2 Mose 39:31 - ŊMALƐ KRƆŊKRƆŊ LƐ

³¹ Kɛkɛ ni amɛfĩ kɛkpɛtɛ kuŋtu bluu nɔ, ni akɛta osɔfonukpa fai lɛ hiɛ tamɔ bɔ ni Yehowa fã Mose lɛ.

Ṅmãle̱ Kroṅkroṅ Le̱

³¹ Ni aṅõ-kpe̱te̱ bõṅ blū no̱, koni ahĩ fai le̱ he, take̱ bo̱ni Iehowa fã́ Mose le̱.

2 Mose 39:31 ပူးပေါင်းရင်းမြစ်များ

2 Mose 28:36

“Otswia shika ŋmiiŋmi fɛtɛfɛtɛ, ni oŋma yɛ nɔ, tamɔ nii ni aŋma yɛ wolonaasɔomɔ nɔ nɔ, akɛ, ‘Afee lɛ krɔŋkrɔŋ ahã Yehowa.’

2 Mose 28:4

Ni hewulamɔ nibii ni abaakpɛ lɛ nɛ: tsitsinɔhaanii kɛ efod kɛ atade yuu kɛ flaka ni alo nii awo mli kɛ fai kɛ mliteŋfĩinii. Amɛkpɛ hewulamɔ nibii krɔŋkrɔŋi nɛɛ amɛhã onyɛmi Aaron kɛ ebihii lɛ koni amɛkɛsɔ̃mɔ mi akɛ osɔfoi.

2 Mose 39:30

Amɛkɛ shika ŋmiiŋmi fee nii ni taa osɔfonukpa fai lɛ hiɛ lɛ, ni amɛŋma wiemɔi nɛɛ amɛwo nɔ tamɔ aŋmaa nii yɛ wolonaasɔomɔ nɔ nɔ lɛ akɛ, “Afee lɛ krɔŋkrɔŋ ahã Yehowa.”

2 Mose 39:32

Nɛkɛ ji bɔ ni afee agbe Yehowa Kpee Buu Krɔŋkrɔŋ lɛ he nitsumɔ lɛ fɛɛ naa ahã. Israelbii lɛ fee nɔ fɛɛ nɔ tamɔ bɔ ni Yehowa fã Mose lɛ.

3 Mose 8:4

Mose fee bɔ ni Yehowa fã lɛ lɛ, ni ehã asafo lɛ bua amɛhe naa yɛ Kpee Buu lɛ shinaa lɛ naa.