2 Mose 4:13 - ŊMALƐ KRƆŊKRƆŊ LƐ

¹³ Shi Mose here nɔ ekɛɛ, “Ofainɛ, miNuŋtsɔ, tsu mɔ kroko.”

Ṅmãle̱ Kroṅkroṅ Le̱

¹³ Ni ekē̱: Ofai ne̱, mi-Nuṅtšo̱! moni ootšũ ke̱-ya le̱, tšũ.

2 Mose 4:13 ပူးပေါင်းရင်းမြစ်များ

1 Mose 24:7

Yehowa, ŋwɛi Nyɔŋmɔ lɛ, mɔ ni ŋɔ mi kɛjɛ mitsɛ we lɛ kɛ miwekumɛi ashikpɔŋ lɛ nɔ ni ekɛ mi wie ni ekã mi kitã akɛ, ‘Oshwiei maŋɔ nɛkɛ shikpɔŋ nɛɛ mahã lɛ,’ lɛ eeetsu ebɔfo kɛnyiɛ ohiɛ ni oyaŋɔ yoo kɛjɛ jɛi obahã mibi lɛ.

1 Mose 41:35

Asaŋ hã ni nɔkwɛlɔi lɛ abua niyenii fɛɛ ni aaana yɛ nakai afii kpakpai ni baaba lɛ amli lɛ naa; amɛbua abele naa amɛto koni no afee niyenii ni akɛto yɛ maji lɛ amli.

1 Mose 48:16

bɔfo ni jie mi kɛjɛ efɔŋ fɛɛ mli lɛ, ajɔɔ gbekɛbii nɛɛ. Amɛhewɔ lɛ, migbɛi kɛ mitsɛmɛi Abraham kɛ Isak agbɛi gboŋ kɔkɔɔkɔ. Amɛyi afa babaoo yɛ shikpɔŋ lɛ nɔ.”

1 Maŋtsɛmɛi 19:4

ni ekome enyiɛ gbi kome jenamɔ gbɛ kɛtee ŋa lɛ nɔ. Eyata shi yɛ tso kusuu ko shishi, ni ebɔ̃i gbele shwee. Ekɛɛ akɛ, “Ao Yehowa, efa agbɛnɛ, ejaakɛ mihiii fe mitsɛmɛi lɛ.”

2 Mose 23:20

“Naa, miwo bɔfo gbɛ ni enyiɛ nyɛhiɛ koni ebaa nyɛyi yɛ gbɛteŋ koni ekɛ nyɛ ayashɛ he ni misaa mito lɛ.

2 Mose 4:1

Kɛkɛ ni Mose kɛɛ Yehowa akɛ, “Naa, Israelbii lɛ heŋ mi amɛyeŋ, amɛboŋ mi toi hu, ejaakɛ amɛaakɛɛ akɛ, ‘Yehowa ejieko ehe kpo etsɔ̃ko bo.’ ”

2 Mose 4:12

No hewɔ lɛ, yaa otsumɔ lɛ, shi mibawa bo kɛ wiemɔ, ni mibatsɔ̃ɔ bo nɔ ni owie.”

2 Mose 4:14

Kɛkɛ ni Yehowa mli wo Mose la, ni ekɛɛ lɛ akɛ, “Ani onyɛmi Aaron, Levinyo lɛ, bɛ? Mile akɛ enaa tse. Ni ŋmɛlɛtswaa nɛɛ po enyiɛ gbɛ eeba ni ekɛ bo abakpe, ni kɛ ena bo lɛ eeenya ohe kɛ etsuiŋ fɛɛ.

Yeremia 1:6

Kɛkɛ ni mito he akɛ, “Ao! Nuŋtsɔ Nyɔŋmɔ! Naa, mileee wiemɔ, ejaakɛ gbekɛ̃ kɛkɛ ji mi.”

Yeremia 20:9

Kɛji mikɛɛ akɛ, “Mitsiŋ Yehowa tã, ni miwieŋ yɛ egbɛi mli dɔŋŋ lɛ,” minuɔ he yɛ mitsuiŋ akɛ nɔ ko miitso tamɔ la ni atsi naa awo miwui amli. La nɛɛ naatsii etɔ mi, ni minyɛɛɛ dɔŋŋ.

Yona 1:3

Shi be ni Yona yi mli lɛ, ewo ehiɛ ema Tarshish gbɛ moŋ. Eyiŋtoo ji akɛ eejo Yehowa tsumɔ lɛ naa foi. Etee Yopa; eyana lɛlɛ ko yɛ jɛi ni miiya Tarshish. No hewɔ lɛ, ewo lɛlɛ lɛ mlitamɔ he nyɔmɔ, kɛkɛ ni ebote mli koni ekɛ lɛlɛ lɛ mli bii lɛ aya Tarshish, koni ejo foi yɛ Yehowa hiɛ.

Yona 1:6

Lɛlɛtsɛ lɛ yana Yona yɛ eshikamɔhe lɛ. Kɛkɛ ni ekɛɛ lɛ akɛ, “Ataa, bo lɛ wɔɔ owɔɔ lo? Tee shi ni osɔle otsɛ nɔ ni ojaa akɛ aleenɔ emusuŋ aaatsɔ̃ lɛ yɛ wɔhe koni ebahere wɔ koni wɔhiɛ akakpãtã lo.”

Mateo 13:41

Gbɔmɔ Bi lɛ aaatsu ebɔfoi lɛ, ni amɛaabua nanetɔ̃tɔ̃mɔnii fɛɛ kɛ mɛi ni tsuɔ nii ni shiɔ mla lɛ anaa kɛaaje emaŋtsɛyeli lɛ mli,

Yohane 6:29

Yesu here nɔ ekɛɛ amɛ akɛ, “Nyɔŋmɔ nitsumɔ lɛ nɛ, akɛ nyɛhe mɔ ni etsu lɛ nɔ nyɛye.”

Kojolɔi 2:1

Agbɛnɛ Yehowa bɔfo jɛ Gilgal kɛba Bokim ni ebakɛɛ Israelbii lɛ akɛ, “Mijie nyɛ kɛjɛ Ijipt ni mikɛ nyɛ ba shikpɔŋ ni mikã nyɛtsɛmɛi lɛ akitã yɛ he lɛ nɔ, ni mikɛɛ: ‘Mikuŋ mikpãŋmɔ ni mi kɛ nyɛ ekpãŋ lɛ mli gbi ko gbi ko,