2 Mose 30:23 - ŊMALƐ KRƆŊKRƆŊ LƐ

²³ “Ŋɔɔ tsofakɛŋma kpakpai nɛɛ fɛɛ eko: tso mli mu ni jeɔ ŋma shekel ohai enumɔ, kɛ sinamon ni jeɔ ŋma nakai bɔ fã, ohai enyɔ kɛ nyɔŋmai enumɔ kɛ kooŋkpãa ni jeɔ ŋma ohai enyɔ kɛ nyɔŋmai enumɔ,

Ṅmãle̱ Kroṅkroṅ Le̱

²³ Ṅõ tšofãi-ke̱-ṅmai kpakpai, mire kroṅṅ šekeli ohai-enumo̱, ke̱ sinamon ní dšeo̱ ṅma nakai bo̱ fã, ohai-enyo̱ ke̱ nyoṅmai-enumo̱, ke̱ kalamo ní dšeo̱ ṅma ohai-enyo̱ ke̱ nyoṅmai-enumo̱,

2 Mose 30:23 ပူးပေါင်းရင်းမြစ်များ

1 Maŋtsɛmɛi 1:39

Kɛkɛ ni Osɔfo Zadok yawo koŋ kɛ emli mu lɛ kɛjɛ Buu Krɔŋkrɔŋ lɛ mli, ni ekɛbafɔ Solomon kɛwo lɛ maŋtsɛ. Ni amɛkpã tɛtɛrɛmantɛrɛ, ni maŋbii ni yɔɔ jɛi lɛ fɛɛ bɔ oshe akɛ, “Maŋtsɛ Solomon yi ana wala!”

1 Kronika 9:29

Mɛi komɛi hu kwɛɔ okpɔlɔi kɛ adekai kɛ tsɛnsii krɔŋkrɔŋi krokomɛi lɛ fɛɛ anɔ. Amɛkwɛɔ mamu kɛ wain kɛ mu kɛ tsofakɛŋma kɛ krɔbɔo hu anɔ.

1 Kronika 9:30

Shi osɔfoi abii lɛ ji mɛi ni futuɔ nibii srɔtoi ni akɛfeɔ tsofakɛŋma lɛ.

Lalai 45:8

Otadei amli eyi obɔ̃ kɛ krɔbɔo kɛ anuatrɛ kɛ kashia ŋma. Kpãa saŋkui atswaa akɛshɛjeɔ omii yɛ shuɔwu mɔji amli.

2 Mose 25:6

Ekrokomɛi hu ji mu ni akɛsuɔ kane, kɛ tsofai ni akɛfutuɔ mu ni akɛfɔɔ mɔ mu mli lɛ. Ekomɛi hu ji tsofai ni akɛfeɔ tsofakɛŋma ni ashãa.

2 Mose 30:22

Asaŋ Yehowa kɛɛ Mose akɛ,

2 Mose 30:24

kɛ kashia tso lɛ hu kiloi etɛ̃ ni aŋmɛ yɛ He Krɔŋkrɔŋ lɛ niŋmɛɛ tɛ naa, kɛ mutso mu lita kome.

2 Mose 31:11

Amɛfee mu ni akɛfɔɔ mɔ mu lɛ, kɛ tsofakɛŋma ni abaashã yɛ He Krɔŋkrɔŋ lɛŋ lɛ. Amɛfee nibii nɛɛ fɛɛ bɔ ni mi mifã bo lɛ.”

2 Mose 35:28

asaŋ amɛkɛ tsofai ni akɛfeɔ tsofakɛŋma ni ashãa lɛ ba.

2 Mose 37:29

Ekɛ ŋaa ni akɛfeɔ ojeŋma fee mu krɔŋkrɔŋ ni akɛfɔɔ mɔ mu lɛ kɛ tsofakɛŋma ni ashãa lɛ.

Abe̱i 7:17

Mikɛ mire kɛ aloe kɛ sinamon ewo misaa lɛ mli ŋma.

Salomo Lalai 1:13

Misuɔlɔ lɛ he jeɔ ŋma krɔbɔo kɛji ekã mifufɔi ateŋ lɛ.

Salomo Lalai 1:3

Omui ni okpaa jeɔ ŋma naakpa, ogbɛi jeɔ ŋma tamɔ muŋma ni afɔse ashwie shi. No hewɔ ni oblayei lɛ sumɔɔ bo lɛ.

Salomo Lalai 4:14

Trom ni nardo kɛ safron kɛ kalamo kɛ sinamon kɛ krɔbɔo tsei fɛɛ kɛ mire kɛ aloe kɛ tsofaikɛŋmai titrii lɛ fɛɛ kwɛ̃ɔ yɛ omli.

Yesaia 43:24

Okɛ oshika heee tsofakɛŋma obahãaa mi; ni okɛ okooloi amli fɔ lɛ ebashɛjeee mimii. Moŋ okɛ ohe eshai lɛ ehao mi, ni okɛ onishaianii lɛ eha etɔ mi.”

Yeremia 6:20

Mɛni mifeɔ krɔbɔo ni jɛ Sheba, kɛ maŋsɛɛ shɔŋŋ sinamon ni jeɔ ŋma he? Shãa afɔlei ni nyɛshãa nyɛhãa mi lɛ, miheee; nyɛkooloo afɔlei lɛ hu esaa mihiɛ.

Ezekiel 27:19

Amɛkɛ wain jɛɔ Uzal batsakeɔ oguɔ nibii lɛ. Akɛ dade nibii kɛ kashia kɛ sinamon batsakeɔ oguɔ nibii lɛ.

Ezekiel 27:22

Sheba kɛ Rama jarayelɔi kɛ bo ye jara. Amɛkɛ tsofakɛŋmai fɛɛ mli ekpakpai kɛ tɛi ni jara wa fɛɛ kɛ shika baa batsakeɔ oguɔ nibii lɛ.

4 Mose 4:16

“Nibii ni atu awo Osɔfo Eleazar, Aaron bi lɛ, dɛŋ koni ekwɛ nɔ ji mu ni akɛsuɔ kane lɛ, kɛ mu ni akɛfɔɔ mɔ mu lɛ kɛ daa niyenii afɔle lɛ, kɛ Kpee Buu Krɔŋkrɔŋ lɛ diɛŋtsɛ kɛ emli nibii fɛɛ, kɛ He Krɔŋkrɔŋ lɛ hu kɛ ehe nibii lɛ fɛɛ lɛ.”

1 Samuel 10:1

Kɛkɛ ni Samuel jie mu kɛ tɔ ko, ni efɔse mu lɛ eshwie Saul yiteŋ. Kɛkɛ ni eshwɔ Saul naa ni ekɛɛ lɛ akɛ, “Naa, Yehowa efɔ bo mu koni oye ewebii lɛ anɔ akɛ amɛlumɔ, koni ohere amɛ yɛ amɛhenyɛlɔi ni ebɔle amɛ lɛ adɛŋ. Ni okadi ni atoɔ bo yɛ he akɛ Yehowa efɔ bo mu koni oye emɛi lɛ anɔ lumɔ nɛ.