2 Mose 30:10 - ŊMALƐ KRƆŊKRƆŊ LƐ

¹⁰ Aaron kɛ kooloo ni akɛkpãtãa Nyɔŋmɔ yɛ esha ni afee hewɔ lɛ lá lɛ akpa latɛ lɛ akloŋtoi lɛ ahe, ni ekɛkpãtã shi kome daa afi. Efee kpãtãmɔ nii nɛɛ shi kome daa afi yɛ afɔleshãa latɛ lɛ nɔ yɛ yinɔi fɛɛ amli. Eji nii ni yɔɔ krɔŋkrɔŋ jogbaŋŋ diɛŋtsɛ hã mi, Yehowa.”

Ṅmãle̱ Kroṅkroṅ Le̱

¹⁰ Ni Aaron ke̱ eša kpãtãme̱-afo̱le le̱ lá le̱ akpãtã šikome dā afi ye̱ *eklontoi le̱ ano̱; ne̱ke̱ kpãtãmo̱ ekpãtã dã afi šikome ye̱ no̱ ye̱ nyeyino̱i fẽ; eye̱ †kroṅkroṅ fè fẽ hã Iehowa. *3 Mose 16,18. †2 Mose 29,37.

2 Mose 30:10 ပူးပေါင်းရင်းမြစ်များ

1 Maŋtsɛmɛi 1:50

Adonia diɛŋtsɛ lɛ eshe gbeyei, hewɔ lɛ etee kpee Buu Krɔŋkrɔŋ lɛ mli, ni eyamɔmɔ afɔleshãa latɛ lɛ he aklontoi lɛ amli koni akagbe lɛ.

1 Kronika 6:49

Aaron kɛ eshwiei lɛ ji mɛi ni kɛ tsofakɛŋma kɛ afɔlei lɛ yaa afɔleshãa latɛ lɛ nɔ amɛyashãa. Amɛnitsumɔ ji jamɔ ni ajaa yɛ He Krɔŋkrɔŋ Fe Fɛɛ lɛ mli lɛ he sɔ̃ɔmɔ; asaŋ amɛkpãtãa amɛhãa maŋ lɛ koni Nyɔŋmɔ kɛ tɔ̃mɔ ni Israelbii etɔ̃ lɛ afa amɛ. Amɛtsuɔ nitsumɔi nɛɛ bɔ ni Nyɔŋmɔ tsulɔ Mose ewo he kitã lɛ pɛpɛɛpɛ.

2 Mose 30:11

Agbɛnɛ Yehowa kɛɛ Mose akɛ,

2 Mose 30:9

Akashã tsofakɛŋma ni bɛ krɔŋkrɔŋ loo kooloo loo niyenii afɔle ko kwraa yɛ nɔ, ni akafɔse wain akɛ dãa afɔle ashwie nɔ.

3 Mose 16:16

Ni akɛjwira He Krɔŋkrɔŋ lɛ yɛ Israelbii lɛ ahe ni tseee kɛ amɛtũatsemɔi kɛ amɛhe eshai lɛ fɛɛ ahewɔ. Aaron afee nakai nɔŋŋ ehã Kpee Buu lɛ ni yɔɔ amɛteŋ lɛ; efee yɛ amɛmuji nii lɛ ahewɔ.

3 Mose 16:18

No sɛɛ lɛ, eje kpo kɛya afɔleshãa latɛ ni ma Yehowa hiɛ lɛ he, ni etsuu he. Ekɛ tsinanuu lɛ lá lɛ eko kɛ too kpakpo lɛ lá lɛ eko asra koji ni yɔɔ afɔleshãa latɛ lɛ he lɛ ahe kɛkpe.

3 Mose 16:2

“Okɛ onyɛmi Aaron awie koni ekabote He Krɔŋkrɔŋ lɛ mli kɛmiiya muhɔɔ lɛ sɛɛ, yɛ mɔbɔnalɛ sɛi ni bu Kpãŋmɔ Adeka lɛ nɔ lɛ hiɛ lɛ, be fɛɛ be kɛkɛ, koni ekagbo, ejaakɛ mapue yɛ atatu mli yɛ naanɔ ni bu Adeka lɛ nɔ lɛ nɔ.

3 Mose 23:27

“Nyɔɔŋ ni ji kpawo nɛɛ nɔ gbi ni ji nyɔŋma lɛ ji esha kpãtãmɔ gbi lɛ. Gbi nɛɛ nɔ lɛ nyɛwaa nyɛhe yi kɛ hɔmɔ; asaŋ nyɛkpea kpee krɔŋkrɔŋ kɛjaa, ni nyɛkɛ nyɛdɛŋ niyenii afɔle ni ashãa abaa abahãa Yehowa.

3 Mose 4:18

Ekɛ lá lɛ eko adiki tsofakɛŋma afɔleshãa latɛ ni yɔɔ Yehowa hiɛ, yɛ Kpee Buu lɛ mli, lɛ koji lɛ ahe. Enɛ sɛɛ lɛ etsi tsinanuu lɛ lá ni eshwɛ lɛ fɛɛ eshwie shãa afɔleshãa latɛ ni yɔɔ Kpee Buu lɛ shinaa lɛ naa lɛ shishi.

3 Mose 4:7

Osɔfonukpa lɛ kɛ lá lɛ eko adiki tsofakɛŋmashãa latɛ ni yɔɔ Yehowa hiɛ yɛ Kpee Buu lɛ mli lɛ koji lɛ ahe. Enɛ sɛɛ lɛ etsi tsinanuu lɛ lá ni eshwɛ lɛ fɛɛ eshwie afɔleshãa latɛ ni yɔɔ Kpee Buu lɛ shinaa lɛ naa lɛ shishi.

Hebribii 1:3

Lɛ ji enunyam lɛ kpɛmɔ kɛ esu lɛ mfoniri lɛ, ni ekɛ lɛ diɛŋtsɛ ehewalɛ wiemɔ lɛ hiɛɔ nibii fɛɛ. Be ni ekɛ lɛ diɛŋtsɛ ehe etsuu wɔhe kɛjɛ wɔhe eshai lɛ amli lɛ, etee eyata shi yɛ anunyam-Tsɛ agbo lɛ nine jurɔ nɔ yɛ ŋwɛi,

Hebribii 9:25

Asaŋ eyaboteee jɛi koni eŋɔ ehe ehã shii abɔ, tamɔ bɔ ni osɔfonukpa lɛ yaboteɔ He Krɔŋkrɔŋ lɛ daa afi kɛ lá ni jeee lɛ diɛŋtsɛ enɔ lɛ;

Hebribii 9:7

shi buu ni ji enyɔ lɛ, osɔfonukpa lɛ kɛkɛ yaa mli shi kome daa afi, ni eyaaa ni ehiɛɛɛ lá, ni ekɛyahãa yɛ lɛ diɛŋtsɛ kɛ maŋ lɛ tɔ̃mɔi ni amɛleee lɛ ahewɔ lɛ.

Kpojiemɔ 9:13

Ni bɔfo ni ji ekpaa lɛ kpã etɛtrɛmantrɛ lɛ, ni minu gbee ko kɛjɛ shika afɔleshãa latɛ ni ma Nyɔŋmɔ hiɛ lɛ akloŋtoi ejwɛ lɛ mli