2 Mose 40:13 - ŊMALƐ KRƆŊKRƆŊ LƐ

¹³ No sɛɛ lɛ, okɛ hewulamɔ nibii krɔŋkrɔŋi lɛ awula Aaron, ni ofɔ lɛ mu okɛfee lɛ krɔŋkrɔŋ koni eye osɔfo ehã mi.

Ṅmãle̱ Kroṅkroṅ Le̱

¹³ Ni oṅõ atadei kroṅkroṅi le̱ owo Aaron, ni ofo̱le̱ mũ, ni ofele̱ kroṅkroṅ, koni eye oso̱fo ehãmi.

2 Mose 40:13 ပူးပေါင်းရင်းမြစ်များ

2 Mose 28:41

Okɛ nibii nɛɛ awula onyɛmi Aaron kɛ ebihii lɛ hu ofata ehe, ni ofɔ amɛ mu, ni owo amɛ osɔfo, ni otsuu amɛhe koni amɛye osɔfo amɛhã mi.

2 Mose 29:7

Agbɛnɛ owo mu ni akɛfɔɔ mɔ mu lɛ koni ofɔse oshwie Aaron yiteŋ ni okɛfɔ lɛ mu.

2 Mose 40:14

Okɛ Aaron bihii lɛ hu aba ni okɛ flakai lɛ awo amɛ,

Yesaia 61:1

Nuŋtsɔ Yehowa mumɔ lɛ yɛ minɔ. Efɔ mi mu, ni etsu mi koni mibashiɛ Sanekpakpa lɛ mitsɔ̃ɔ ohiafoi. Etsu mi koni mibashɛje mɛi ni efee bliboo kɛ awerɛho lɛ amii, koni mishiɛ heyeli mitsɔ̃ɔ nomii lɛ, kɛ mɛi ni awo amɛ tsuŋ lɛ.

3 Mose 7:35

Enɛ ji afɔlei ni ashãa ahãa Yehowa lɛ mli nɔ ni akɛhã Aaron kɛ ebii lɛ akɛ amɛgbɛfaŋnɔ gbi nɔ ni awoɔ amɛ osɔfo lɛ.

3 Mose 7:36

Nakai gbi lɛ Yehowa fã Israelbii lɛ akɛ amɛkɛhã Aaron kɛ ebii lɛ koni efee amɛgbɛfaŋnɔ ni kã shi hã amɛ daa yɛ yinɔi fɛɛ mli.

3 Mose 8:13

Agbɛnɛ Mose hã Aaron bii lɛ ba hiɛ. Ewo amɛ flakai; ekɛ amɛmlifĩinii lɛ fimɔ amɛmliteŋ, ni ekɛ amɛfaii lɛ bumɔ amɛ, tamɔ bɔ ni Yehowa wo lɛ kitã lɛ.

Yohane 17:19

Ni amɛhewɔ mi diɛŋtsɛ mifeɔ mihe krɔŋkrɔŋ lɛ, koni amɛ hu afee amɛ krɔŋkrɔŋ yɛ anɔkwale mli.”

Yohane 3:34

Ejaakɛ mɔ ni Nyɔŋmɔ tsu lɛ, Nyɔŋmɔ wiemɔi ewieɔ; ejaakɛ jeee susumɔ Nyɔŋmɔ susuɔ Mumɔ lɛ ehãa lɛ.

Hebribii 10:10

Nakai suɔmɔnaa nii lɛ mli atsuu wɔhe yɛ kɛtsɔ̃ Yesu Kristo gbɔmɔtso ni ekɛhã shi kome nyɔŋlo lɛ nɔ.

Hebribii 10:29

Belɛ gbɔmɔ ko ni enaanaa Nyɔŋmɔ Bi lɛ nɔ ni ebu kpãŋmɔ lá ni akɛtsuu ehe lɛ akɛ yaka nɔ ko, ni efee dromɔ Mumɔ lɛ niseniianii lɛ, te nyɛsusuɔ akɛ toigbalamɔ ni sa lɛ mli baawa tɛŋŋ?

1 Yohane 2:20

Ni nyɛ lɛ, nyɛna mufɔɔ kɛjɛ Mɔ Krɔŋkrɔŋ lɛ dɛŋ, ni nyɛle nii fɛɛ.

1 Yohane 2:27

Ni nyɛ lɛ, mufɔɔ ni nyɛna kɛjɛ eŋɔɔ lɛ yɛ nyɛmli, ni ehe ehĩaaa nyɛ akɛ mɔ ko atsɔ̃ɔ nyɛ nii, shi moŋ bɔ ni emufɔɔ lɛ tsɔ̃ɔ nyɛ nii fɛɛ, ni eji anɔkwale ni jeee amale ni lɛ, bɔ ni etsɔ̃ɔ nyɛ lɛ nyɛhia emli.