2 Mose 32:9 - ŊMALƐ KRƆŊKRƆŊ LƐ

⁹ Yehowa tee nɔ, ni ekɛɛ Mose akɛ, “Mina nɛkɛ maŋ nɛɛ akɛ maŋ ko ni kuɛŋ ti.

Ṅmãle̱ Kroṅkroṅ Le̱

⁹ Ni Iehowa kē̱ Mose ake̱: Mina ne̱ke̱ maṅ ne̱, ni na, maṅ ní kue̱ṅ ti dšiame̱;

2 Mose 32:9 ပူးပေါင်းရင်းမြစ်များ

2 Maŋtsɛmɛi 17:14

Shi kɛ̃lɛ amɛbooo toi; amɛfee amɛhe kuɛŋtilɔi tamɔ amɛtsɛmɛi ni heee Yehowa amɛNyɔŋmɔ lɛ amɛyeee lɛ.

2 Kronika 30:8

Nyɛkafea nyɛhe kuɛŋtilɔi tamɔ nyɛtsɛmɛi lɛ; shi moŋ nyɛbaa nyɛhe shi nyɛhãa Yehowa. Nyɛbaa Sɔlemɔ we lɛ yɛ Yerusalɛm; etsuu he eto kɛmiiya naanɔ koni nyɛbaja Yehowa, nyɛNyɔŋmɔ lɛ, yɛ jɛi koni Yehowa mli ni efu nyɛ lɛ sɛɛ afo.

Nehemia 9:16

Shi amɛ kɛ wɔtsɛmɛi lɛ wo amɛhe; amɛfee amɛhe kuɛŋtilɔi, ni amɛyeee okitãi lɛ anɔ.

Nehemia 9:17

Amɛbooo bo toi, ni asaŋ amɛkaiii onaakpɛɛnii ni ofee yɛ amɛteŋ lɛ; shi moŋ amɛfee amɛhe kuɛŋtilɔi. Amɛtse atua, ni amɛto asafoiatsɛ ni ekɛ amɛ aku sɛɛ kɛya nyɔŋyeli mli ekoŋŋ yɛ Ijipt. Shi bo lɛ oji Nyɔŋmɔ ni kɛ eshai faa, durolɔ kɛ musuŋtsɔlɔ ni toɔ etsui shi ni emɔbɔnalɛ fa, hewɔ lɛ oshiii amɛ.

Lalai 78:8

koni amɛkatamɔ amɛtsɛmɛi kaniŋkajelɔi kɛ yinɔbii atuatselɔi lɛ, yinɔbii ni amɛhemɔkɛyeli yɛ Nyɔŋmɔ mli fiii shi kpɛŋŋ, ni amɛyeee Nyɔŋmɔ anɔkwa yɛ mumɔŋ lɛ.

2 Mose 33:3

Nyɛmiiya shikpɔŋ ni yɔɔ frɔ̃frɔ̃ ni baa nii nɔ, shi mikɛ nyɛ enyiɛŋ kɛyaŋ, ejaakɛ maŋ ni kuɛŋ ti ji nyɛ, koni moŋ mikayaplene nyɛ yɛ gbɛ lɛ nɔ.”

2 Mose 33:5

Ejaakɛ Yehowa kɛɛ Mose akɛ, “Kɛɛmɔ Israelbii lɛ akɛ, ‘Maŋ ni kuɛŋ ti ji nyɛ, ni kɛji mibaye hiŋmɛitswaa kome kɛkɛ yɛ nyɛteŋ lɛ mibaplene nyɛ. No hewɔ lɛ, nyɛkpɔlɔa jwinei lɛ yɛ nyɛhe koni makwɛ nɔ ni mafee yɛ nyɛhe.’ ”

2 Mose 34:9

ni ekɛɛ, “Nuŋtsɔ, agbɛnɛ kɛji ona mihe miishɛɛ lɛ, miikpa bo fai akɛ Nuŋtsɔ ahi wɔteŋ kɛya, tsɛbelɛ gbɔmɛi ni kuɛŋ ti ji maŋ nɛɛ. Okɛ wɔtɔ̃mɔi kɛ wɔhe esha afa wɔ koni okɛ wɔ afee onɔ.”

Abe̱i 29:1

Mɔ ni afɔɔ lɛ kãmɔ, shi loloolo lɛ ekuɛŋ ti lɛ, trukaa ni aaakumɔ lɛ bɔ ni anaŋ ehe tsabaa.

Yesaia 48:4

Akɛni mile akɛ ofeɔ ntɛŋ, ni okuɛŋ ti tamɔ dade, ni ohiɛŋtso wa keketee tamɔ akɔɔble hewɔ lɛ,

Yeremia 13:27

Mina nii ni mihiɔ ni ofeɔ lɛ, kɛ misɛɛ ni ojeɔ ni oyajaa nyɔŋmɔi krokomɛi lɛ, kɛ onyɛnyɛŋtswi ni obɔɔ lɛ, kɛ ajwamãŋ ni obɔɔ nyaŋemɔnyaŋemɔ yɛ ŋa nɔ gɔ̃ŋkpɔi lɛ anɔ lɛ. Kpoo hã bo, bo Yerusalɛm! Mɛɛbe abaakã he atsuu ohe kɛyashi?”

Hosea 6:10

Mina gbeyei nii ko yɛ Israel: Efraim kɛ amãgãjamɔ miibɔ ajwamãŋ yɛ jɛi; abule Israel.

4 Mose 14:11

Yehowa kɛɛ Mose akɛ, “Mɛɛ beyinɔ nɔŋŋ maŋ nɛɛ aaakwa mi kɛyashi? Mɛni shwɛɔ dɔŋŋ dani amɛaahe minɔ amɛye yɛ nibii fɛɛ ni mifee mikɛto amɛ okadii lɛ asɛɛ?

Bɔfoi 7:51

“Nyɛ kuɛŋtilɔi kɛ tsuiiaŋ kɛ toiiaŋ foolɔi! Nyɛ lɛ, daa nɛɛ nyɛkuɔ Mumɔ Krɔŋkrɔŋ lɛ naa; bɔ ni nyɛtsɛmɛi lɛ fee lɛ, nakai nyɛ hu nyɛfeɔ.

5 Mose 10:16

No hewɔ lɛ, nyɛtsakea nyɛtsui ni nyɛkpliŋ lɛ, ni nyɛkafea nyɛhe kuɛŋtilɔi dɔŋŋ.

5 Mose 31:27

Mile bɔ ni nyɛtseɔ atua kɛ bɔ ni nyɛkuɛŋ ti hã hu. Nyɛmiitse Yehowa hiɛ atua amrɔ nɛɛ po ni mihiɛ kã ni mi kɛ nyɛ yɔɔ nɛɛ, shi migbele sɛɛ lɛ te aaatamɔ tɛŋŋ mɔ?

5 Mose 9:13

“Yehowa kɛɛ hu akɛ, ‘Mikwɛ nɛkɛ gbɔmɛi nɛɛ aahu, ni mina akɛ amɛkuɛŋ ti.

5 Mose 9:6

No hewɔ lɛ, nyɛnaa nyɛlea akɛ jeee nyɛjalɛ hewɔ ni Yehowa, nyɛNyɔŋmɔ lɛ, kɛ nɛkɛ shikpɔŋ kpakpa nɛɛ hãa nyɛ koni nyɛŋɔ lɛ, ejaakɛ nyɛ tuuŋtu lɛ maŋ ni kuɛŋ ti ji nyɛ.