2 Mose 4:21 - ŊMALƐ KRƆŊKRƆŊ LƐ

²¹ Yehowa kɛɛ Mose ekoŋŋ akɛ, “Kɛji oyashɛ Ijipt lɛ kwɛmɔ ni naakpɛɛ nibii fɛɛ ni mikɛ amɛnɔ hewalɛ ewo odɛ̃ŋ lɛ, ofee yɛ Farao hiɛ; shi mi lɛ mahã Farao akpliŋ etsui, ni ehãŋ maŋ lɛ aya.

Ṅmãle̱ Kroṅkroṅ Le̱

²¹ Ni Iehowa kē̱ Mose ake̱: Ke̱ okũ ose̱ ote Mizraim le̱, kwe̱ ní ofe nākpe̱-nii le̱ fẽ ní miṅõ-wo odeṅ le̱ ye̱ Farao hĩe; ši *mi le̱ mawadše etsui, ni ehãṅ maṅ le aya. *7,8. 13; 8,15. 19. 32; 9,12. 35; 10,1. 20. 27; 11,10; 14,4. 17.

2 Mose 4:21 ပူးပေါင်းရင်းမြစ်များ

1 Mose 6:3

Kɛkɛ ni Yehowa kɛɛ akɛ, “Mimumɔ lɛ nyɛŋ ahi gbɔmɔ mli kɛya naanɔ, ejaakɛ heloo ji gbɔmɔ ni ebaagbo ni afii abɔ ni ebaaye ji afii oha kɛ nyɔŋmai enyɔ.”

1 Maŋtsɛmɛi 22:22

Ni Yehowa bi lɛ akɛ, “Yɛ mɛɛ gbɛ nɔ?” Mumɔ lɛ to he ekɛɛ, “Maya, ni mibatsɔ̃ amale mumɔ yɛ gbalɔi lɛ fɛɛ anaa.” Kɛkɛ ni Yehowa kɛɛ akɛ, “Yaa koni oyalaka lɛ; onine baashɛ enɔ.”

Lalai 105:25

Yehowa hã Ijiptbii lɛ nyɛ Yakob webii lɛ, ni amɛkɛ amɛ ye ŋaa mli.

Lalai 78:43

amɛhiɛ kpa ekadii lɛ ni efee yɛ Ijipt, kɛ enaakpɛɛ nibii lɛ yɛ Zoan ŋa lɛ nɔ lɛ anɔ.

2 Mose 10:1

Kɛkɛ ni Yehowa kɛɛ Mose akɛ, “Yaa Farao ŋɔɔ, shi mihã ekpliŋ etsui, ni etsuji lɛ hu ekpliŋ amɛtsui bɔ ni afee ni mafee naakpɛɛ nii nɛɛ fɛɛ matsɔ̃ɔ amɛ,

2 Mose 10:20

Shi Yehowa hã Farao kpliŋ etsui, ni ehãaa Israelbii lɛ aya.

2 Mose 10:27

Shi Yehowa hã Farao kpliŋ etsui, ni ekpɛlɛ̃ɛɛ akɛ Israelbii lɛ aya.

2 Mose 11:10

Mose kɛ Aaron fee nɛkɛ naakpɛɛ nibii nɛɛ fɛɛ amɛtsɔ̃ɔ Farao nɛ, shi Yehowa hã Farao kpliŋ etsui ni ehãaa Israelbii lɛ ashi eshikpɔŋ lɛ nɔ amɛya.

2 Mose 11:9

Ni Yehowa kɛɛ Mose akɛ, “Farao ebaboŋ nyɛ toi bɔ ni afee ni minaakpɛɛ nii lɛ afa yɛ Ijipt shikpɔŋ lɛ nɔ.”

2 Mose 14:17

Mahã Ijiptbii lɛ akpliŋ amɛtsui koni amɛnyiɛ Israelbii lɛ asɛɛ, ni maye Farao kɛ eta shwiilii kɛ ekpɔŋɔnɔtalɔi lɛ fɛɛ anɔ kunim.

2 Mose 14:4

Mahã Farao akpliŋ etsui koni etiu nyɛ, ni no aaahã Farao kɛ eta lɛ fɛɛ ashe mi gbeyei, ni Ijiptbii baana ale akɛ mi ji Yehowa lɛ.” Israelbii lɛ fee bɔ ni akɛɛ amɛ lɛ.

2 Mose 14:8

Shi Yehowa hã Ijipt maŋtsɛ Farao kpliŋ etsui, ni etiu Israelbii lɛ ni Yehowa hewalɛ nine ni tsii lɛ hiɛ amɛ kɛyaa lɛ.

2 Mose 3:19

Shi mi lɛ mile akɛ Ijipt Maŋtsɛ lɛ eŋmɛŋ gbɛ ni nyɛya, ja anyɛ enɔ.

2 Mose 3:20

No hewɔ lɛ, majie mihewalɛ kpo matsɔ̃ɔ Ijipt, ni mikɛ naakpɛɛ nii ni mafee yɛ jɛi lɛ aaagbala Ijipt toi, ni no sɛɛ dani eeehã nyɛya.

2 Mose 7:13

Shi Farao kpliŋ etsui, ni ebooo Mose kɛ Aaron toi taakɛ bɔ ni Yehowa ewie eto lɛ.

2 Mose 7:3

Shi mahã Farao akpliŋ etsui, ni okadii kɛ naakpɛɛ nibii babaoo ni mafee yɛ Ijipt shikpɔŋ lɛ nɔ lɛ fɛɛ sɛɛ lɛ,

2 Mose 8:11

Kɔkɔdenei lɛ baaje bo kɛ owe lɛ kɛ otsuji lɛ kɛ omaŋbii lɛ anɔ aya. Nilo Faa lɛ mli nɔ lɛ kɛkɛ aaashwɛ.”

2 Mose 8:15

Shi be ni Farao na akɛ ena mumɔhe fioo lɛ, ekpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

2 Mose 8:32

Shi Farao kpliŋ etsui ekoŋŋ, ni ehãaa Israelbii lɛ aya.

2 Mose 9:12

Shi Yehowa hã Farao kpliŋ etsui, ni ebooo Mose kɛ Aaron toi tamɔ bɔ ni Yehowa ewie eto lɛ.

2 Mose 9:35

Farao bakpliŋ etsui, ni ehãaa Israelbii lɛ aya tamɔ bɔ ni Yehowa ewie eto yɛ Mose naa lɛ.

Yesaia 6:10

Kɛkɛ ni ekɛɛ mi akɛ, “Hã nɛkɛ maŋbii nɛɛ akpliŋ amɛtsui, ni ohã amɛtoi awa; asaŋ shwilamɔ amɛhiŋmɛii koni amɛkana nii; amɛkanu nii, asaŋ amɛkanu sane shishi ni amɛmiikpale ni amɛna tsamɔ.”

Yesaia 63:17

Ao Yehowa, mɛɛba ohaa wɔduɔ gbɛ kɛjɛɔ ogbɛi lɛ anɔ? Mɛɛba owajeɔ wɔtsui koni wɔkashe bo gbeyei lɛ? Otsuji kɛ okutsei lɛ ahewɔ lɛ kuu osɛɛ.

Yohane 12:40

“Eshwila amɛhiŋmɛii, ni ekpliŋ amɛtsui; koni amɛkana kɛ amɛhiŋmɛii, ni amɛna naa kɛ amɛtsui, ni amɛku amɛsɛɛ ni mitsa amɛ.”

Romabii 1:28

Ni akɛni amɛbuuu akɛ esa akɛ amɛleɔ Nyɔŋmɔ lɛ, Nyɔŋmɔ hu ŋmɛɛ amɛhe ehã jwɛŋmɔ ni esaaa koni amɛfee nibii ni esaaa;

Romabii 9:18

Belɛ no hewɔ lɛ, mɔ ni esumɔɔ akɛ ena lɛ mɔbɔ lɛ, enaa lɛ mɔbɔ, ni kɛ eesumɔ akɛ ewaje mɔ ko tsui lɛ, ewajeɔ.

2 Korintobii 2:16

mɛi ni laajeɔ lɛ, eji gbele ŋma ni kɛ mɔ yaa gbele mli hã amɛ; shi mɛi krokomɛi lɛ, eji wala ŋma ni kɛ mɔ yaa wala mli hã amɛ. Ni namɔ sa hã nɛkɛ nitsumɔ?

5 Mose 2:36

Kɛjɛ Aroer maŋ lɛ ni kã Arnon Faa lɛ jɔɔ lɛ toi, kɛ maŋ lɛ ni yɔɔ jɔɔ lɛ teŋ kɛyashi Gilead maŋ lɛ mli tɔ̃ɔ lɛ, maŋ ko maŋ ko bɛ ni wɔyeee enɔ kunim. Yehowa, wɔNyɔŋmɔ lɛ, jɔɔ eko fɛɛ eko nɔ ehã wɔ.

Yoshua 11:20

Ejaakɛ Yehowa ninenaa nitsumɔ nɛ, akɛ ehã maji lɛ amli bii lɛ kpliŋ amɛtsui, bɔ ni afee ni amɛ kɛ Israelbii lɛ awu ta koni atsɔ̃ no nɔ amɛkpãtã amɛhiɛ ni mɔbɔnalɛ bɛ mli, tamɔ bɔ ni Yehowa fã Mose lɛ.

1 Petro 2:8

kɛ “Tɛmɔtɛ kɛ nanetɔ̃tɔ̃mɔ tɛsaa ehã amɛ.” Ejaakɛ akɛni amɛbooo wiemɔ lɛ toi hewɔ lɛ amɛtɛrɛ, ni no nɔŋŋ ato amɛ ahã;