2 Mose 32:10 - ŊMALƐ KRƆŊKRƆŊ LƐ

¹⁰ No hewɔ lɛ, hã mimli awo la awo amɛ koni maplenee amɛ; shi bo lɛ mahã otsɔ̃ maŋ kpeteŋkple.”

Ṅmãle̱ Kroṅkroṅ Le̱

¹⁰ nohewo le̱ agbe̱ne̱ hãmi gbe̱, ni mimli awo la awoame̱, ní maplenēame̱; ni mahã otšṍ maṅ kpeteṅkple. 4 Mose 14,11-20.

2 Mose 32:10 ပူးပေါင်းရင်းမြစ်များ

1 Mose 12:2

Mahã otsɔ̃ maŋ kpeteŋkple, ni majɔɔ bo, ni mahã ogbɛi ahehee, ni oootsɔ̃ jɔɔmɔ!

Lalai 106:23

Nyɔŋmɔ to akɛ ebaakpãtã amɛhiɛ; shi etsulɔ Mose, mɔ ni eŋɔ lɛ lɛ, damɔ mli ehã amɛ yɛ Nyɔŋmɔ hiɛ, ni ejɔɔ mlifu lɛ he koni ekakpãtã amɛhiɛ.

2 Mose 22:24

Mimlifu naa aaawa naakpa, ni magbe nyɛ yɛ ta mli, ni nyɛŋamɛi aaatsɔ̃mɔ okulafoi, ni nyɛbii aaatsɔ̃mɔ awusai.

2 Mose 32:11

Mose kpa Yehowa, eNyɔŋmɔ lɛ, fai ekɛɛ, “Yehowa, mɛɛba ni omli woɔ la woɔ omaŋ ni okɛ hewalɛ kpele kɛ nineshiwalɛ eyakpɔ̃ yɛ Ijipt shikpɔŋ lɛ nɔ kɛba lɛ?

2 Mose 32:19

Ni amrɔ pɛ ni Mose bɛŋkɛ shitoohe lɛ ni ena tsina lɛ kɛ joo ni maŋ lɛ joɔ lɛ, kɛkɛ ni emli wo la, ni ekɛ tɛi tɛtɛrɛbii lɛ tswia shi.

2 Mose 33:3

Nyɛmiiya shikpɔŋ ni yɔɔ frɔ̃frɔ̃ ni baa nii nɔ, shi mikɛ nyɛ enyiɛŋ kɛyaŋ, ejaakɛ maŋ ni kuɛŋ ti ji nyɛ, koni moŋ mikayaplene nyɛ yɛ gbɛ lɛ nɔ.”

Yeremia 11:14

No hewɔ lɛ, bo, Yeremia, kaakpa mi fai ohã gbɔmɛi nɛɛ; asaŋ kaabolɔ osɔle ohã amɛ, ejaakɛ miboŋ toi be mli ni amɛaatsɛ mi yɛ amɛfimɔ mli lɛ.”

Yeremia 14:11

Yehowa kɛɛ mi akɛ, “Kaakpa ejurɔyeli he fai ohã maŋ nɛɛ.

Yeremia 15:1

Kɛkɛ ni Yehowa kɛɛ mi akɛ, “Kɛji Mose kɛ Samuel tete po damɔ mihiɛ lɛ, minaŋ nɛkɛ gbɔmɛi nɛɛ ahe tsui. Shwiemɔ amɛ kɛje mihiɛ ni amɛya!

Yeremia 7:16

Kɛkɛ ni Yehowa kɛɛ Yeremia akɛ, “Bo lɛ kaasɔle okpa fai ohã nɛkɛ gbɔmɛi nɛɛ. Kaafo, ni okasɔle hu ohã amɛ; kaadamɔ mli ohã amɛ yɛ mihiɛ, ejaakɛ miboŋ bo toi.

Ezekiel 20:13

“Shi Israel we lɛ tse mihiɛ atua yɛ ŋa lɛ nɔ; amɛbaaa amɛjeŋ yɛ mimlai lɛ anaa, shi moŋ amɛkwa mikpɔi ni kɛ gbɔmɔ ye nɔ ni eyi aaana wala lɛ; ni amɛbule mihejɔɔmɔ gbii lɛ hu naakpa. No hewɔ lɛ, mito miyiŋ akɛ mikɛ mimlila aaaplene amɛ yɛ ŋa lɛ nɔ kwrakwra.

4 Mose 14:12

Mibahã gbele hela ababote amɛteŋ koni mikɛkpãtã amɛhiɛ; shi mahã oshwiei atsɔ̃ maŋ kpeteŋkple ni he wa fe maŋ nɛɛ.”

4 Mose 16:21

“Nyɛtsia nyɛhe yɛ nɛkɛ asafo nɛɛ he koni makpãtã amɛhiɛ hiŋmɛitswaa mli.”

4 Mose 16:22

Shi Mose kɛ Aaron kɛ amɛhiɛ bumɔ shi, ni amɛsɔle amɛkɛɛ akɛ, “Ao, Nyɔŋmɔ, heloo fɛɛ awala jɛɛhe! Aso mɔ kome aaafee esha, ni okɛ ehe nu aaaju maŋ muu lɛ fɛɛ he lo?”

5 Mose 9:14

No hewɔ lɛ, ŋmɛɛ mi gbɛ koni makpãtã amɛhiɛ, ni mabule amɛshishi kwraa yɛ je lɛ mli. No sɛɛ lɛ, mahã oshwiei ashwere ni efɛo ni etsɔ̃ jaku ni da, ni yɛ hewalɛ fe amɛ.’

5 Mose 9:19

Mishe gbeyei akɛ Yehowa kɛ emlifu ni naa wa lɛ baakpãtã nyɛhiɛ, ejaakɛ Yehowa efee kralo akɛ ebaafee nakai. Shi naagbee lɛ Yehowa bo mi toi nakai be lɛ hu.

Yakobo 5:16

No hewɔ lɛ, nyɛjajea nyɛnɔtɔ̃mɔi lɛ nyɛtsɔ̃ɔtsɔ̃a nyɛhe, ni nyɛsɔlea nyɛhãa nyɛhe ni nyɛhe atã. Jalɔ sɔlemɔ ni mli wa lɛ nyɛɔ nii babaoo etsuɔ.