2 Mose 37:10 - ŊMALƐ KRƆŊKRƆŊ LƐ

¹⁰ Bezaleel kɛ tso lɛ eko kpɛ okplɔ̃ lɛ. Ekɛlɛ ji ninetalɔi enyɔ, elɛɛmɔ ji ninetalɔ kome, ni ekwɔlɛ ji ninetalɔ kome kɛ fã.

Ṅmãle̱ Kroṅkroṅ Le̱

¹⁰ Ni eke̱ yō̱itšo fe okplõ le̱, ninetalo̱i enyo̱ dši eke̱le̱, ni ninetalo̱ kome dši elē̱mo̱, ni ninetalo̱ kome ke̱ fã dši ekwo̱le̱;

2 Mose 37:10 ပူးပေါင်းရင်းမြစ်များ

1 Maŋtsɛmɛi 7:48

Solomon fã, ni afee shika nibii hu awo Yehowa we lɛ. Nibii nɛɛ ji: Shika afɔleshãa latɛ kɛ shika okplɔ̃ ni akɛ hiɛmaa aboloo lɛ mãa nɔ lɛ.

2 Mose 31:8

kɛ okplɔ̃ lɛ kɛ ehe tsɛnsii lɛ, kɛ kanetso ni akɛ shika ŋmiiŋmi fee lɛ kɛ ehenii lɛ fɛɛ, kɛ tsofakɛŋmashãa latɛ lɛ,

2 Mose 35:13

kɛ okplɔ̃ lɛ kɛ ehe tsei lɛ, kɛ ehe nibii krokomɛi lɛ fɛɛ, kɛ aboloo ni akɛmaa Nyɔŋmɔ hiɛ lɛ,

2 Mose 37:11

Eshwie he shika ŋmiiŋmi, ni ekɛ shika baŋ naa fɛɛ kpula kɛkpe.

2 Mose 37:9

Kerubim lɛ egbɛ amɛfiji amli kɛtee ŋwɛi, ni amɛkɛha naanɔ lɛ nɔ, ni kerub kome miikwɛ ekome hiɛ, asaŋ amɛmamɔ amɛhiɛ shi kɛmiikwɛ naanɔ lɛ.

2 Mose 40:4

Okɛ okplɔ̃ lɛ aya Buu lɛ mli, ni oto nibii ni sa akɛ amãmɔ nɔ lɛ pɛpɛɛpɛ omamɔ nɔ, ni okɛ kanetso lɛ aya mli, ni okɛ ehe kanei lɛ amãmɔ nɔ.

Maleaki 1:12

Shi nyɛ lɛ nyɛbuleɔ mifɔleshãa latɛ lɛ kɛji nyɛkɛɛ akɛ abule Yehowa afɔleshãa latɛ lɛ momo, ni no hewɔ ni nyɛkɛ niyenii ni nyɛnyaŋeɔ baa bashãa afɔle yɛ nɔ lɛ.

Yohane 1:14

Ni Wiemɔ lɛ tsɔ̃ gbɔmɔ adesa, ni ebahi shi yɛ wɔteŋ, ni wɔna enunyam lɛ akɛ Tsɛ lɛ Bi koome lɛ anunyam, ni dromɔ kɛ anɔkwale eyi lɛ obɔ̃.

Yohane 1:16

Ejaakɛ ebɔ̃yimɔ lɛ mli jɛ ni wɔ fɛɛ wɔna dromɔ wɔshi dromɔ nɔ.

Kolosebii 1:27

Ni Nyɔŋmɔ sumɔ akɛ ahã amɛle nɔ ni ji nɛkɛ teemɔ sane nɛɛ anunyam falɛ lɛ yɛ jeŋmaji lɛ ateŋ. Teemɔ sane nɛɛ ji akɛ Kristo yɛ nyɛmli koni nyɛna anunyam lɛ hiɛnɔkãmɔ lɛ.