2 Mose 33:4 - ŊMALƐ KRƆŊKRƆŊ LƐ

⁴ Be ni Israelbii lɛ nu nɛkɛ sane fɔŋ nɛɛ lɛ amɛye ŋkɔmɔ, ni no hewɔ lɛ, mɔ fɛɛ mɔ fɔ̃ɔ jwinewoo.

Ṅmãle̱ Kroṅkroṅ Le̱

⁴ Ni beni maṅ le̱ nu ne̱ke̱ sane fõṅ ne̱, ame̱ye ṅko̱mo̱, ni mokomoko woo ehewulamo̱nii.

2 Mose 33:4 ပူးပေါင်းရင်းမြစ်များ

2 Samuel 19:24

Mefiboshet, Saul nabi lɛ hu ba ebakpee maŋtsɛ lɛ. Kɛjɛ be ni maŋtsɛ lɛ shi Yerusalɛm lɛ, Mefiboshet fɔko enaji ahe dã lɛ, eshɛko etsɛŋ lɛ, etadei hu efɔko he dã, kɛjɛ gbi nɔ ni maŋtsɛ lɛ yiŋ etee kɛbashi gbi nɔ ni maŋtsɛ lɛ ku esɛɛ eba shweshweeshwe lɛ.

1 Maŋtsɛmɛi 21:27

Be ni Ahab nu wiemɔi nɛɛ lɛ, egbala etadei lɛ yɛ ehe, ni ekɔ kpekpe ebu, ni ehi ŋmãa, ni ebuɔ kpekpe lɛ tete kɛwɔɔ, ni eyaa ni ebaa ni efee gblinii.

2 Maŋtsɛmɛi 19:1

Eba mli akɛ be ni Maŋtsɛ Hezekia nu wiemɔi nɛɛ lɛ ekɛ dɔlɛ gbala etadei yɛ ehe, ni ekɔ kpekpe ebu, ni eyiŋ etee Yehowa we lɛ.

Ezra 9:3

Be ni minu nɛkɛ sane nɛɛ, migbala mihe atade kɛ mihebo, ni mifãmɔ miyiteŋ tsɔi kɛ mitsɛŋ; ni mihe jɔ̃ mihe kɛta shi.

Hiob 1:20

Kɛkɛ ni Hiob te shi, ni ekɛ awerɛho gbala ehe atade lɛ, eshɛ eyi, ni eho ebu shikpɔŋ, ni esɔle.

Hiob 2:12

Nanemɛi nɛɛ na Hiob yɛ shɔŋŋ, shi amɛyooo lɛ. Shi be ni amɛyoo Hiob lɛ, amɛfo waa; amɛteŋ mɔ fɛɛ mɔ kɛ dɔlɛ gbala ehe atade, ni amɛloo mlu amɛwo amɛyiteiaŋ.

2 Mose 33:6

No hewɔ ni Israelbii lɛ jie amɛhe jwinei fɛɛ, ni amɛkpa woo kɛjɛ be ni amɛshi Horeb, ni ji Sinai Gɔŋ lɛ he lɛ.

Yesaia 32:11

Nyɛ yei ni nyɛhe ejɔ nyɛ, nyɛhe akpokpoa! Nyɛ mɛi ni nyɛyitsei kãmɔ nyɛyisɛɛ, nyɛhe akpokpoa! Nyɛkpɔlɔa nyɛtadei koni nyɛnyiɛ yayai koni nyɛkɔlɔa kpekpe nyɛŋmɔlɔ nyɛhɛ.

Ezekiel 24:17

Fo yɛ osɛŋ, kaahã oyaafo je kpo ni anu yɛ onaabu. Kaafee yara ko. Okɛ obɔnduku lɛ afi oyitso, ni owo otokotai lɛ; okɛ mama ko akabala onaabu, ni kaaye yara nɔ niyenii hu.”

Ezekiel 24:23

Nyɛbaafimɔ nyɛbɔnduku lɛ, ni nyɛtokotai lɛ aahi nyɛnaji, nyɛwoŋ yara, asaŋ nyɛfoŋ, shi moŋ yɛ nyɛnishaianii ahewɔ lɛ, nyɛaatãrã loo, ni nyɛaakɛ̃mɔ nyɛtsɔ̃ɔ nyɛhe.

Ezekiel 26:16

Kɛkɛ lɛ ŋshɔhiɛ lumɛi fɛɛ aaajɛ amɛsɛ̃ii anɔ akpeleke shi, amɛaajie amɛtadei lɛ, amɛaakpɔlɔ amɛheboi wuji ni alo nii awo mli lɛ, amɛaabu hekpokpomɔ tamɔ abuɔ mama, amɛaashwata shikpɔŋ ni amɛhe baakpokpo blibli; be fɛɛ be lɛ amɛhe baajɔ̃ amɛhe yɛ ohewɔ.

Hosea 7:14

Amɛfooo amɛtsɛɛɛ mi kɛjɛɛɛ amɛtsuiiaŋ; shi moŋ amɛsai anɔ amɛfoɔ waa yɛ. Kɛji amɛmiisɔle yɛ abele kɛ wain he lɛ, amɛkɛ kakla folɔɔ amɛhe tamɔ wɔŋjalɔi lɛ feɔ lɛ. Gbɔmɛi nɛɛ etse mihiɛ atua.

3 Mose 10:6

Mose kɛɛ Aaron kɛ ebihii ni ji Eleazar kɛ Itamar akɛ, “Nyɛkahãa nyɛyiteŋ fea tsaŋtsaŋ aloo nyɛgbalaa nyɛtadei kɛtsɔ̃ɔ akɛ nyɛmiiye ŋkɔmɔ. Kɛ nyɛfee nakai lɛ, nyɛbaagboi, ni Yehowa mli baawo maŋ muu lɛ fɛɛ la. Nyɛhãa nyɛwekumɛi, Israel maŋ muu lɛ fɛɛ, afoa shãa ni Yehowa ehã la eshã nyɛnyɛmimɛi lɛ ni amɛgboi nɛɛ.

Yona 3:6

Be ni Nineve maŋtsɛ lɛ nu wiemɔ lɛ, ete shi yɛ emaŋtsɛ sɛi lɛ nɔ, ni ejie etade fɛɛfɛo ni ewo lɛ yɛ ehe efɔ̃ shi, ni ekɔ kpekpe ebu, ni eho eta lamlu mli.

Zakaria 7:3

Asaŋ koni amɛbi osɔfoi lɛ kɛ gbalɔi lɛ akɛ, “Ani wɔfo ni wɔhi ŋmãa yɛ nyɔŋ ni ji enumɔ lɛ hu nɔ tamɔ wɔfeɔ yɛ afii babaoo ni eho lɛ amli lɛ lo?”

Zakaria 7:5

“Bi shikpɔŋ muu lɛ nɔ bii lɛ kɛ osɔfoi lɛ akɛ, be ni nyɛhi ŋmãa ni nyɛye ŋkɔmɔ yɛ nyɔŋ ni ji enumɔ lɛ nɔ kɛ nyɔŋ ni ji kpawo lɛ hu nɔ, yɛ afi nyɔŋmai kpawo nɛɛ mli lɛ, ani mi, Yehowa nyɛhi ŋmãa lɛ nyɛhã lo?

4 Mose 14:1

Nakai gbi lɛ Israel asafo muu lɛ bolɔ, ni maŋ lɛ fo nakai nyɔɔŋ lɛ mli fɛɛ,

4 Mose 14:39

Be ni Mose jaje wiemɔi ni Yehowa kɛ lɛ wie lɛ etsɔ̃ɔ maŋ lɛ, Israelbii lɛ ye ŋkɔmɔ babaoo.

1 Samuel 6:19

Yehowa gbe Bet-Shemeshbii lɛ ateŋ mɛi nyɔŋmai kpawo komɛi, ejaakɛ amɛkɛ amɛhiŋmɛii yakwɛ Kpãŋmɔ Adeka lɛ mli. Enɛ hã maŋtso muu lɛ fɛɛ ye awerɛho ejaakɛ Yehowa eplenee mɛi babaoo.