2 Mose 30:34 - ŊMALƐ KRƆŊKRƆŊ LƐ

³⁴ Kɛkɛ ni Yehowa kɛɛ Mose akɛ, “Ŋɔɔ tsofakɛŋmai srɔtoi nɛɛ fɛɛ eko: krɔbɔo kɛ onitsa kɛ galbano. Tsofakɛŋmai nɛɛ okɛ mire ŋmiiŋmi afata he; ŋmɛɛ eko fɛɛ eko falɛ pɛpɛɛpɛ,

Ṅmãle̱ Kroṅkroṅ Le̱

³⁴ Ni Iehowa kē̱ Mose ake̱: Ṅõ tšofãi-ke̱-ṅmai, ní dši kro̱bo̱o ke̱ ošiko ke̱ galbano, tšofã-ke̱-ṅmai ne̱ ke̱ mire ṅmīṅmi, aṅmẽ fẽ pe̱pē̱pe̱;

2 Mose 30:34 ပူးပေါင်းရင်းမြစ်များ

Nehemia 13:5

Eliashib saa tsu kpeteŋkple ko ehã Tobia ni ehi mli. Tsu nɛɛ, sa lɛ akɛ nibii komɛi toɔ mli. Nibii nɛɛ ji niyenii afɔlei kɛ krɔbɔo kɛ Sɔlemɔ we tsɛnsii kɛ ŋmɔshinii ni ji abele kɛ wain kɛ mu mlijai nyɔŋma mli ekomekome lɛ, ni awo he kitã akɛ akɛhã Levibii lɛ kɛ Sɔlemɔ we lalɔi lɛ kɛ agbonaakwɛlɔi lɛ. Nɔ ni fata nibii ni akɛtoɔ tsu nɛɛ mli lɛ he ji afɔlei ni akɛhãa osɔfoi lɛ.

2 Mose 25:6

Ekrokomɛi hu ji mu ni akɛsuɔ kane, kɛ tsofai ni akɛfutuɔ mu ni akɛfɔɔ mɔ mu mli lɛ. Ekomɛi hu ji tsofai ni akɛfeɔ tsofakɛŋma ni ashãa.

2 Mose 30:23

“Ŋɔɔ tsofakɛŋma kpakpai nɛɛ fɛɛ eko: tso mli mu ni jeɔ ŋma shekel ohai enumɔ, kɛ sinamon ni jeɔ ŋma nakai bɔ fã, ohai enyɔ kɛ nyɔŋmai enumɔ kɛ kooŋkpãa ni jeɔ ŋma ohai enyɔ kɛ nyɔŋmai enumɔ,

2 Mose 30:33

Mɔ fɛɛ mɔ ni aaafutu mu ko tamɔ no, aloo ekɛ mu nɛɛ eko aaasa mɔ folo ko kɛkɛ he lɛ atswa enaneshi tu.’ ”

2 Mose 30:35

ni okɛfee tsofakɛŋma ni ashãa. Awo mli ŋoo koni ekafite, ni afutu lɛ tamɔ bɔ ni ojeŋmafeelɔ futuɔ ojeŋma ehãa. Emli atse, ni efee krɔŋkrɔŋ.

2 Mose 30:7

Aaron ashã tsofakɛŋma yɛ nɔ. Daa leebi kɛji etee kanei lɛ saamɔ hã suu lɛ, eshã tsofakɛŋma yɛ nɔ;

2 Mose 31:11

Amɛfee mu ni akɛfɔɔ mɔ mu lɛ, kɛ tsofakɛŋma ni abaashã yɛ He Krɔŋkrɔŋ lɛŋ lɛ. Amɛfee nibii nɛɛ fɛɛ bɔ ni mi mifã bo lɛ.”

2 Mose 35:15

Ekrokomɛi ji tsofakɛŋmashãa latɛ lɛ kɛ ehe tsei bloblobii lɛ, kɛ Kpee Buu Krɔŋkrɔŋ lɛ shinaa lɛ naa mama lɛ,

2 Mose 37:29

Ekɛ ŋaa ni akɛfeɔ ojeŋma fee mu krɔŋkrɔŋ ni akɛfɔɔ mɔ mu lɛ kɛ tsofakɛŋma ni ashãa lɛ.

Salomo Lalai 3:6

Mɛni ji nɔ ni jɛ ŋa lɛ nɔ baa tamɔ lasu kusuu ni teɔ shi nɛɛ? Namɔ nɛ ni mire kɛ krɔbɔo kɛ jarayelɔi atsofãi srɔtoi fɛɛ jeɔ ŋma yɛ ehe nɛɛ?

Yesaia 43:23

Okɛ otoo lɛ ebahãaa mi koni akɛshã shãaafɔle; ni okɛ oshãa afɔlei lɛ wooo mihiɛ nyam. Mikɛ niyenii afɔle gbako onaa, ni mihãaa etɔ bo kɛ krɔbɔohamɔ.

3 Mose 16:12

Eloo ŋai kɛ la ŋɛsu obɔ̃ yɛ afɔleshãa latɛ lɛ nɔ, yɛ Yehowa hiɛ, kɛ tsofakɛŋma ni ashi bɔdɔbɔdɔ ekɔkɔi obɔbɔi enyɔ, ni ekɛbote muhɔɔ lɛ sɛɛ.

3 Mose 2:1

“Kɛji mɔ ko kɛ ŋmãa miiba abashã afɔle ahã Yehowa lɛ, egbɛlɛ ŋmãa lɛ mã. Ekɛ mu ashwie mamu lɛ nɔ, ni ekɛ tsofakɛŋma hu afata he;

3 Mose 2:15

Akɛ mu ashwie nɔ, ni akɛ tsofakɛŋma afɔ̃ nɔ. Niyenii afɔle ni.

3 Mose 24:7

Okɛ krɔbɔo krɔŋŋ afata aboloo ku kome fɛɛ ku kome he, koni no afee kaimɔ nɔ ni akɛbahã akɛ afɔle ni ashã ahã Yehowa.

3 Mose 5:11

Shi kɛji enyɛɛɛ kosɛɛ okpoi enyɔ loo okpobii enyɔ ehã lɛ, no lɛ ekɛ mã kilo kome aba akɛ esha afɔle yɛ esha ni efee lɛ hewɔ. Ekɛ mu akawo mli, ni ekɛ ohɛ hu akafɔ̃ nɔ, ejaakɛ esha afɔle ni.

4 Mose 4:16

“Nibii ni atu awo Osɔfo Eleazar, Aaron bi lɛ, dɛŋ koni ekwɛ nɔ ji mu ni akɛsuɔ kane lɛ, kɛ mu ni akɛfɔɔ mɔ mu lɛ kɛ daa niyenii afɔle lɛ, kɛ Kpee Buu Krɔŋkrɔŋ lɛ diɛŋtsɛ kɛ emli nibii fɛɛ, kɛ He Krɔŋkrɔŋ lɛ hu kɛ ehe nibii lɛ fɛɛ lɛ.”

4 Mose 7:14

Nikeenii lɛ ekomɛi hu ji shika okpolu pɛmpɛoo ni tsiimɔ ji shekeli nyɔŋma ni eyi obɔ̃ kɛ tsofakɛŋma,

Mateo 2:11

Ni amɛtee shĩa lɛ, ni amɛna abifao lɛ kɛ enyɛ Maria lɛ; ni amɛkula shi amɛja lɛ. Amɛfɛne amɛkotokui anaa, ni amɛkekee lɛ nii: shika kɛ krɔbɔo kɛ mire.