2 Mose 32:12 - ŊMALƐ KRƆŊKRƆŊ LƐ

¹² Mɛɛ hewɔ hu ni ooohã Ijiptbii ana hegbɛ amɛwie akɛ, ‘Moaŋ yiŋ fɔŋ ni eto hewɔ eyajie amɛ kɛtee lɛ, koni eyagbe amɛ yɛ gɔji lɛ anɔ ni eplenee amɛ yɛ shikpɔŋ lɛ nɔ.’ Na tsui ohã amɛ, ni efɔŋ ni oto oyiŋ akɛ obaafee amɛ lɛ, okɛfa amɛ.

Ṅmãle̱ Kroṅkroṅ Le̱

¹² Mẽhewo̱ hũ ni Mizraimbii le̱ aawie ake̱: Efõṅ hewo̱ eyadšieame̱, ni eyagbeame̱ ye̱ gõdši le̱ ano̱, ni eplenēame̱ ke̱-dše̱ šikpoṅ le̱ hĩe muaṅ? Dšiemo̱ omlila le̱ ye̱ omli, ni ohã efõṅ ní kũle̱ obafe omaṅ ne̱ ado̱o.

2 Mose 32:12 ပူးပေါင်းရင်းမြစ်များ

1 Mose 6:6

edɔ lɛ naakpa akɛ ebɔ gbɔmɔ yɛ shikpɔŋ lɛ nɔ. Ni Yehowa shwa ehe.

1 Maŋtsɛmɛi 8:51

Ejaakɛ omaŋ kɛ onii ni ojie amɛ kɛjɛ Ijipt shikpɔŋ lɛ nɔ, kɛjɛ dade flɔnɔɔ mli, ji amɛ.

Ezra 10:14

No hewɔ lɛ, hã wɔlumɛi lɛ aye asafo muu lɛ fɛɛ najiaŋ ni mɛi fɛɛ ni yɔɔ wɔmaji lɛ amli ni amɛŋɔ maŋsɛɛ yei lɛ aba yɛ be ni ato mli. Maŋ fɛɛ maŋ mli onukpai kɛ emli kojolɔi afata amɛhe kɛba, kɛyashi beyinɔ ni wɔNyɔŋmɔ lɛ mlifu ni naa wa ni kã wɔnɔ lɛ aaaje wɔnɔ.”

Lalai 106:45

Ekai ekɛ amɛteŋ kpãŋmɔ lɛ, ni emusuŋ tsɔ̃ lɛ yɛ esuɔmɔ babaoo ni tsakeee lɛ naa.

Lalai 74:18

Oo Yehowa, kaimɔ bɔ ni henyɛlɔi lɛ bɔɔ bo ahora amɛhãa; kɛ bɔ ni mɛi ni sheee Nyɔŋmɔ gbeyei lɛ gbeɔ ogbɛi lɛ he guɔ.

Lalai 78:38

Shi lɛ lɛ, akɛni mlitsɔ̃lɔ ji lɛ hewɔ lɛ, ekɛ amɛnɔsha lɛ fa amɛ, ni ekpãtãaa amɛhiɛ. Bei pii lɛ, emiɔ ŋɔɔ, ni ehãaa emli awo la kɛteke nɔ.

Lalai 85:3

Ofo omli ni fu amɛ lɛ sɛɛ, ni oŋmɛɛ omlila kpele lɛ he.

Lalai 90:13

Oo Yehowa, mɛɛ be yinɔ nɔŋŋ omli aaafu kɛyashi? Naa otsuji mɔbɔ.

2 Mose 32:14

Kɛkɛ ni Yehowa kɛ efɔŋ ni kulɛ eto akɛ ebaafee Israelbii lɛ fa amɛ.

2 Mose 33:13

No hewɔ lɛ, agbɛnɛ miikpa bo fai, kɛji ona he miishɛɛ lɛ, hã male oyiŋtoo (yɛ gbɔmɛi nɛɛ ahe) bɔ ni afee ni male bo, koni masa ohiɛ. Kaimɔ hu akɛ nɛkɛ maŋ nɛɛ omaŋ ni.”

Yesaia 64:7

Mɔ ko bɛ ni sɔleɔ tsɛɔ bo; mɔ ko bɛ ni baa odɛ̃ŋ yelikɛbuamɔ, ejaakɛ okɛ ohiɛ etee wɔ, ni oŋmɛɛ wɔhe oha wɔnishaianii lɛ.

Yesaia 64:8

Kɛ̃lɛ bo, Yehowa, bo nɔŋŋ ji wɔtsɛ. Wɔ lɛ su ji wɔ, ni bo ji wɔshɔ̃lɔ, ni oninenaa nitsumɔ ji wɔ fɛɛ.

Yeremia 28:16

No hewɔ lɛ, bɔ ni Yehowa kɛɛ nɛ, ‘Naa, mibajie bo yɛ shikpɔŋ nɛɛ nɔ. Afi nɛɛ nɔŋŋ mli lɛ obaagbo, ejaakɛ owie atuatsemɔ wiemɔ oshi Yehowa.’ ”

Ezekiel 20:14

Shi kɛ̃lɛ, mitsake miyiŋtoo lɛ, bɔ ni afee ni akagbe migbɛi lɛ he guɔ yɛ jeŋmaji ni amɛyɔɔ amɛteŋ lɛ ahiɛ; mɛi ahiɛ ni mi mijie Israel kɛjɛ Ijipt shikpɔŋ lɛ nɔ lɛ.

Ezekiel 20:22

Shi kɛ̃lɛ, mitsake miyiŋtoo lɛ, bɔ ni afee ni akagbe migbɛi lɛ he guɔ yɛ jeŋmaji ni amɛyɔɔ amɛteŋ lɛ ahiɛ; mɛi ahiɛ ni mi, mijie Israelbii lɛ yɛ, kɛje Ijipt shikpɔŋ lɛ nɔ lɛ.

Ezekiel 20:9

Shi kɛ̃lɛ, mifeee; mitsake miyiŋtoo lɛ yɛ migbɛi hewɔ, bɔ ni afee ni mikagbe migbɛi lɛ he guɔ yɛ jeŋmaji ni amɛyɔɔ amɛteŋ lɛ ahiɛ, mɛi ahiɛ ni mihã amɛle mi yɛ, be ni mijie amɛ kɛjɛ Ijipt shikpɔŋ lɛ nɔ lɛ.

Yoel 2:17

Osɔfoi ni ji Yehowa sɔ̃ɔlɔi lɛ afo, ni amɛsɔle yɛ koi lɛ kɛ afɔleshãa latɛ lɛ teŋ amɛkɛɛ, “Yehowa, naa bo diɛŋtsɛ omaŋ lɛ mɔbɔ; kaahã maji krokomɛi miiye wɔhe fɛo amɛkɛɛ. ‘Nɛgbɛ nyɛNyɔŋmɔ lɛ yɔɔ?’ ”

Amos 7:3

Yehowa tsake eyiŋtoo lɛ, ni ekɛɛ akɛ, “Nɔ ni ona nɛɛ baŋ mli.”

Amos 7:6

Yehowa tsake eyiŋtoo, ni ekɛɛ akɛ, “Enɛ hu baŋ mli.”

Yona 3:9

akɛ aleenɔ Yehowa hu aaatsake eyiŋ ni eto lɛ, ni eeeŋmɛɛ emli ni efu waa lɛ he, ni no aaahã wɔhiɛ akakpãtã lo!’ ”

Zakaria 8:14

Ejaakɛ bɔ ni Yehowa Taiatsɛ lɛ, kɛɛ nɛ, “Bɔ ni mito miyiŋ ni mafee nyɛ efɔŋ ni mishwaŋ mihe be ni nyɛtsɛmɛi lɛ wo mi mlifu lɛ,

4 Mose 14:19

No hewɔ lɛ, okɛ maŋ nɛɛ tɔ̃mɔ afa amɛ yɛ osuɔmɔ kpeteŋkple lɛ naa tamɔ bɔ ni okɛfa nɛkɛ maŋ nɛɛ kɛjɛ Ijipt aahu kɛbashi bianɛ lɛ.”

4 Mose 16:21

“Nyɛtsia nyɛhe yɛ nɛkɛ asafo nɛɛ he koni makpãtã amɛhiɛ hiŋmɛitswaa mli.”

5 Mose 13:17

Nyɛkaŋɔa musunii lɛ eko kwraa nyɛtoa nyɛhãa nyɛhe bɔ ni afee ni Yehowa afo emlifu ni naa wa lɛ sɛɛ. Eeena nyɛ mɔbɔ, ni emusuŋ aaatsɔ̃ lɛ yɛ nyɛhe, ni eeehã nyɛyi afa tamɔ bɔ ni ewo nyɛtsɛmɛi lɛ shi lɛ,

5 Mose 32:36

Ejaakɛ Yehowa baafã ewebii ahe; ebaana amɛ mɔbɔ kɛji ena akɛ amɛhewalɛ fɛɛ etã, ni eshwɛko mɔ ko mɔ ko kwraa, mɔ ni hiɛ ehe jio, nyɔŋ jio.

5 Mose 9:28

koni shikpɔŋ ni oyakpɔ̃ wɔ kɛje nɔ lɛ nɔ bii lɛ akakɛɛ akɛ, ‘Nyɛ ni Yehowa nyɛɛɛ ekɛ amɛ ayashɛ shikpɔŋ lɛ ni ewo amɛ shi yɛ he lɛ nɔ, kɛ agbɛnɛ hu nyɛ ni enyɛɔ amɛ moŋ hewɔ ni eyakpala amɛ kɛtee lɛ, koni eyagbe amɛ yɛ shiaŋa lɛ nɔ.

Yoshua 7:26

Asafo lɛ loo tɛ amɛkɛbua Akan nɔ, ni tɛi lɛ tsɔ̃ gɔŋ ni ma shi kɛbashi ŋmɛnɛ. Kɛkɛ ni Yehowa mlifu ni naa wa lɛ sɛɛ fo. No hewɔ lɛ, kɛbashi ŋmɛnɛ lɛ atsɛɔ jɛi akɛ Amanehulu Jɔɔ.

Yoshua 7:9

Ejaakɛ Kanaanbii lɛ kɛ shikpɔŋ lɛ nɔ bii fɛɛ baanu he, ni amɛaaba amɛbabɔle wɔ kpula, ni amɛbaakpãtã wɔhiɛ butuu. No hewɔ lɛ, te ofeɔ tɛŋŋ yɛ ogbɛi kpeteŋkple lɛ hewɔ hu?”

1 Samuel 12:22

Ejaakɛ Yehowa kwaŋ nyɛ yɛ egbɛi kpeteŋkple lɛ hewɔ; asaŋ esa ehiɛ hu akɛ ekɛ nyɛ afee lɛ diɛŋtsɛ emaŋ.