2 Mose 32:5 - ŊMALƐ KRƆŊKRƆŊ LƐ

⁵ Be ni Aaron na enɛ lɛ, ema afɔleshãa latɛ yɛ tsina lɛ hiɛ; kɛkɛ ni eshiɛ, ni ekɛɛ maŋbii lɛ akɛ, “Wɔ lɛ, aye gbijurɔ ahã Yehowa.”

Ṅmãle̱ Kroṅkroṅ Le̱

⁵ Ni beni Aaron na le̱, emã afo̱lešãlate̱ ye̱ ehĩe; ni Aaron šie̱ ni ekē̱: Wó̱ le̱ aye gbïdšŭro ahã Iehowa.

2 Mose 32:5 ပူးပေါင်းရင်းမြစ်များ

1 Maŋtsɛmɛi 21:9

Eŋma yɛ woji lɛ amli akɛ, “Nyɛshiɛa akɛ ahĩ ŋmãa; no sɛɛ lɛ nyɛtsɛa maŋbii lɛ kpee, ni nyɛhãa Nabot ataa kpee lɛ yitso;

2 Maŋtsɛmɛi 10:20

Kɛkɛ ni Yehu kɛɛ akɛ, “Nyɛtoa gbi jurɔ wulu ko ni akɛja Baal.” No hewɔ lɛ, ato gbi lɛ.

2 Maŋtsɛmɛi 16:11

Ni Osɔfo Uria ma afɔleshãa latɛ lɛ ni akɛmaje lɛ lɛ henɔ pɛpɛɛpɛ; ema egbe naa dani Maŋtsɛ Ahaz jɛ Damasko eba.

2 Kronika 30:5

No hewɔ lɛ, amɛma sane lɛ nɔ mi akɛ ashiɛ ahã Israelbii fɛɛ kɛjɛ Beersheba, yɛ wuoyigbɛ, aahu kɛyashwie Dan, yɛ kooyigbɛ, akɛ mɔ fɛɛ mɔ aba koni abaye Yehowa, Israel Nyɔŋmɔ lɛ, Hehoo Gbijurɔ lɛ yɛ Yerusalɛm ekɛwo Yehowa hiɛ nyam, ejaakɛ nakai be mli lɛ mɛi babaoo baaa gbijurɔ lɛ yeli dɔŋŋ tamɔ bɔ ni aŋma lɛ.

2 Mose 10:9

Mose jie naa ekɛɛ, “Wɔbii bibii lɛ ni jio, wɔnukpai lɛ ni jio, wɔbihii jio, wɔbiyei jio, wɔtoi kɛ wɔtsinai jio wɔkɛ fɛɛ baaya ejaakɛ wɔyaaye gbi jurɔ wɔhã Yehowa.”

2 Mose 12:14

Nɛkɛ gbi nɛɛ atsɔ̃ kaimɔ gbi ahã nyɛ, ni nyɛye lɛ akɛ Yehowa gbi jurɔ, ni etsɔ̃ akpɔ ehã nyɛ kɛ nyɛshwiei kɛya naanɔ.”

2 Mose 17:15

Ni Mose ma afɔleshãa latɛ yɛ jɛi, ni ewo lɛ gbɛi akɛ “Yehowa ji miflaŋaa”,

2 Mose 32:4

Aaron he toiiaŋnii lɛ yɛ amɛdɛ̃, ni esere fɛɛ, ni ekɛ ŋaayeli dade tsu he nii, ni eshwie lɛ tsina. Kɛkɛ ni maŋbii lɛ kɛɛ, “Israel, naa wɔnyɔŋmɔ ni jie wɔ kɛjɛ Ijipt shikpɔŋ lɛ nɔ lɛ ei!”

2 Mose 32:6

Enɔ jetsɛremɔ lɛ maŋbii lɛ te shi maŋkɛ mra, ni amɛshãshãa shãa afɔlei, ni amɛkɛ niyenii afɔlei hu ba, ni maŋ lɛ ho tara shi, ni amɛye nii, ni amɛnu nii hu, ni no sɛɛ lɛ amɛte shi amɛshwɛ.

Hosea 8:11

“Israelbii mamɔɔ afɔleshãa latɛi koni amɛkɛdãi esha ni amɛfee lɛ, shi afɔleshãa latɛi lɛ moŋ etsɔ̃ eshafeemɔ nɔ.

Hosea 8:14

“Ejaakɛ Israel hiɛ kpa ebɔlɔ lɛ nɔ, ni emamɔ mɔji moŋ ehã ehe; ni Yuda hu tswa gbogbo ewo emaji pii ahe. Shi mawo amɛmaji lɛ amli la ni mashã amɛmɔji lɛ.”

3 Mose 23:2

“Kɛɛmɔ Israelbii lɛ akɛ gbii juji ni, mi, Yehowa, mito akɛ akpe kpee krɔŋkrɔŋ kɛja yɛ amɛnɔ lɛ nɛ.

3 Mose 23:21

Ashiɛ koni nakai gbi lɛ nɔ nɔŋŋ lɛ nyɛkpe kpee krɔŋkrɔŋ kɛja, ni akatsu nitsumɔ ko nitsumɔ ko ni wa yɛ gbi nɛɛ nɔ. Naanɔ akpɔ nɛ hã nyɛyinɔi fɛɛ yɛ he fɛɛ he ni amɛyɔɔ.

3 Mose 23:37

“Enɛɛmɛi ji gbii juji ni Yehowa eto lɛ; ni kɛji eko shɛ lɛ nyɛshiɛa koni maŋ lɛ akpe kpei krɔŋkrɔŋi kɛja, asaŋ koni ashã niyenii afɔlei kɛ shãa afɔlei kɛ ŋmãa afɔlei kɛ dãa afɔlei akɛhã Yehowa, eko fɛɛ eko yɛ egbi nɔ.

3 Mose 23:4

Yehowa gbii juji ni akpe kpee krɔŋkrɔŋ lɛ yɛ amɛnɔ kɛja lɛ nɛ. Nyɛshiɛa eko fɛɛ eko kɛji ebe ni ato lɛ shɛ lɛ.”

1 Korintobii 5:8

No hewɔ lɛ, nyɛhãa wɔyea Hehoo Gbijurɔ lɛ, jeee kɛ masha momo, ni asaŋ jeee kɛ efɔŋ loo nɔshafeemɔ masha, shi moŋ kɛ anɔkwale akpiti ŋmiiŋmi.

1 Samuel 14:35

Ni Saul mã afɔleshãa latɛ yɛ jɛi ehã Yehowa. No ji klɛŋklɛŋ afɔleshãa latɛ ni Saul mã ehã Yehowa.