2 Mose 32:30 - ŊMALƐ KRƆŊKRƆŊ LƐ

³⁰ Enɔ jetsɛremɔ leebi lɛ Mose kɛɛ maŋbii lɛ akɛ, “Nyɛfee esha kpeteŋkple. No hewɔ lɛ, makwɔ gɔŋ lɛ kɛya Yehowa ŋɔɔ. Eko lɛ eeebo mifaikpamɔ toi, ni eeeŋɔ nyɛhe esha lɛ efa nyɛ.”

Ṅmãle̱ Kroṅkroṅ Le̱

³⁰ Ni dšetše̱reno̱ lebi le̱ eba mli ake̱ Mose kē̱ maṅ le̱ ake̱: Nyefe eša kpeteṅkple; ši agbe̱ne̱ makwe̱ ke̱-ya Iehowa ṅõ; ekole̱ makpãtã ye̱ nyehe eša le̱ hewo.

2 Mose 32:30 ပူးပေါင်းရင်းမြစ်များ

2 Samuel 12:9

Mɛni hewɔ mɔ ni oku, mi Yehowa, migbee nɔ, ni ofee efɔŋ nɛɛ? Ogbe Uria, Hitnyo lɛ. Ohã Amonbii lɛ gbe lɛ, kɛkɛ ni oŋɔ eŋa lɛ ofee oŋa.

2 Samuel 16:12

Eko lɛ Yehowa aaana mi mɔbɔ yɛ mimanehulu nɛɛ hewɔ, ni ekɛ nɔ kpakpa moŋ aaato mi loomɔ ni elomɔɔ mi ŋmɛnɛ nɛɛ najiaŋ.”

2 Maŋtsɛmɛi 17:21

Be ni Yehowa tse Israel kɛjɛ Yuda he lɛ, Israelbii lɛ wo Yeroboam, Nebat bi lɛ, amɛmaŋtsɛ. Yeroboam hã Israel je Yehowa sɛɛ, ni ehã amɛfee esha kpeteŋkple.

Lalai 99:6

Mose kɛ Aaron fata osɔfoi lɛ ahe; ni Samuel hu shi mɛi ni ja Yehowa lɛ anɔ. Amɛbo amɛtsɛ Yehowa, ni ehere amɛ nɔ.

2 Mose 32:29

Kɛkɛ ni Mose kɛɛ Levibii lɛ akɛ, “Nyɛjɔɔ nyɛhe nɔ ŋmɛnɛ nyɛhã Yehowa sɔ̃ɔmɔ, ejaakɛ akɛni nyɛteŋ mɔ fɛɛ mɔ te shi ewo lɛ diɛŋtsɛ ebi kɛ lɛ diɛŋtsɛ enyɛmi lɛ, Yehowa ejɔɔ nyɛ ŋmɛnɛ.”

Yona 3:9

akɛ aleenɔ Yehowa hu aaatsake eyiŋ ni eto lɛ, ni eeeŋmɛɛ emli ni efu waa lɛ he, ni no aaahã wɔhiɛ akakpãtã lo!’ ”

4 Mose 16:47

Aaron fee bɔ ni Mose kɛɛ lɛ lɛ. Ekɔ elajee tsɛnsi lɛ, ni ekɛjo foi kɛtee maŋbii lɛ ateŋ. Eyanina ni gbele hela lɛ ebɔ̃i mɛi ahiɛkpãtãmɔ momo. Eshã tsofakɛŋma lɛ, ni ekɛkpãtã ehã maŋbii lɛ.

4 Mose 25:13

ni mijɔɔ osɔfoyeli lɛ nɔ mihã lɛ kɛ eshwiei kɛmiiya naanɔ, ejaakɛ eye awuŋã yɛ mi, mihewɔ, ni ehã akɛ tɔ̃mɔ ni maŋ lɛ tɔ̃ lɛ efa amɛ.’ ”

Luka 15:18

Mate shi matee mitsɛ ŋɔɔ ni mayakɛɛ lɛ akɛ, “Ataa, mifee Nyɔŋmɔ shishi esha ni mifee esha mishi bo,

Luka 7:47

No hewɔ lɛ, miikɛɛ bo akɛ, ehe eshai ni fa lɛ, akɛfa lɛ, ni no hewɔ esuɔmɔ fa babaoo lɛ; shi mɔ ni akɛ fioo efa lɛ lɛ, esuɔmɔ fioo.”

Romabii 9:3

Ejaakɛ mina ni kulɛ ajie mi yɛ Kristo he akɛ musumɔ yɛ minyɛmimɛi ni ji miwekumɛi yɛ heloo gbɛfaŋ lɛ ahewɔ.

Galatabii 3:13

Kristo kpɔ̃ wɔ kɛjɛ Mla lɛ loomɔ lɛ mli, akɛni etsɔ̃ loomɔ ehã wɔ lɛ, ejaakɛ aŋma akɛ, “Alomɔ mɔ fɛɛ mɔ ni tsotsoro tso nɔ lɛ;”

2 Timoteo 2:25

mɔ ni kɛ mlijɔlɛ wieɔ tsɔ̃ɔ mɛi ni kuɔ enaa, akɛ aleenɔ Nyɔŋmɔ ahã amɛ tsuitsakemɔ ni amɛle anɔkwale lɛ.

Yakobo 5:16

No hewɔ lɛ, nyɛjajea nyɛnɔtɔ̃mɔi lɛ nyɛtsɔ̃ɔtsɔ̃a nyɛhe, ni nyɛsɔlea nyɛhãa nyɛhe ni nyɛhe atã. Jalɔ sɔlemɔ ni mli wa lɛ nyɛɔ nii babaoo etsuɔ.

1 Samuel 12:17

Ani jeee ŋmãakuu be mli ji ŋmɛnɛ? Ojogbaŋŋ! Mibasɔle matsɛ Yehowa koni ehã ŋwɛi ashimɔ, ni nu hu anɛ koni nyɛkɛna nyɛle akɛ nɔ fɔŋ ni nyɛfee nyɛshi Yehowa kɛ maŋtsɛ ni nyɛbi akɛ ahã nyɛ lɛ, eda naakpa.”

1 Samuel 12:19

Maŋ muu lɛ fɛɛ kpa Samuel fai amɛkɛɛ, “Ofainɛ, kpa Yehowa, oNyɔŋmɔ lɛ, fai ohã wɔ otsuji koni wɔkagboi, ejaakɛ eshai fɛɛ ni wɔfee sa lɛ wɔfee eko hu wɔfata he akɛ wɔbi akɛ ahã wɔ maŋtsɛ lɛ.”

1 Samuel 12:20

Shi Samuel kɛɛ maŋ lɛ akɛ, “Nyɛkashea gbeyei; nyɛna nyɛfee nɛkɛ nɔ fɔŋ nɛɛ moŋ, shi kɛ̃lɛ nyɛkakpalea kɛjea Yehowa sɛɛ, shi moŋ nyɛsɔmɔa lɛ kɛ nyɛtsui fɛɛ.

1 Samuel 12:23

Mi hu enɛ akagbale mi fɔ̃ŋfɔ akɛ makpa sɔlemɔ kɛ nyɛ hãmɔ ni mikɛfee esha mishi Yehowa. Shi moŋ mibatsɔ̃ɔ nyɛ nɔ ni hi kɛ nɔ ni ja ni sa akɛ nyɛfee.

1 Samuel 2:17

No hewɔ lɛ, Eli bihii lɛ anɔsha lɛ da yɛ Yehowa hiɛ, ejaakɛ amɛhiɛ eyasɔɔɔ nii ni akɛshãa afɔle ahãa Yehowa lɛ.