2 Mose 32:20 - ŊMALƐ KRƆŊKRƆŊ LƐ

²⁰ Kɛkɛ ni Mose wo tsina lɛ ni maŋbii lɛ efee lɛ, ni ekɛwo la mli ni eshã, ni egbɛlɛ lɛ mlumlu, ni ekɛshwã nu hiɛ, ni ehã Israelbii lɛ nu.

Ṅmãle̱ Kroṅkroṅ Le̱

²⁰ Ni ewó tšinabi le̱ ní ame̱fe le̱, ni ešã ye̱ la mli, ni egble̱le̱ mlumlu, ni eṅõ-ſã nu hĩe, ni ehã Israelbii le̱ nu.

2 Mose 32:20 ပူးပေါင်းရင်းမြစ်များ

1 Maŋtsɛmɛi 15:13

Asa kpa enyɛ Maaka tete maŋnyɛyeli; ejaakɛ enyɛ nɛɛ fee Ashera amãgã ko ni eji nihii nii. Asa folɔ tso amãgã lɛ mli, ni eyashã yɛ Kidron jɔɔ lɛ mli.

2 Maŋtsɛmɛi 23:15

Asaŋ afɔleshãa latɛ ni yɔɔ Betel jamɔhe grɔŋŋ lɛ ni Nebat bi Yeroboam ni hã Israel fee esha lɛ fee lɛ, nakai afɔleshãa latɛ lɛ kɛ jamɔhei grɔŋŋi lɛ fɛɛ lɛ Yosia kumɔ shwie shi. Eshã jamɔhe grɔŋŋ lɛ, ni eshimɔ lɛ mɔnyɔmɔnyɔ, ni eshã Ashera amãgã lɛ hu.

2 Maŋtsɛmɛi 23:6

Maŋtsɛ lɛ jie Ashera amãgã lɛ yɛ Yehowa we lɛ kɛtee Yerusalɛm maŋ lɛ sɛɛ yɛ Kidron jɔɔ lɛŋ, ni eyashã, ni eshimɔ lɛ mɔnyɔmɔnyɔ, ni eloo ni ekɛyashwã maŋbii asaŋi lɛ anɔ.

2 Kronika 34:4

Ehã akumɔkumɔɔ Baal jemawɔŋ lɛ afɔleshãa latɛi lɛ yɛ lɛ diɛŋtsɛ ehiɛ; ni amɛyiteŋgbɛ tsofakɛŋmashãa latɛi ni amãmɔ yɛ jɛi lɛ hu, ehã akumɔ fɛɛ. Ehã akumɔ ni ashimɔ Asherim jemawɔŋ lɛ amãgã lɛ kɛ amãgãi krokomɛi lɛ hu fɛɛ mɔnyɔmɔnyɔ, ni akɛshwã mɛi ni be ni amɛyɔɔ wala mli lɛ amɛshã afɔle amɛkɛhã amãgãi nɛɛ asaŋi anɔ.

2 Mose 32:21

Ni Mose bi Aaron akɛ, “Mɛni po maŋbii nɛɛ fee bo hewɔ ni ohã amɛfee esha kpele nɛkɛ?”

Abe̱i 1:31

hewɔ lɛ, nɔ ni amɛdu lɛ, no yibii amɛaakpa, ni ŋaa ni amɛtotoo lɛ he sɛɛ amɛaana.

Abe̱i 14:14

Mɔ fɔŋ lɛ eeena ejeŋba he nyɔmɔwoo; ni mɔ kpakpa lɛ, eeena enifeemɔnii kpakpa he nyɔmɔwoo.

5 Mose 7:25

Nyɛmamɔa amɛnyɔŋmɔi ni ji amãgãi lɛ anaa la nyɛshãa. Nyɛhiɛ akakɔ̃a jwiɛtɛi loo shika ni yɔɔ nibii nɛɛ ahe lɛ anɔ ni nyɛŋɔ eko nyɛhã nyɛhe, koni no akafee kaa miihã nyɛ, ejaakɛ musu nii ni hã Yehowa, nyɛNyɔŋmɔ lɛ.

5 Mose 7:5

Bɔ ni nyɛkɛ amɛ aye ahã moŋ nɛ: amɛfɔleshãa latɛi lɛ nyɛkumɔa, ni amɛshiui ni amɛmamɔ lɛ nyɛjwaraa, ni amɛwɔŋkoi lɛ nyɛgbaa nyɛshwiea shi, ni amɛmãgãi lɛ nyɛmamɔa amɛnaa la nyɛshãa.

5 Mose 9:21

Kɛkɛ ni miwo tsina amãgã ni nyɛshwie lɛ, nɔ ni nyɛkɛtɔ̃ Yehowa nɔ lɛ, ni mishã, ni fee sɛɛ lɛ mishimɔ, ni miwiɛ lɛ kɛyashi efee munyɔmunyɔ tamɔ mlu, ni mitsi mlu nɛɛ mishwie faa ni jɛɔ gɔŋ lɛ nɔ hoɔ lɛ mli.