2 Mose 4:31 - ŊMALƐ KRƆŊKRƆŊ LƐ

³¹ Maŋ lɛ he lɛ ye. Ni be ni amɛnu akɛ Yehowa ekwɛ ni ena Israelbii lɛ amanehulu lɛ, amɛmamɔ amɛyitsei ashi ni amɛja.

Ṅmãle̱ Kroṅkroṅ Le̱

³¹ Ni maṅ le̱ he ye. Ni heni ame̱nu ake̱ Iehowa *ebasra Israelbii le̱ ni ena ame̱manehũlũ le̱, ke̱ke̱ ni ame̱mãme̱ ame̱yitšei aši ni ame̱so̱le. *3,16.

2 Mose 4:31 ပူးပေါင်းရင်းမြစ်များ

1 Mose 17:3

Kɛkɛ ni Abram ŋɔ ehiɛ ebu shi, ni Nyɔŋmɔ kɛɛ lɛ akɛ,

1 Mose 24:26

Kɛkɛ ni tsulɔ lɛ ma eyi shi, ni eja Yehowa ni ekɛɛ,

1 Mose 29:32

Lea na musu ni efɔ binuu. Ewo lɛ Ruben, ni ekɛɛ, “Ejaakɛ Yehowa ena mimanehulu lɛ. Agbɛnɛ lɛ miwu baasumɔ mi.”

1 Mose 50:24

Agbɛnɛ Yosef kɛɛ enyɛmimɛi lɛ akɛ, “Migbele be eshɛ; shi saramɔ Nyɔŋmɔ aaabasra nyɛ kɛ̃, ni eeekpala nyɛ yɛ shikpɔŋ nɛɛ nɔ kɛaatee shikpɔŋ ni ekã Abraham kɛ Isak kɛ Yakob kitã yɛ he lɛ nɔ.”

1 Kronika 29:20

Kɛkɛ ni David kɛɛ asafo ni ewo shi lɛ akɛ, “Nyɛjiea Yehowa, nyɛNyɔŋmɔ lɛ, yi!” Ni asafo muu lɛ fɛɛ jie Yehowa, amɛtsɛmɛi aNyɔŋmɔ lɛ, yi; ni amɛmamɔ amɛyi shi amɛja Yehowa, ni amɛkoto maŋtsɛ lɛ hu.

2 Kronika 20:18

Kɛkɛ ni Maŋtsɛ Yehoshafat ma eyi shi ni ekɛ ehiɛ bu shi, ni Yudabii lɛ kɛ Yerusalɛm maŋ lɛ mli bii lɛ fɛɛ hu bumɔ shi, ni amɛja Yehowa.

2 Kronika 32:8

Lɛ lɛ adesa hewalɛ kɛ lɛ yɔɔ; shi wɔ lɛ, Yehowa, wɔNyɔŋmɔ lɛ kɛ wɔ yɔɔ, koni eye ebua wɔ, asaŋ koni ewu wɔtai lɛ ehã wɔ.” Maŋbii lɛ na ekãa kɛ hiɛnɔkãmɔ yɛ Yuda Maŋtsɛ Hezekia wiemɔi lɛ ahewɔ.

2 Kronika 7:3

Be ni Israelbii lɛ na la lɛ ni jɛ ŋwɛi lɛ kɛ Yehowa anunyam la lɛ ni ebayi Sɔlemɔtsu lɛŋ obɔ̃ lɛ, amɛkɛ amɛhiɛiaŋ bumɔ shi, yɛ he ko ni aka jɛi tɛ, ni amɛja Yehowa, ni amɛda lɛ shi yɛ emlihilɛ kɛ esuɔmɔ ni sɛɛ efooo kɛmiiya naanɔ lɛ hewɔ.

Nehemia 8:6

Kɛkɛ ni Ezra jie Yehowa, Nyɔŋmɔ kpeteŋkple lɛ, yi. Maŋ muu lɛ fɛɛ here nɔ amɛkɛɛ, “Amen! Amen!” Amɛhole amɛniji anɔ. No sɛɛ lɛ, amɛmamɔ amɛyi shi, ni amɛkɛ amɛhiɛ bumɔ shi, ni amɛja Yehowa.

Hiob 1:20

Kɛkɛ ni Hiob te shi, ni ekɛ awerɛho gbala ehe atade lɛ, eshɛ eyi, ni eho ebu shikpɔŋ, ni esɔle.

2 Mose 12:27

nyɛkɛa amɛ akɛ, ‘Yehowa Hehoo afɔle ni, ejaakɛ be ni etswia Ijiptbii lɛ nii lɛ, eho Israelbii ashĩai lɛ ahe yɛ Ijipt ni etɛ̃ wɔshĩai lɛ eshĩ.’ ” Kɛkɛ ni Israelbii lɛ mamɔ amɛyi shi, ni amɛja Yehowa,

2 Mose 14:31

Ni Israelbii lɛ na Yehowa hewalɛ wulu ni ejie lɛ kpo etsɔ̃ɔ Ijiptbii lɛ, ni Israelbii lɛ she Yehowa gbeyei, ni amɛhe Yehowa kɛ etsulɔ Mose amɛye.

2 Mose 19:8

Ni maŋ tso muu lɛ fɛɛ here nɔ shi kome amɛkɛɛ, “Nibii fɛɛ ni Yehowa ekɛɛ lɛ wɔɔfee.” Mose hã Yehowa le hetoo ni maŋ lɛ hã lɛ.

2 Mose 19:9

Yehowa kɛɛ Mose akɛ, “Miiba oŋɔɔ yɛ atatu kpii mli koni kɛ mi kɛ bo miiwie lɛ, maŋ lɛ anu ni amɛhe bo hu amɛye kɛya naanɔ.”

2 Mose 2:25

Kɛkɛ ni ekwɛ nyɔŋ ni ayeɔ Israelbii lɛ, ni amɛsane bakã etsui nɔ.

2 Mose 3:16

Yaa ni oyabua Israel onukpai lɛ anaa, ni okɛɛ amɛ akɛ, Yehowa, nyɛtsɛmɛi aNyɔŋmɔ lɛ, ni ji Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ, ejie ehe kpo etsɔ̃ɔ mi, ni ekɛɛ, Mikwɛ, ni mina nyɛ kɛ nɔ ni afeɔ nyɛ yɛ Ijipt lɛ,

2 Mose 3:18

“Israel onukpai lɛ aaabo bo toi, ni okɛ amɛ aya Ijipt Maŋtsɛ lɛ ŋɔɔ ni oyakɛɛ lɛ akɛ, ‘Yehowa, Hebribii aNyɔŋmɔ lɛ, ejie ehe kpo etsɔ̃ɔ wɔ. No hewɔ lɛ, wɔmiikpa bo fai, ŋmɛɛ wɔ gbɛ ni wɔya gbii etɛ̃ gbɛ nyiɛmɔ koni wɔyashã afɔle wɔhã Yehowa, wɔNyɔŋmɔ lɛ.’

2 Mose 3:7

Yehowa kɛɛ akɛ, “Naa, mina amanehulu mli ni miwebii lɛ yɔɔ yɛ Ijipt lɛ, ni minu ŋkɔmɔ blɔmɔ ni amɛbolɔɔ koni abahere amɛ yɛ amɛkpalalɔi lɛ adɛŋ lɛ hu. Amɛnidɔɔ nii lɛ kã mitsui nɔ pam.

2 Mose 33:10

Kɛ maŋ lɛ na atatu kutuu lɛ yɛ Kpee Buu lɛ shinaa lɛ shi nakai lɛ, maŋ lɛ fɛɛ teɔ shi ni amɛmamɔɔ amɛyi shi, ni amɛjaa, mɔ fɛɛ mɔ yɛ ebuu shinaa shi.

2 Mose 34:8

Ni Mose he fee oya, ni ekoto shi, ni eja Yehowa,

2 Mose 4:5

Kɛkɛ ni Yehowa kɛɛ Mose akɛ, “Enɛ amɛkɛaahe amɛye akɛ Yehowa, ni ji Abraham Nyɔŋmɔ kɛ Isak Nyɔŋmɔ kɛ Yakob Nyɔŋmɔ lɛ, ejie ehe kpo etsɔɔ bo.”

Zefania 2:7

Ŋshɔnaa shikpɔŋ lɛ baatsɔ̃ Yudabii ni eshwɛ lɛ anɔ. Jɛi amɛbaalɛ amɛkooloi yɛ, ni Ashkelon maŋ lɛ shĩai lɛ baatsɔ̃mɔ kooloi lɛ awɔɔhei; ejaakɛ Yehowa, amɛNyɔŋmɔ lɛ, musuŋ baatsɔ̃ lɛ yɛ amɛhe, ni ebaahã amɛshwere ekoŋŋ.

Luka 1:68

“Ajie Nuŋtsɔ, Israel Nyɔŋmɔ lɛ yi, akɛ ebasara emaŋ lɛ, ni ekpɔ̃ amɛ.

Luka 8:13

Tɛsaa nɔ bii lɛ ji mɛi ni nuɔ ni amɛheɔ amɛyeɔ be kuku kɛkɛ, ni kaa be mli lɛ amɛkwaa amɛhemɔkɛyeli lɛ.

Rut Wolo Lɛ 1:6

Naomi nu yɛ Moab shikpɔŋ lɛ nɔ akɛ Yehowa ebaduro emaŋ Israel niyenii. No hewɔ lɛ, ekɛ eshaayei lɛ yiŋ kɛmiiku esɛɛ kɛjɛ Moab shikpɔŋ lɛ nɔ kɛya Yuda.