2 Mose 5:22 - ŊMALƐ KRƆŊKRƆŊ LƐ

²² Kɛkɛ ni Mose saa eku esɛɛ etee Yehowa hiɛ ni ekɛɛ, “Ao! Yehowa, mɛɛba moŋ ofee wɔ, omaŋ lɛ, efɔŋ nɛkɛ? Mɛɛba kwraa otsu mi biɛ mɔ?

Ṅmãle̱ Kroṅkroṅ Le̱

²² Ši Mose kũ ese̱ ke̱-te Iehowa ṅõ ni ekē̱: Nuṅtšo̱, mẽba ofe maṅ le̱ efõṅ ne̱ke̱? Mẽba otšũmi ke̱-ba bie̱ mo̱?

2 Mose 5:22 ပူးပေါင်းရင်းမြစ်များ

1 Maŋtsɛmɛi 19:10

Elia to he ekɛɛ, “Miye Yehowa, Nyɔŋmɔ Taiatsɛ lɛ, he awuŋã kɛ hiɛdɔɔ, ejaakɛ Israelbii lɛ ekwa Bo kɛ amɛteŋ kpãŋmɔ lɛ, amɛkumɔ ofɔleshãa latɛi lɛ, ni amɛkɛ klante egbe ogbalɔi lɛ hu, ni mi, mi pɛ eshwɛ, ni amɛmiitao mi hu amɛgbe.”

1 Maŋtsɛmɛi 19:4

ni ekome enyiɛ gbi kome jenamɔ gbɛ kɛtee ŋa lɛ nɔ. Eyata shi yɛ tso kusuu ko shishi, ni ebɔ̃i gbele shwee. Ekɛɛ akɛ, “Ao Yehowa, efa agbɛnɛ, ejaakɛ mihiii fe mitsɛmɛi lɛ.”

Lalai 73:25

Namɔ miyɔɔ yɛ ŋwɛi fe bo? Ni nɔ ko nɔ ko bɛ shikpɔŋ nɛɛ nɔ ni mitaoɔ yɛ bo osɛɛ.

2 Mose 17:4

No hewɔ lɛ, Mose bo etsɛ Yehowa ekɛɛ, “Te mafee maŋ nɛɛ mahã tɛŋŋ? Tɛ amɛheɔ amɛtswia mi nɛɛ!”

Yeremia 12:1

Yehowa, kɛji mi kɛ bo taa naa tete lɛ onɔ jaa; kɛ̃lɛ mikɛ mi sane nɛɛ miifɔ̃ ohiɛ. Mɛni hewɔ mɛi fɔ̃ji agbɛ jaa hãa amɛ, ni kutumpɔfoi shwereɔ lɛ?

Yeremia 20:7

Ao! Yehowa, olaka mi, ni mitsɔ̃ mɔ ni alaka lɛ. Oyɛ hewalɛ fe mi, ni oye minɔ. Mitsɔ̃ mɔ ni aŋmɔɔ lɛ daa jenamɔ; mɔ fɛɛ mɔ po yeɔ mihe fɛo.

Yeremia 4:10

Kɛkɛ ni mikɛɛ akɛ, “Ao, Nuŋtsɔ Yehowa, lɛɛlɛŋ akɛ lakamɔ olaka gbɔmɛi nɛɛ kɛ Yerusalɛmbii fɛɛ? Ejaakɛ okɛɛ amɛ akɛ, ‘Nyɛbaana toiŋjɔlɛ; no moŋ ji klante ni akɛnyiɛ amɛsɛɛ nɛɛ?’ ”

Habakuk 2:3

Ninaa nɛɛ be lɛ shɛko moŋ, shi eeye ehe oyai kɛba. Kɛji eshashao shi tete po jiŋŋ, bo lɛ mɛɛ, ejaakɛ ebaaba kɛ̃ ni etsɛŋ.

4 Mose 11:11

No hewɔ lɛ, Mose kɛɛ Yehowa akɛ, “Mɛɛba ni okɛ mi, otsulɔ, yeɔ kɛ joomɔ nɛɛ, ni oná mi mlifu? Mɛɛba ni okɛ nɛkɛ maŋbii nɛɛ fɛɛ yi sɔ̃ etere mi nɛɛ?

Yoshua 7:7

ni Yoshua kɛɛ akɛ, “Ao! Nuŋtsɔ Nyɔŋmɔ, mɛni hewɔ ni okɛ gbɔmɛi nɛɛ fo Yordan lɛ kɛba? Koni okɛ wɔ abawo Amorbii lɛ adɛŋ koni amɛkpãtã wɔhiɛ? Wɔle nɛkɛ kulɛ wɔkpɛ̃lɛ ni wɔhi Yordan lɛ sɛɛ kɛkɛ.

1 Samuel 30:6

Sane wulu bakã David nɔ, ni ehe jara lɛ jogbaŋŋ diɛŋtsɛ, ejaakɛ ewebii lɛ kɛɛ amɛbaatswia lɛ tɛ, ejaakɛ mɔ fɛɛ mɔ musuŋ miishã lɛ yɛ ebihii kɛ ebiyei lɛ ahewɔ. Shi Yehowa, David Nyɔŋmɔ lɛ, waje David ni ewo lɛ hewalɛ.