lɛ nɔ akɛ, “Kɛji Yehowa aaagbele samfɛji yɛ ŋwɛi po, ni ŋmãa aaanɛ kɛaajɛ ŋwɛi ashwie shi lɛ, ani wiemɔ nɛɛ aaaba mli lo?” lɛ. Ni Elisha kɛɛ lɛ akɛ, “Naa, bo diɛŋtsɛ ooona kɛ ohiŋmɛii, shi oyeŋ eko kɔkɔɔkɔ lɛ.”

2 Maŋtsɛmɛi 7:2

Kɛkɛ ni asafoiatsɛ lɛ ni maŋtsɛ lɛ kpasaa enine lɛ here Nyɔŋmɔ gbɔmɔ lɛ nɔ ni ekɛɛ Elisha akɛ, “Naa, kɛji Yehowa aaagbele samfɛji yɛ ŋwɛi po ni ŋmãa aaanɛ kɛaajɛ ŋwɛi ashwie shi lɛ, ani wiemɔ nɛɛ aaaba mli lo?” Ni Elisha kɛɛ, “Na ooona kɛ bo diɛŋtsɛ ohiŋmɛi, shi oyeŋ eko kɔkɔɔkɔ.”

2 Kronika 20:17

Ta nɛɛ lɛ nyɛtswaŋ eko. Nyɛ lɛ nyɛgbaa nyɛta lɛ kɛkɛ koni nyɛdamɔa shi nyɛmɛ koni nyɛkwɛ kunim ni Yehowa baaye ahã nyɛ Yuda kɛ Yerusalɛmbii. Nyɛkashea gbeyei, asaŋ nyɛtsui akafãa hu. Wɔ lɛ, nyɛfãa ta koni nyɛ kɛ amɛ ayakpea ejaakɛ Yehowa kɛ nyɛ yɛ.”

Lalai 12:5

Yehowa kɛɛ akɛ, “Akɛni awaa ohiafoi ayi, ni mɛi ni efĩ amɛ lɛ kɛ̃mɔɔ hewɔ lɛ, agbɛnɛ, mate shi, ni mɔ ni shweɔ yiwalaheremɔ lɛ mahere eyiwala.”

Lalai 12:6

Yehowa shiwoi lɛ, shiwoi ni yɔɔ krɔŋŋ ni; amɛtamɔ jwiɛtɛi ni aka yɛ shikpɔŋ flɔnɔɔ mli, ni atsuu he nɔtoonɔtoo shii kpawo.

Lalai 136:12

Ekɛ nineshiwalɛ kɛ kpɔiaŋwalɛ tsu enɛ; ejaakɛ naanɔ esuɔmɔ ni tsakeee lɛ hiɔ shi kɛyaa!

Lalai 89:13

Okɔ̃ɔjiaŋ wa waa! Onineshi wa naakpa! Ohewalɛ lɛ nɔ kwɔ gojoo!

2 Mose 11:1

Kɛkɛ ni Yehowa kɛɛ Mose akɛ, “Eshwɛ amanehulu wulu kome ni mahã aba Farao kɛ Ijipt nɔ, ni no sɛɛ lɛ eeehã nyɛje biɛ nyɛya. Be ni eeehã nyɛ fɛɛ nyɛya kwraa lɛ, shwiemɔ tete ebaashwie nyɛ kɛje biɛ.

2 Mose 12:31

Nakai nyɔɔŋ lɛ mli nɔŋŋ ni Farao tsu ni ayatsɛ Mose kɛ Aaron kɛba, ni ekɛɛ amɛ akɛ, “Nyɛjea mimaŋbii ateŋ nyɛyaa, nyɛ kɛ Israelbii lɛ, nyɛyasɔ̃mɔa Yehowa tamɔ bɔ ni nyɛbi lɛ.

2 Mose 12:33

Ni Ijiptbii lɛ tsirɛ Israelbii lɛ ayisɛɛ akɛ amɛhe afee oya ni amɛshi amɛshikpɔŋ lɛ nɔ, ejaakɛ amɛkɛɛ, “Nyɛbaahã wɔ fɛɛ wɔgboi.”

2 Mose 12:39

Ni amɛkɛ mã ni amɛkɛjɛ Ijipt lɛ eko shã mã akpiti keeki ejaakɛ eshako akɛ ni Ijiptbii lɛ shwie amɛ bɔ ni amɛwooo mɛɛ koni mã lɛ asha lɛ, ni no hewɔ hu lɛ amɛsako niyenii amɛtoko gbɛnyiɛmɔ lɛ.

2 Mose 13:14

Kɛji nyɛbii bi nyɛ wɔsɛɛ ko akɛ, ‘Ni te gbijurɔ nɛɛ shishi hu lɛ,’ nyɛkɛa amɛ akɛ, ‘Nineshiwalɛ naa Yehowa jie wɔ kɛje Ijipt he ni aye wɔ nyɔŋ yɛ lɛ.

2 Mose 13:16

Nyɛhãa enɛ afea tamɔ okadi ko ni fi nyɛnine shi aloo ni kpɛtɛ nyɛhiɛŋtso nɔ ejaakɛ nineshiwalɛ naa Yehowa jie wɔ kɛje Ijipt.’ ”

2 Mose 13:3

Mose kɛɛ Israelbii lɛ akɛ, “Nyɛkaia nɛkɛ gbi nɛɛ, ni ji gbi nɔ ni nyɛje Ijipt nyɔŋyeli shishi lɛ, ejaakɛ nineshiwalɛ naa Yehowa jie nyɛ kɛje jɛi. No hewɔ lɛ, nyɛkayea masha nii.

2 Mose 13:9

Nyɛkaia gbijurɔ nɛɛ. Nyɛhãa efea tamɔ okadi ko ni fi nyɛnineshi aloo ni kpɛtɛ nyɛhiɛŋtso nɔ koni Yehowa mla lɛ akã nyɛdaaŋ, ejaakɛ nineshiwalɛ naa Yehowa jie nyɛ kɛje Ijipt.

2 Mose 14:13

Ni Mose here Israelbii lɛ nɔ ekɛɛ, “Nyɛkashea gbeyei! Nyɛdamɔa shi shiŋŋ ni nyɛkwɛa nyɛyiwala ni Yehowa baahere ŋmɛnɛ nɛɛ. Ejaakɛ Ijiptbii ni nyɛnaa ŋmɛnɛ nɛɛ lɛ, nyɛnaŋ amɛ dɔŋŋ kɛaatee naanɔ.

2 Mose 15:6

Yehowa, ohewalɛ lɛ hiɛ eba nyam, Yehowa, ohewalɛ lɛ tserɛɔ henyɛlɔ mli.

2 Mose 7:4

eboŋ nyɛ toi. No baahã mikɛ Ijipt aye kɛ joomɔ, ni magbala etoi, ni majie mimaŋ Israel kɛje Ijipt.

2 Mose 7:5

Kɛ migbala Ijiptbii lɛ atoi, ni mijie Israelbii lɛ kɛje amɛshikpɔŋ lɛ nɔ lɛ, no Ijiptbii kɛaale akɛ mi ji Yehowa.”

Yesaia 63:12

Nɛgbɛ mɔ ni ha enunyam hewalɛ lɛ tsɔ Mose nɔ etsu nibii wuji lɛ yɔɔ? Nɛgbɛ mɔ ni gba ŋshɔ lɛ mli yɛ amɛhiɛ, ni ekɛna naanɔ gbɛi eha ehe lɛ,

4 Mose 11:23

Kɛkɛ ni Yehowa kɛɛ Mose akɛ, “Ani Yehowa bɛ hewalɛ yɛ nɔ fɛɛ nɔ nɔ lo? Miwiemɔ lɛ aaaba mli jio, ebaŋ mli jio, obaana ŋmɛnɛ!”

4 Mose 23:23

Ŋkunyaa ko nyɛŋ Israel, ni klamɔ ko hu mɔŋ lɛ. Odase ni abaaye yɛ Israel he ji akɛ, ‘Nyɔŋmɔ ninenaa nitsumɔ nɛ.’

Bɔfoi 13:17

Nɛkɛ maŋ Israel nɛɛ Nyɔŋmɔ lɛ hala wɔtsɛmɛi lɛ, ni be ni amɛyato gbɔ yɛ Ijipt shikpɔŋ lɛ nɔ lɛ, ewo maŋ lɛ nɔ, ni ekɛ hewalɛ jie amɛ kɛjɛ jɛi.

5 Mose 32:39

“‘Te nyɛna akɛ Mi nɔŋŋ ji Mi, ni misɛɛ lɛ nyɔŋmɔ ko bɛ dɔŋŋ? Migbeɔ, ni mihãa wala, mipilaa mɔ, ni mitsaa mɔ, ejaakɛ mɔ ko nyɛɛɛ nɔ ko ashɔ̃ yɛ mi midɛŋ.

5 Mose 4:34

Aloo nyɛnu nyɔŋmɔ ko eka dã akɛ eeeya maŋ ko nɔ, ni eyakpɔ̃ mɛi komɛi kɛje nakai maŋ lɛ mli ni ebafee mɛi lɛ lɛ diɛŋtsɛ emɛi tamɔ bɔ ni Yehowa, nyɛNyɔŋmɔ lɛ, tsɔ̃ kai kɛ okadii kɛ naakpɛɛ nii, kɛ ta kɛ nineshiwalɛ kɛ hewalɛ kpeteŋkple nɔ efee ehã nyɛ yɛ Ijipt, yɛ nyɛ diɛŋtsɛ nyɛhiŋmɛiiaŋ lɛ?