2 Mose 40:34 - ŊMALƐ KRƆŊKRƆŊ LƐ

³⁴ Kɛkɛ ni atatu baha Kpee Buu lɛ nɔ, ni Yehowa anunyam lɛ yi He Krɔŋkrɔŋ lɛ obɔ̃.

Ṅmãle̱ Kroṅkroṅ Le̱

³⁴ Ke̱ke̱ ni atatu le̱ baha kpē-bū le̱ no̱, ni Iehowa anumnyam le̱ yi šihĩle̱he le̱ obõ. 18,21. 4 Mose 9,15-28. 1 Maṅ. 8,10. 11. Ies. 4,5. Ezek. 43,5.

2 Mose 40:34 ပူးပေါင်းရင်းမြစ်များ

2 Samuel 7:6

Kɛjɛ be nɔ ni miyakpala Israelbii yɛ Ijipt aahu kɛbashi ŋmɛnɛ gbi nɛɛ lɛ, mihiko tsu mli dã, fe buu mli sɔŋŋ kɛkɛ miyɔɔ.

2 Kronika 5:13

Tɛtɛrɛmantɛrɛkpãlɔi nɛɛ kɛ lalatsɛmɛi lɛ anitsumɔ ji akɛ amɛla kɛjie Yehowa yi, asaŋ kɛda lɛ shi hu. Be ni osɔfoi lɛ je kpo nɔŋŋ yɛ He Krɔŋkrɔŋ Fe Fɛɛ lɛ, kɛkɛ ni Levibii lɛ wo lala nɔ kɛ tɛtɛrɛmantɛrɛi kɛ ŋmɛji kɛ saŋkui srɔtoi, ni amɛ jie Yehowa yi amɛkɛɛ, “Yehowa hi, ejaakɛ emɔbɔnalɛ sɛɛ efooo, emɔbɔnalɛ lɛ yɛ kɛmiiya naanɔ.” Kɛkɛ ni atatu bayi Yehowa Sɔlemɔtsu lɛŋ obɔ̃;

2 Kronika 7:2

Yehowa anunyam la nɛɛ ni eyi Sɔlemɔtsu lɛ hewɔ lɛ, osɔfoi lɛ nyɛɛɛ Yehowa Sɔlemɔtsu lɛ mli abote.

Lalai 26:8

Oo Yehowa, misumɔɔ owe he ni ohiɔ lɛ, kɛ he ni onunyam lɛ yɔɔ lɛ.

2 Mose 14:24

Ni maŋkɛ mra mli lɛ Yehowa jɛ atatu kutuu kɛ la kutuu lɛ mli ekwɛ Ijiptbii ata lɛ, ni ehao amɛ.

2 Mose 16:10

Be ni Aaron kɛ Israelbii asafo muu lɛ fɛɛ wieɔ lɛ, amɛkwɛ ŋa lɛ nɔ gbɛ, ni naa, Yehowa anunyam lɛ epue yɛ atatu lɛ mli.

2 Mose 25:8

Ohã Israelbii lɛ afee Kpee Buu Krɔŋkrɔŋ ko amɛhã mi koni mahi amɛteŋ.

2 Mose 29:43

Ni jɛi mikɛ Israelbii lɛ aaakpe yɛ, ni jɛi aaatsɔ̃ he krɔŋkrɔŋ yɛ minunyam lɛ hewɔ.

2 Mose 33:9

Kɛji Mose bote Buu lɛ mli lɛ, atatu kutuu lɛ kpelekeɔ shi, ni ebadamɔɔ Buu lɛ shinaa lɛ shi, ni Yehowa kɛ Mose wieɔ.

Yesaia 57:15

“Ejaakɛ bɔ ni Mɔ Koome ni yɔɔ ŋwɛi flooflo, naanɔ Mɔ ni gbɛi ji Krɔŋkrɔŋ lɛ kɛɛ nɛ, ‘Ŋwɛi shɔŋŋ kɛ He krɔŋkrɔŋ lɛ mihiɔ; asaŋ mikɛ mɔ ni tswiaa shi kɛ dɔlɛ ni ebaa ehe shi yɛ mumɔ mli lɛ hiɔ shi,’ koni maha heshibalɔi amumɔ ana wala hee, ni mɛi ni tswiaa shi kɛ dɔlɛ lɛ atsuii ana wala hee.’

Yesaia 6:4

Serafim lɛ abolɔmɔ lɛ ha Sɔlemɔ we lɛ shinai lɛ ashishi hoso, ni Sɔlemɔ we lɛ yi tɔ kɛ lasu.

Ezekiel 10:4

Kɛkɛ ni Yehowa anunyam lɛ kpɛmɔ lɛ wo ehe nɔ yɛ bɔɔ nibii lɛ anɔ kɛtee Sɔlemɔ we lɛ shinaa lɛ shi; ni atatu lɛ yi Sɔlemɔ we lɛ obɔ̃, ni Yehowa anunyam kpɛmɔ lɛ yi kpo lɛ nɔ obɔ̃.

3 Mose 16:2

“Okɛ onyɛmi Aaron awie koni ekabote He Krɔŋkrɔŋ lɛ mli kɛmiiya muhɔɔ lɛ sɛɛ, yɛ mɔbɔnalɛ sɛi ni bu Kpãŋmɔ Adeka lɛ nɔ lɛ hiɛ lɛ, be fɛɛ be kɛkɛ, koni ekagbo, ejaakɛ mapue yɛ atatu mli yɛ naanɔ ni bu Adeka lɛ nɔ lɛ nɔ.

Hagai 2:7

Mibahoso je lɛ mli majimaji lɛ, ni abaaloo amɛmli jwetrii lɛ kɛaaba biɛ mikɛbawo Sɔlemɔ we lɛ mli, ni eeeyi obɔ̃ tɔ kɛ anunyam sɔŋŋ.

Hagai 2:9

Sɔlemɔ we nɛɛ sɛɛkpee anunyam lɛ baafe etsutsu anunyam lɛ, ni biɛ majɛ mahã miwebii lɛ ashwere, Mi Yehowa, Taiatsɛ lɛ, mikɛɛ.”

4 Mose 7:89

Be ni Mose bote Kpee Buu lɛ mli koni ekɛ Yehowa ayawie lɛ, enu Yehowa gbee ni ekɛ lɛ, Mose lɛ, miiwie kɛjɛ Kpãŋmɔ Adeka lɛ naanɔ lɛ nɔ gbɛ yɛ kerubim enyɔ lɛ ateŋ.

Romabii 9:4

Amɛ ji Israelbii lɛ; ni amɛnɔ ji bitsɔ̃mɔ lɛ kɛ anunyam lɛ kɛ kpãŋmɔi lɛ kɛ mlahãmɔ lɛ kɛ jamɔ lɛ kɛ shiwoi lɛ,

Kpojiemɔ 15:8

Ni Sɔlemɔtsu lɛ yi obɔ̃ kɛ lasu ni jɛ Nyɔŋmɔ anunyam lɛ kɛ ehewalɛ lɛ mli lɛ, ni mɔ ko nyɛ̃ɛɛ Sɔlemɔtsu lɛ mli abote kɛyashi beyinɔ ni aaagbe bɔfoi kpawo lɛ ahaomɔi kpawo lɛ anaa.

Kpojiemɔ 21:3

Ni minu gbee kpeteŋkple ko jɛ maŋtsɛ sɛ̃i lɛ mli kɛɛ, “Naa, Nyɔŋmɔ shihilɛhe lɛ yɛ gbɔmɛi ateŋ, ni eeehi shi yɛ amɛteŋ, ni amɛaatsɔ̃ emaŋ, ni Nyɔŋmɔ diɛŋtsɛ kɛ amɛ aaahi shi.