2 Mose 40:20 - ŊMALƐ KRƆŊKRƆŊ LƐ

²⁰ Ni Mose kɛ tɛi ni aŋmala kitãi lɛ yɛ nɔ lɛ wo Kpãŋmɔ Adeka lɛ mli, ni ekɛ tsei bloblobii lɛ hɔlɔ Adeka lɛ he, ni ekɛ naanɔ lɛ bu Kpãŋmɔ Adeka lɛ naa.

Ṅmãle̱ Kroṅkroṅ Le̱

²⁰ Ni eṅõ odaseyelinõ ewo adeka le̱ mli, ni eṅõ tšei le̱ eho̱lo̱ adeka le̱ he, ni eke̱ kpãtãmo̱ sẽi le̱ bu adeka le̱ nā;

2 Mose 40:20 ပူးပေါင်းရင်းမြစ်များ

1 Maŋtsɛmɛi 8:9

Nɔ ko nɔ ko bɛ Adeka lɛ mli akɛ ja tɛi tɛtɛrɛbii enyɔ lɛ ni Mose ŋɔ to mli yɛ Sinai Gɔŋ lɛ nɔ, he ni Yehowa kɛ Israelbii lɛ kpãŋ yɛ, be ni amɛjɛ Ijipt shikpɔŋ lɛ nɔ amɛbaa lɛ.

1 Kronika 15:3

David kpee Israelbii fɛɛ, ni amɛnaa bakpe shi yɛ Yerusalɛm koni ayawo Yehowa Kpãŋmɔ Adeka lɛ kɛba he ni asaa ato lɛ lɛ.

2 Kronika 5:10

Nɔ ko nɔ ko bɛ Kpãŋmɔ Adeka lɛ mli ja tɛi tɛtɛrɛbii enyɔ lɛ ni Mose kɛto mli yɛ Horeb, ni ji Sinai Gɔŋ, he ni Yehowa kɛ Israelbii kpãŋ yɛ be mli ni amɛjɛ Ijipt amɛbaa lɛ.

Lalai 40:8

MiNyɔŋmɔ, eŋɔɔ minaa akɛ mafee osuɔmɔnaanii; Omla lɛ yɛ mitsui mli.”

2 Mose 16:34

Aaron kɛ mana lɛ yama Kpãŋmɔ Adeka lɛ hiɛ tamɔ bɔ ni Yehowa fã Mose lɛ koni akɛto.

2 Mose 26:34

Okɛ Kpãŋmɔ Adeka lɛ naanɔ lɛ, ni ji kpãtãmɔ sɛi lɛ, abu naa yɛ He Krɔŋkrɔŋ Fe Fɛɛ lɛ.

2 Mose 31:18

Be ni Yehowa kɛ Mose ewie egbe naa yɛ Sinai Gɔŋ lɛ nɔ lɛ, ekɛ tɛi enyɔ ni ji tɛi tɛtɛrɛbii ni lɛ Nyɔŋmɔ lɛ diɛŋtsɛ kɛ ewao eŋma nii yɛ nɔ lɛ hã Mose.

2 Mose 40:19

Elɛɛ buu mama lɛ mli ekɛha Kpee Buu Krɔŋkrɔŋ lɛ nɔ, ni ekɛ nɔhaanɔ lɛ ha nɔ to nɔ, tamɔ bɔ ni Yehowa fã lɛ lɛ.

2 Mose 40:3

Okɛ Kpãŋmɔ Adeka lɛ ama mli, ni okɛ muhɔɔ lɛ atsĩ hiɛ.

Mateo 3:15

Shi Yesu here nɔ ekɛɛ lɛ akɛ, “Kpɛlɛ̃mɔ kɛkɛ, ejaakɛ nɛkɛ sa akɛ wɔgbeɔ jalɛ fɛɛ naa.” Kɛkɛ ni ekpɛlɛ̃.

Romabii 10:4

Ejaakɛ Kristo ji Mla lɛ naagbee, ni lɛ ji jalɛ hã mɔ fɛɛ mɔ ni heɔ yeɔ lɛ.

Romabii 3:25

Lɛ ji mɔ ni Nyɔŋmɔ jie to akɛ kpãtãmɔ nɔ kɛtsɔ̃ elá lɛ nɔ hemɔkɛyeli nɔ koni ekɛjie ejalɛ lɛ kpo, yɛ ehiɛ ni eku efɔ̃ eshai ni afee sa lɛ anɔ yɛ etsuishiŋmɛɛ mli lɛ hewɔ;

5 Mose 10:5

ni mitsɔ̃ mihe, ni mikpeleke shi kɛjɛ gɔŋ lɛ nɔ kɛba. Ni tamɔ bɔ ni Yehowa fã akɛ mifee lɛ, mikɛ tɛi tɛtɛrɛbii lɛ bawo adeka lɛ ni mikpɛ lɛ mli, ni amɛyɛ mli kɛbashi ŋmɛnɛ.”

Hebribii 4:16

Hewɔ lɛ nyɛhãa wɔkɛ ekãa atsia abɛŋkɛa dromɔ sɛi lɛ, koni wɔnine ashɛ mɔbɔnalɛ nɔ ni wɔna dromɔ ni aaaye abua wɔ yɛ be ni sa mli.

Hebribii 9:4

Jɛi shika tsofakɛŋma shãa nɔ lɛ kɛ Kpãŋmɔ Adeka ni akɛ shika eha he fɛɛ lɛ yɔɔ; no mli shika kpulu kɛ emli mana lɛ kɛ Aaron tso ni gba afofro lɛ kɛ kpãŋmɔ tɛi tɛtɛrɛbii lɛ yɔɔ.

1 Yohane 2:2

Lɛ ji wɔhe eshai lɛ ahe kpãtãmɔnɔ; shi jeee wɔnɔ lɛ kɛkɛ, shi moŋ jeŋ muu lɛ fɛɛ nɔ lɛ hu.