2 Mose 39:6 - ŊMALƐ KRƆŊKRƆŊ LƐ

⁶ Ni amɛfolɔ oniketɛi, ni amɛkɛhɔlɔ shika gai amli ni amɛkpɛ Israel bihii lɛ agbɛii lɛ amɛwo tɛi lɛ anɔ tamɔ bɔ ni ayeɔ sama awoɔ wolonaasɔomɔ nɔ nɔ lɛ.

Ṅmãle̱ Kroṅkroṅ Le̱

⁶ Ni ame̱fe šohamte̱i ní aṅõ-ho̱lo̱ šika gai amli, ni aṅmlã Israelbii le̱ agbe̱ii ye̱ no̱, tamo̱ aṅmãa nii ye̱ wolonāso̱omo̱nõ no̱ le̱.

2 Mose 39:6 ပူးပေါင်းရင်းမြစ်များ

Hiob 28:16

Ofir shika shɛɛɛ ejara; nakai nɔŋŋ ji ojarawatɛ onike loo safiro.

2 Mose 25:7

Abake oniketɛi ni akɛbaamamɔ osɔfonukpa lɛ tsitsinɔhaa nii lɛ kɛ ehewulamɔ nii lɛ eko ni atsɛɔ lɛ efod lɛ amli lɛ.

2 Mose 28:11

Bɔ ni shikaŋaalɔ yeɔ sama ewoɔ wolonaasɔomɔnii nɔ lɛ, nakai okpɛ Yakob bii lɛ agbɛii lɛ owo tɛi enyɔ lɛ anɔ. Ni osere shika okɛbɔle tɛi lɛ koni amɛmamɔ mli.

2 Mose 28:12

Okɛ tɛi enyɔ nɛɛ amãmɔ efod lɛ he mamai hwĩahwĩabii ni baakã kɔŋ nɔ lɛ anɔ koni akɛkai Yakob bii lɛ. No hewɔ lɛ, be fɛɛ be ni Aaron aaaba Yehowa hiɛ lɛ, Israel akutsei lɛ agbɛii yɛ ekɔji enyɔ lɛ anɔ koni makai amɛ daa.

2 Mose 28:9

“Kɔlɔmɔ oniketɛi enyɔ ni oŋmala Israelbii lɛ agbɛii owo amɛnɔ.

2 Mose 35:9

Akɛ oniketɛi aba abake, nɔ ni akɛbaamɔ osɔfonukpa tsitsinɔhaanii lɛ kɛ ehewulamɔnii lɛ eko ni atsɛɔ lɛ efod lɛ mli.

2 Mose 39:5

Amɛkɛ ŋaa kome too lɛ nɔŋŋ kɛ nibii kome too lɛ nɔŋŋ eko fee efod lɛ mlifiinii lɛ; nibii nɛɛ ji kuŋtu bluu kɛ kuŋtu afaseo kɛ kuŋtu tsuru fɔɔ kɛ klala kpakpa ni alo nii awo mli, tamɔ bɔ ni Yehowa fã Mose lɛ.

Ezekiel 28:13

Ohi Eden, Nyɔŋmɔ abɔɔ lɛ mli. Okɛ tɛ fɛɛ tɛ ni jara wa wula ohe: ojarawatɛi ni ji, rubi kɛ daiamɔnd kɛ topasiɔn kɛ beril kɛ sardio kɛ yaspi kɛ safiro kɛ smaragdo kɛ gaanɛt. Oyɛ fabii kɛ bɛji ni ashwie amɛhe shika. Gbi nɔ ni abɔ bo lɛ, nakai gbi lɛ nɔŋŋ afee amɛ ahã bo.