2 Mose 32:1 - ŊMALƐ KRƆŊKRƆŊ LƐ

¹ Be ni Israelbii lɛ na akɛ Mose eyatsɛ yɛ gɔŋ lɛ nɔ ni ekpelekeee shi lɛ, amɛbua amɛhe naa, ni amɛtee Aaron ŋɔɔ amɛyakɛɛ lɛ akɛ, “Tee shi ni ofee nyɔŋmɔ kroko ohã wɔ koni enyiɛ wɔhiɛ kɛya, shi nɛkɛ Mose nɛɛ, ni ji nuu ni yajie wɔ kɛjɛ Ijipt shikpɔŋ lɛ nɔ kɛba biɛ nɛɛ lɛ, wɔleee nɔ koome ni efee lɛ.”

Ṅmãle̱ Kroṅkroṅ Le̱

¹ Ši beni maṅ le̱ na ake̱ Mose eyatše̱ ye̱ goṅ le̱ no̱ ní ekplekee ši le̱, maṅ le̱ bua amehe nā ke̱-ba Aaron ṅõ, ni ame̱bakē̱le̱ ake̱: Te ši, ní ofe nyoṅmo̱i ohãwo̱, ní amenyie we̱hĩe; ši ne̱ke̱ Mose ne̱, ní dši nū le̱ ní yadšiewe̱ ke̱-dše̱ Mizraim šikpoṅ le̱ no̱ ke̱-ba ne̱, wo̱lee nõ kome ní efele̱.

2 Mose 32:1 ပူးပေါင်းရင်းမြစ်များ

1 Mose 19:14

Kɛkɛ ni Lot je kpo ni ekɛ eshaahiimɛi lɛ ni baŋɔ ebiyei lɛ wie akɛ, “Nyɛtea shi, nyɛshĩa biɛ nɛɛ, ejaakɛ Yehowa baakpãtã maŋ nɛɛ hiɛ!” Shi Lot shaahiimɛi lɛ ŋɔ Lot wiemɔ lɛ akɛ shwɛmɔ nɔ ko.

1 Mose 21:26

Ni Abimelek kɛɛ akɛ, “Mileee mɔ ni ye nɛkɛ sane nɛɛ, ni bo hu otsiii tã okɛɛɛ mi lɛ, asaŋ minuko da hu, akɛ ja ŋmɛnɛ.”

1 Mose 39:8

Ni Yosef ekpɛlɛ̃ɛɛ; shi ekɛɛ, “Minuŋtsɔ gbaaa ehe naa yɛ enɔ ko nɔ ko he yɛ shĩa nɛɛ, ejaakɛ etu enii fɛɛ ni eyɔɔ lɛ ewo midɛŋ.

1 Mose 44:15

Yosef kɛɛ amɛ akɛ, “Mɛni pam nyɛfee nɛɛ? Ani nyɛleee akɛ gbɔmɔ ni tamɔ mi lɛ, ele klamɔ̃ lo?”

1 Mose 44:4

Be ni amɛshi maŋ lɛ mli lɛ, amɛshɛko shɔŋŋ he ko kɛkɛ ni Yosef kɛɛ eshĩa lɛ mli sɔ̃ɔlɔ nukpa lɛ akɛ, “Tee shi ni otiu gbɔmɛi lɛ ni kɛ oyanina amɛ lɛ, kɛɛmɔ amɛ akɛ ‘Mɛɛ hewɔ nyɛkɛ efɔŋ eto ekpakpa najiaŋ nɛɛ? Mɛɛba nyɛju minuŋtsɔ jwiɛtɛi kpulu lɛ?

Lalai 106:19

Amɛfee shika tsinabi amãgã hu yɛ Sinai, ni amɛja amãgã ni ashwie lɛ.

2 Mose 13:21

Shwane mli lɛ Yehowa nyiɛɔ amɛhiɛ tamɔ atatu kutuu koni etsɔ̃ɔ amɛ gbɛ, ni nyɔɔŋ hu enyiɛɔ amɛhiɛ tamɔ atatu la kutuu koni ehã amɛna nii; ni amɛnyiɛ shwaneshwane kɛ nyɔɔŋnyɔɔŋ fɛɛ.

2 Mose 14:11

Ni amɛkɛɛ Mose akɛ, “Ani gbonyobui ni bɛ Ijipt hewɔ ni okpala wɔ kɛba koni wɔbagboi yɛ ŋa nɛɛ nɔ nɛɛ? Mɛɛba oye wɔ nɛkɛ sane, ni oloo wɔ kɛjɛ Ijipt kɛba biɛ nɛɛ?

2 Mose 16:3

Amɛkɛɛ, “Yehowa hã wɔgboi yɛ Ijipt be ni wɔtara loo kɛ kukwɛii ahe ni wɔyeɔ nii wɔtɔrɔɔ lɛ moŋ kulɛ, ehi fe nɔ ni nyɛjie wɔ kɛba ŋa nɛɛ nɔ, ni nyɛkɛ hɔmɔ abagbe asafo muu nɛɛ fɛɛ nɛɛ.”

2 Mose 20:23

Nyɛkafea mihenɔ jwiɛtɛi loo shika amãgãi; nyɛkafea eko eko nyɛhãa nyɛhe koni nyɛja amɛ nyɛfata mihe.

2 Mose 24:12

Ni Yehowa kɛɛ Mose akɛ, “Kwɔɔ kɛba miŋɔɔ yɛ gɔŋ lɛ nɔ ni obamɛ, ni mikɛ tɛi tɛtɛrɛbii ni maŋmala mlai lɛ kɛ kitãi lɛ yɛ nɔ lɛ baahã bo, ni okɛtsɔ̃ɔ maŋ lɛ nii.”

2 Mose 24:18

Mose kwɔ gɔŋ lɛ, ni ebote atatu lɛ mli. Eye nyɔɔŋnyɔɔŋ kɛ shwaneshwane gbii nyɔŋmai ejwɛ yɛ gɔŋ lɛ nɔ.

2 Mose 32:11

Mose kpa Yehowa, eNyɔŋmɔ lɛ, fai ekɛɛ, “Yehowa, mɛɛba ni omli woɔ la woɔ omaŋ ni okɛ hewalɛ kpele kɛ nineshiwalɛ eyakpɔ̃ yɛ Ijipt shikpɔŋ lɛ nɔ kɛba lɛ?

2 Mose 32:22

Aaron jie enaa ekɛɛ, “Minuŋtsɔ mli akawo mi la. Bo diɛŋtsɛ ole akɛ maŋ nɛɛ sumɔɔ efɔŋ feemɔ.”

2 Mose 32:23

Ejaakɛ amɛkɛɛ mi akɛ, “Feemɔ nyɔŋmɔ kroko ohã wɔ ni enyiɛ wɔhiɛ kɛya, shi nɛkɛ Mose nɛɛ, ni ji nuu ni yajie wɔ kɛjɛ Ijipt shikpɔŋ lɛ nɔ kɛba biɛ nɛɛ lɛ, wɔleee nɔ koome ni efee lɛ.”

2 Mose 32:7

Kɛkɛ ni Yehowa kɛɛ Mose akɛ, “Kpelekemɔ shi oya ni oya, shi omaŋbii lɛ ni okɛjɛ Ijipt kɛba lɛ ewo amɛhe muji.

2 Mose 33:3

Nyɛmiiya shikpɔŋ ni yɔɔ frɔ̃frɔ̃ ni baa nii nɔ, shi mikɛ nyɛ enyiɛŋ kɛyaŋ, ejaakɛ maŋ ni kuɛŋ ti ji nyɛ, koni moŋ mikayaplene nyɛ yɛ gbɛ lɛ nɔ.”

Ezekiel 20:8

Shi amɛtse mihiɛ atua, ni amɛbooo mi toi. Amɛteŋ mɔ ko mɔ ko shɛrɛɛɛ musubɔɔnii ni ehiŋmɛii nyaa he lɛ eshwieee, ni Ijipt wɔji lɛ hu ahewɔ lɛ, mito miyiŋ akɛ mikɛ mlila kɛ mlifu aaafee amɛ efɔŋ yɛ Ijipt shikpɔŋ lɛ nɔ.

Hosea 12:13

Yehowa tsu gbalɔ ni eyahere Israelbii lɛ ayiwala kɛje Ijipt kɛba, ni gbalɔ nɛɛ nɔŋŋ nɔ etsɔ̃ ekura amɛ.

Mika 6:4

Ejaakɛ mi mijie bo kɛjɛ Ijipt shikpɔŋ lɛ nɔ, ni mikpɔ̃ bo yɛ nyɔŋyeli mli. Mitsu Mose kɛ Aaron kɛ Miriam kɛba akɛ ohiɛnyiɛlɔi.

4 Mose 14:22

mɛi fɛɛ ni na minunyam la kaŋkaŋ lɛ kɛ nibii fɛɛ ni mifee yɛ Ijipt kɛ shiaŋa lɛ nɔ, ni nomɛi fɛɛ asɛɛ lɛ amɛka mi shii nyɔŋma sɔŋŋ, ni amɛbooo miwiemɔ toi lɛ,

Mateo 24:43

Shi nyɛkaia akɛ, kɛ shĩatsɛ ko le nɔ ŋmɛlɛtswaa nɔ ni julɔ baa lɛ, kulɛ eeesra ni eŋmɛŋ gbɛ ni agbu ewe lɛ awoŋ.

Mateo 24:48

“Shi kɛji nakai tsulɔ fɔŋ lɛ aaakɛɛ yɛ etsui mli akɛ, ‘Minuŋtsɔ lɛ miitsi ebaabe lɛ eeto;’

Bɔfoi 17:29

Shi kɛ Nyɔŋmɔ shwiei ji wɔ lɛ, esaaa akɛ wɔsusuɔ akɛ Nyɔŋmɔ su lɛ tamɔ shika loo jwiɛtɛi loo tɛ ko ni gbɔmɔ kɛ eŋaa kɛ ejwɛŋmɔ fee.

Bɔfoi 19:26

Ni nyɛsaa nyɛmiina ni nyɛmiinu akɛ jeee Efeso nɛɛ kɛkɛ, shi moŋ shwɛ fioo ni Asia fɛɛ lɛ, Paulo nɛɛ ehã mɛi babaoo ayiŋ etsɔ̃, ni ekpale amɛ; ekɛɔ akɛ nii ni akɛ niji fee lɛ jeee nyɔŋmɔi ni.

Bɔfoi 7:40

ni amɛkɛɛ Aaron akɛ, ‘Feemɔ nyɔŋmɔi ohã wɔ ni amɛnyiɛ wɔhiɛ, ejaakɛ nɛkɛ Mose nɛɛ ni kpala wɔ kɛjɛ Ijipt shikpɔŋ lɛ nɔ lɛ, wɔleee nɔ ni efee lɛ.’

5 Mose 31:8

Yehowa ji mɔ ni aaanyiɛ ohiɛ kɛya; ni ekɛ bo aaahi shi; ehaŋ onine anyɛ shi lɛ, eshiŋ bo hu. Kaashe gbeyei, ni otsui akafã hu.”

5 Mose 9:1

“Nyɛboa toi, Israelbii! Nyɛbaafo Yordan Faa lɛ ŋmɛnɛ gbi nɛɛ koni nyɛya nyɛyaŋɔ shikpɔji yɛ maji ni dara, ni asaŋ amɛhe wa hu fe nyɛ adɛŋ, shikpɔji kɛ amɛnɔ maji wuji kɛ amɛhe gbogboi ni atswa kɛtee ŋwɛi shɔŋŋ akɛwaje amɛ.

5 Mose 9:9

Be ni mikwɔ gɔŋ lɛ koni miyahe tɛi tɛtɛrɛbii lɛ ni aŋma kpãŋmɔ ni Yehowa kɛ nyɛ kpãŋ lɛ yɛ nɔ lɛ; mihi gɔŋ lɛ nɔ shwaneshwane kɛ nyɔɔŋnyɔɔŋ gbii nyɔŋmai ejwɛ; miyeee nii lɛ, minuuu nu hu.

Yoshua 7:13

Tee shi; tsuumɔ maŋbii lɛ ahe. Kɛɛmɔ amɛ akɛ, ‘Nyɛtsua nyɛhe nyɛkɛfea nyɛhe krɔŋkrɔŋ nyɛtoa wɔ’, ejaakɛ bɔ ni Yehowa, Israel Nyɔŋmɔ lɛ, kɛɛ nɛ, ‘Israelbii, nyɛkɔlɔ musu nibii lɛ eko, no hewɔ lɛ, nyɛnyɛŋ nyɛhenyɛlɔi lɛ ahiɛ nyɛdamɔ kɛyaashi beyinɔ ni nyɛaajie musunii lɛ nyɛshwie.’

2 Petro 3:4

ni amɛaakɛɛ, “Nɛgbɛ ebaa lɛ he shiwoo lɛ yɔɔ? Ejaakɛ kɛjɛ beyinɔ ni tsɛmɛi lɛ tee yawɔwɔi nɛɛ, bɔ ni nibii fɛɛ yɔɔ kɛjɛ jeŋbɔɔ shishijee mli lɛ, nakai nɔŋŋ amɛyɔɔ nɛɛ.”