2 Mose 30:7 - ŊMALƐ KRƆŊKRƆŊ LƐ

⁷ Aaron ashã tsofakɛŋma yɛ nɔ. Daa leebi kɛji etee kanei lɛ saamɔ hã suu lɛ, eshã tsofakɛŋma yɛ nɔ;

Ṅmãle̱ Kroṅkroṅ Le̱

⁷ Ni Aaron ašã tšofã-ke̱-ṅma ye̱ no̱ dā lebi; ke̱ esā kanei le̱, ešã tšofã-ke̱-ṅma ye̱ no̱. Lal. 141,2. Kpods. 5,8.

2 Mose 30:7 ပူးပေါင်းရင်းမြစ်များ

1 Kronika 23:13

Amram, Kohat kromɔbi lɛ, fɔ Aaron kɛ Mose. Ajie Aaron kɛ eshwiei lɛ ato akɛ mɛi krɛdɛɛ ni akwɛ nibii krɔŋkrɔŋi ni akɛjaa lɛ anɔ kɛya naanɔ; asaŋ akɛ amɛ amɛshã tsofakɛŋma be mli ni ajaa Yehowa; ni amɛsɔmɔ Yehowa, ni amɛjɔɔ mɛi yɛ Yehowa gbɛi mli.

1 Kronika 6:34

Samuel tsɛ ji Elkana, ni Elkana tsɛ ji Yeroham; Yeroham tsɛ ji Eliel, ni Eliel tsɛ ji Toa.

2 Kronika 2:3

Kɛkɛ ni Maŋtsɛ Solomon tsu Tiro Maŋtsɛ Hiram ŋɔɔ, ni ayakɛɛ lɛ akɛ, “Bɔ ni ofee ohã mitsɛ David, ni obahã lɛ tsenedrutsei ekɛma shĩa ehi mli lɛ, nakai nɔŋŋ mitaoɔ koni ofee ohã mi hu.

2 Kronika 2:4

Naa, mibama Sɔlemɔtsu mikɛwo Yehowa, miNyɔŋmɔ lɛ, hiɛ nyam. Abaato tsu nɛɛ krɔŋkrɔŋ ahã lɛ, ni abaashã tsofakɛŋmai yɛ jɛi, ni akɛ aboloo baama Yehowa hiɛ yɛ jɛi daa, ni asaŋ abaashã shãa afɔlei yɛ jɛi akɛja lɛ daa leebi kɛ gbɛkɛ kɛ hejɔɔmɔ gbii lɛ hu, kɛji shɛ nyɔji hei, kɛ gbii juji krokomɛi ni akɛwoɔ Yehowa, wɔNyɔŋmɔ lɛ, hiɛ nyam lɛ anɔ. Gbɛnaa nitsumɔ ni kã shi hã Israel nɛ kɛmiiya naanɔ.

2 Kronika 26:18

ni amɛyatsi lɛ gbɛ, ni amɛkɛɛ lɛ akɛ, “Maŋtsɛ Uzia, ejeee ogbɛnaa akɛ oshã tsofakɛŋma ohã Yehowa. Osɔfoi, ni ji Aaron shwiei, lɛ pɛ ji mɛi ni ajɔɔ tsofakɛŋmashãa nɔ ahã. Shi He Krɔŋkrɔŋ lɛ ni oya! Otɔ̃ Yehowa nɔ, ni obɛ Yehowa dɛŋ jɔɔmɔ ko ni obaana dɔŋŋ.”

2 Kronika 29:7

Amɛŋamɔ Sɔlemɔtsu lɛ naa shinai lɛ, amɛkwɛ ni Sɔlemɔtsu lɛ mli kanei lɛ gboi, ni tsofakɛŋma ni jio, shãa afɔlei ni jio, amɛbashãaa eko yɛ He Krɔŋkrɔŋ lɛ dɔŋŋ amɛhãaa Israel Nyɔŋmɔ lɛ.

Lalai 141:2

Hã mifaikpamɔ afee tamɔ tsofakɛŋma yɛ ohiɛ; ni miniji anɔholemɔ afee tamɔ gbɛkɛ afɔle!

2 Mose 30:34

Kɛkɛ ni Yehowa kɛɛ Mose akɛ, “Ŋɔɔ tsofakɛŋmai srɔtoi nɛɛ fɛɛ eko: krɔbɔo kɛ onitsa kɛ galbano. Tsofakɛŋmai nɛɛ okɛ mire ŋmiiŋmi afata he; ŋmɛɛ eko fɛɛ eko falɛ pɛpɛɛpɛ,

2 Mose 30:6

Okɛ latɛ lɛ ama muhɔɔ lɛ ni yɔɔ Kpãŋmɔ Adeka lɛ masɛi lɛ hiɛ, yɛ Kpãŋmɔ Adeka lɛ naanɔ lɛ, ni ji he ni mikɛ bo aaakpe yɛ lɛ, hiɛ.

2 Mose 30:8

ni kɛji etee eyasu kanei lɛ gbɛkɛ lɛ, eshã tsofakɛŋma nakai nɔŋŋ yɛ nɔ. Daa tsofakɛŋmashãa nɛɛ yɛ Yehowa hiɛ lɛ akã shi ahã nyɛyinɔi fɛɛ.

2 Mose 40:27

ni eshã tsofakɛŋma yɛ nɔ tamɔ bɔ ni Yehowa fã lɛ lɛ.

3 Mose 6:5

loo nɔ ko ni ekã he amale kitã lɛ, najiaŋ.

4 Mose 16:40

koni etsɔ̃ kaimɔnɔ ehã Israelbii lɛ bɔ ni afee ni mɔ ni jeee Aaron shwie ko akatsi ebɛŋkɛ afɔleshãa latɛ lɛ akɛ ebaashã tsofakɛŋma ekɛhã Yehowa, koni ekabatsɔ̃ tamɔ Kora kɛ esafo lɛ. Eleazar fee bɔ ni Yehowa tsɔ̃ Mose nɔ ekɛɛ lɛ lɛ pɛpɛɛpɛ.

4 Mose 7:56

Nikeenii lɛ ekomɛi hu ji shika okpolu pɛmpɛoo ni tsiimɔ ji shekeli nyɔŋma ni eyi obɔ̃ kɛ tsofakɛŋma

Luka 1:9

ahala lɛ tamɔ bɔ ni esɔfo nitsumɔ lɛ gbɛnaa yɔɔ lɛ, koni ebote Nuŋtsɔ lɛ Sɔlemɔtsu lɛ mli ni eyashã tsofakɛŋma.

Bɔfoi 6:4

shi wɔ lɛ wɔɔhiɛ sɔlemɔ kɛ wiemɔ lɛ he sɔ̃ɔmɔ lɛ mli.”

5 Mose 33:10

Amɛ amɛbaatsɔ̃ɔ Yakob shwiei okpɔi lɛ, kɛ Israel omla lɛ. Amɛ amɛbaashã tsofakɛŋma yɛ ohiɛ kɛ shãa afɔle muu yɛ afɔleshãa latɛ lɛ nɔ.’

1 Samuel 2:28

Ni miŋɔ otsɛ we lɛ yɛ Israel akutsei lɛ fɛɛ ateŋ koni eye osɔfo ehã mi, ni esɔmɔ mi yɛ afɔleshãa latɛ lɛ naa, ni eshã tsofakɛŋma ehã mi, ni ewo efod lɛ kɛsɔmɔ mi. Ni no hewɔ lɛ, miŋɔ afɔlei fɛɛ ni akɛ la shãa mihã lɛ.

1 Samuel 3:3

ni Yehowa kane lɛ ma nɔ lolo ni enako egbo, ni Samuel hu kã shi yɛ Yehowa Sɔlemɔtsu lɛ mli he ni Nyɔŋmɔ Kpãŋmɔ Adeka lɛ yɔɔ lɛ.