2 Mose 4:18 - ŊMALƐ KRƆŊKRƆŊ LƐ

¹⁸ Mose ku esɛɛ etee eshaanuu Yetro ŋɔɔ, ni eyabi lɛ gbɛ ekɛɛ, “Miikpa bo fai, hã maku misɛɛ maya Ijipt mayakwɛ akɛ minyɛmimɛi ni yɔɔ jɛi lɛ yɛ wala mli lolo lo.” Yetro to he akɛ, “Yoo, yaa ni oba, gbɛ aŋmɛ ahã bo.”

Ṅmãle̱ Kroṅkroṅ Le̱

¹⁸ Ni Mose kũ ese̱ ke̱-te *ešānũ Ietro ṅõ, ni eyakē̱le̱ ake̱: Mikpao fai, hã ni makũ mise̱ maya minyemimei ní yo̱ Mizraim le̱ aṅõ, ni mayakwe̱ ake̱ ame̱hĩe kãmo̱ lolo lo. Ni Ietro kē̱ Mose ake̱: Ya ye̱ hedšo̱le̱ mli! *3,1.

2 Mose 4:18 ပူးပေါင်းရင်းမြစ်များ

1 Mose 45:3

Ekɛɛ enyɛmimɛi lɛ akɛ, “Mi Yosef nɛ. Ani mitsɛ yɛ jeŋ lolo?” Shi enyɛmimɛi lɛ nyɛɛɛ lɛ hetoo ahã ejaakɛ amɛ jijaa yɛ ehiɛ.

2 Maŋtsɛmɛi 5:10

Elisha tsu bɔfo ko kɛtee eŋɔɔ akɛ, “Yaa ni oyaju ohe shii kpawo yɛ Yordan Faa lɛ mli ni aaatsa ohela lɛ ahã bo kwraa.”

2 Maŋtsɛmɛi 5:19

Ni Elisha kɛɛ lɛ akɛ, “Yaa yɛ hejɔlɛ mli.” Kɛkɛ ni Naaman yi gbɛ etee.

2 Mose 2:21

Mose kpɛlɛ̃, ni ekɛ Yetro hi shi. Yetro kɛ ebiyoo Zipora hã Mose gbãlã.

2 Mose 3:1

Mose miikwɛ eshaanuu Yetro, Midian osɔfo lɛ, toi. Gbi ko lɛ ekpala toi lɛ kɛtee ŋa lɛ nɔ anaigbɛ, ni eyaje Horeb, Yehowa Gɔŋ lɛ he.

Luka 7:50

Shi ekɛɛ yoo lɛ akɛ, “Ohemɔkɛyeli lɛ ehere oyiwala, yaa yɛ hejɔlɛ mli!”

Bɔfoi 15:36

Shi gbii komɛi asɛɛ lɛ, Paulo kɛɛ Barnaba akɛ, “Hã wɔku wɔsɛɛ wɔyasara wɔnyɛmimɛi lɛ yɛ maŋ fɛɛ maŋ ni wɔjaje Nuŋtsɔ lɛ wiemɔ lɛ yɛ mli lɛ mli, ni wɔkwɛ bɔ ni amɛyɔɔ.”

Bɔfoi 16:36

Ni gboklɛfoiakwɛlɔ lɛ jaje nɛkɛ wiemɔi nɛɛ etsɔ̃ɔ Paulo akɛ, “Asafoiatsɛmɛi lɛ etsu kɛba akɛ aŋmɛɛ nyɛhe, no hewɔ lɛ, agbɛnɛ nyɛjea kpo, ni nyɛyabaa jogbaŋŋ.”

1 Timoteo 6:1

Tsuji abɔ ni yɔɔ apã shishi lɛ abu amɛ diɛŋtsɛ amɛnuŋtsɔmɛi lɛ akɛ mɛi ni sa woo fɛɛ, koni akawie Nyɔŋmɔ gbɛi lɛ kɛ tsɔ̃ɔmɔ lɛ he musubɔɔ wiemɔ.

Kojolɔi 18:6

Osɔfo lɛ to he hã amɛ akɛ, “Nyɛyaa kɛ omanye. Yehowa hiŋmɛi kã nyɛhe yɛ gbɛ ni nyɛnyiɛ nɛɛ mli!”

1 Samuel 1:17

Eli to he hã Hana ekɛɛ, “Omanye abla bo, ni Israel Nyɔŋmɔ lɛ ahã bo nii ni obi lɛ lɛ.”