2 Mose 5:3 - ŊMALƐ KRƆŊKRƆŊ LƐ

³ Mose kɛ Aaron to he akɛ, “Hebribii aNyɔŋmɔ lɛ ejie ehe kpo etsɔ̃ɔ wɔ. No hewɔ lɛ, wɔmiikpa bo fai koni ohã wɔya gbii etɛ̃ gbɛ yɛ ŋa lɛ nɔ, ni wɔyashã afɔle wɔhã Yehowa, wɔNyɔŋmɔ lɛ, koni ekabatua wɔ kɛ gbele hela loo ta.”

Ṅmãle̱ Kroṅkroṅ Le̱

³ Ni ame̱kē̱: Hebribii a-Nyoṅmo̱ le̱ ke̱wo̱ ebakpe; nohewo̱ le̱ wo̱mīkpao fai ní ohã wo̱ya ni wo̱yanyie gbĩĩ etẽ gbe̱ ke̱-ya ṅã le̱ no̱, ni wo̱yašã afole wo̱hã Iehowa, wo̱-Nyoṅme̱ le̱, koni ekabatuawo̱ ke̱ gbĕle-hela la klante.

2 Mose 5:3 ပူးပေါင်းရင်းမြစ်များ

2 Maŋtsɛmɛi 17:25

Ni eba mli akɛ be ni amɛbahi jɛi klɛŋklɛŋ lɛ, amɛjaaa Yehowa; no hewɔ lɛ, Yehowa hã jatai yabote amɛteŋ, ni amɛgbegbee amɛteŋ mɛi komɛi.

2 Kronika 30:8

Nyɛkafea nyɛhe kuɛŋtilɔi tamɔ nyɛtsɛmɛi lɛ; shi moŋ nyɛbaa nyɛhe shi nyɛhãa Yehowa. Nyɛbaa Sɔlemɔ we lɛ yɛ Yerusalɛm; etsuu he eto kɛmiiya naanɔ koni nyɛbaja Yehowa, nyɛNyɔŋmɔ lɛ, yɛ jɛi koni Yehowa mli ni efu nyɛ lɛ sɛɛ afo.

Ezra 7:23

Nɔ fɛɛ nɔ ni ŋwɛi maŋtsɛ lɛ ewo he akpɔ lɛ, nyɛhãa ni afea fɛɛ pɛpɛɛpɛ yɛ ŋwɛi Nyɔŋmɔ lɛ We lɛ he koni emli akafu maŋtsɛ kɛ ebii ni baaye maŋtsɛ yɛ esɛɛ lɛ.

2 Mose 3:18

“Israel onukpai lɛ aaabo bo toi, ni okɛ amɛ aya Ijipt Maŋtsɛ lɛ ŋɔɔ ni oyakɛɛ lɛ akɛ, ‘Yehowa, Hebribii aNyɔŋmɔ lɛ, ejie ehe kpo etsɔ̃ɔ wɔ. No hewɔ lɛ, wɔmiikpa bo fai, ŋmɛɛ wɔ gbɛ ni wɔya gbii etɛ̃ gbɛ nyiɛmɔ koni wɔyashã afɔle wɔhã Yehowa, wɔNyɔŋmɔ lɛ.’

2 Mose 7:16

Okɛɛ lɛ akɛ, ‘Yehowa, ni ji Hebribii lɛ aNyɔŋmɔ lɛ, tsu mi oŋɔɔ koni mibakɛɛ bo akɛ, hã mimaŋ lɛ aya ni amɛyaja mi yɛ ŋa lɛ nɔ; ni naa, okpɛ̃lɛko kɛbashi benɛ.

2 Mose 8:1

Kɛkɛ ni Yehowa kɛɛ Mose akɛ, “Yaa Farao ŋɔɔ koni oyakɛɛ lɛ akɛ, ‘Bɔ ni Yehowa kɛɛ nɛ; hã mimaŋ lɛ aya ni amɛyasɔ̃mɔ mi.

2 Mose 8:20

Agbɛnɛ Yehowa kɛɛ Mose akɛ, “Tee shi leebi maŋkpa ni oyafo Farao be mli ni eyaa faa lɛ naa, koni okɛɛ lɛ akɛ, Yehowa kɛɛ, ‘Hã mimaŋ lɛ aya ni amɛyaja mi.

2 Mose 8:27

Esa ni wɔnyiɛ gbii etɛ̃ gbɛ kɛya ŋa nɔ koni wɔyashã afɔle lɛ wɔhã Yehowa, wɔNyɔŋmɔ lɛ, bɔ ni efã wɔ.”

Ezekiel 6:11

Bɔ ni Nuŋtsɔ Yehowa kɛɔ nɛ, “Tswaa odɛ̃ ni okɛ onane ashi shi, ni okɛɛ akɛ, ‘Kpoo ha Israel we lɛ yɛ amɛmusubɔɔnii fɔ̃ji lɛ fɛɛ ahewɔ. Amɛaanyɔnyɔi yɛ klante kɛ hɔmɔ kɛ gbele hela naa.’

3 Mose 26:25

Mahã ta abanina nyɛ koni atsɔ̃ no nɔ kɛgbala nyɛtoi, kɛtɔ mi kɛ nyɛ teŋ kpãŋmɔ lɛ mlikuu he owele. Kɛji nyɛbua nyɛhe naa yɛ nyɛmaji wuji amli, yɛ shweshweeshwefeemɔ hewɔ hu lɛ, mibahã gbele hela abote nyɛteŋ, ni nyɛhenyɛlɔi lɛ anine aaashɛ nyɛnɔ.

5 Mose 28:21

Yehowa aaahã oye gbele hela kɛyaashi beyinɔ ni eeekpãtã ohiɛ yɛ shikpɔŋ ni oyaa koni oyaŋɔ okɛfee onɔ lɛ nɔ.