2 Mose 3:8 - ŊMALƐ KRƆŊKRƆŊ LƐ

⁸ Naa, mikpeleke shi miba amɛ jiemɔ yɛ Ijiptbii lɛ adɛŋ, koni makpala amɛ kɛshi Ijipt kɛya shikpɔŋ kpakpa ni da, ni yɔɔ frɔ̃frɔ̃ ni niyenii pii yɔɔ nɔ lɛ nɔ, he ni Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii yɔɔ lɛ.

Ṅmãle̱ Kroṅkroṅ Le̱

⁸ Ni mikpleke ši mibadšieame̱ ye̱ Mizraimbii le̱ adeṅ, ni mafãame̱ ke̱-dše̱ nakai šikpoṅ le̱ no̱ ke-ya šikpoṅ kpakpa ní da, šikpoṅ ní fufo̱ ke̱ wò hoo̱ ye̱ no̱ le̱ no̱, Kanaanbii ke̱ Hitbii ke̱ Amorbii ke̱ Perizbii ke̱ Hivbii ke̱ Iebusbii le̱ agbe̱-he le̱.

2 Mose 3:8 ပူးပေါင်းရင်းမြစ်များ

1 Mose 11:5

Kɛkɛ ni Yehowa kpeleke shi kɛba ni ebakwɛ maŋ kɛ mɔɔ ni gbɔmɛi adesai ema lɛ.

1 Mose 11:7

Nyɛhãa wɔkpelekea shi ni wɔyatsakea amɛwiemɔ lɛ ni wɔfee lɛ wiemɔi srɔtoisrɔtoi, koni mɔ ko akanu enaanyo wiemɔ dɔŋŋ!”

1 Mose 15:13

Kɛkɛ ni Yehowa kɛɛ Abram akɛ, “Na ole akɛ oshwiei aaatsɔ̃mɔ gbɔi yɛ shikpɔŋ ni jeee amɛnɔ nɔ ni amɛaasɔ̃mɔ shikpɔŋ lɛ nɔ bii lɛ ni gbɔmɛi nɛɛ aaawa oshwiei lɛ ayi afii ohai ejwɛ.

1 Mose 15:14

Shi nakai jeŋmaŋ lɛ hu ni amɛaasɔ̃mɔ lɛ, magbala amɛtoi, ni no sɛɛ lɛ, oshwiei lɛ aaashi jɛi kɛ nii babaoo.

1 Mose 18:21

makpeleke shi matee mayakwɛ akɛ nibii fɔ̃ji ni awieɔ ashiɔ amɛ ni minuɔ lɛ eyɛ mli nakai lo? Ni kɛji ebɛ mli nakai lɛ, koni male.”

1 Mose 43:11

Kɛkɛ ni amɛtsɛ Yakob kɛɛ akɛ, “Kɛji nakai ni lɛ, no lɛ bɔ ni nyɛbaafee nɛ: nyɛkɛ shikpɔŋ nɛɛ nɔ nibii kpakpai lɛ eko awoa nyɛjatsui amli koni nyɛkɛyakea nuu lɛ: gbonyowoo tsofa fioo, wo fioo, tso mli amã fioo, tsofakɛŋma, kɛ ohɛ ni jeɔ ŋma kɛ amitsrɔbi kɛ ŋmɛ.

1 Mose 46:4

Mi diɛŋtsɛ mi kɛ amɛ aaatee Ijipt, ni mi kɛ oshwiei aaasaa aba ekoŋŋ; ni ooogbo ofɔ̃ Yosef tsitsiŋ.”

1 Mose 50:24

Agbɛnɛ Yosef kɛɛ enyɛmimɛi lɛ akɛ, “Migbele be eshɛ; shi saramɔ Nyɔŋmɔ aaabasra nyɛ kɛ̃, ni eeekpala nyɛ yɛ shikpɔŋ nɛɛ nɔ kɛaatee shikpɔŋ ni ekã Abraham kɛ Isak kɛ Yakob kitã yɛ he lɛ nɔ.”

1 Kronika 1:15

kɛ Hivbii lɛ kɛ Arkibii lɛ kɛ Sinbii lɛ,

Nehemia 9:8

Ona akɛ eyeɔ bo anɔkwa, ni okɛ lɛ kpãŋ akɛ okɛ Kanaanbii kɛ Hitbii kɛ Amorbii lɛ kɛ Perizbii kɛ Yebusbii kɛ Girgashbii ashikpɔŋ lɛ baahã eshwiei lɛ; ni oye oshiwoo lɛ nɔ, ejaakɛ jalɔ ji bo.

Lalai 12:5

Yehowa kɛɛ akɛ, “Akɛni awaa ohiafoi ayi, ni mɛi ni efĩ amɛ lɛ kɛ̃mɔɔ hewɔ lɛ, agbɛnɛ, mate shi, ni mɔ ni shweɔ yiwalaheremɔ lɛ mahere eyiwala.”

Lalai 12:6

Yehowa shiwoi lɛ, shiwoi ni yɔɔ krɔŋŋ ni; amɛtamɔ jwiɛtɛi ni aka yɛ shikpɔŋ flɔnɔɔ mli, ni atsuu he nɔtoonɔtoo shii kpawo.

Lalai 34:8

Nyɛsaa nyɛnaa nyɛkwɛa, ni nyɛaana akɛ Yehowa ŋɔɔ. Ajɔɔ gbɔmɔ ni baa lɛ abo lɛ.

Lalai 91:15

Kɛji amɛtsɛ mi lɛ, mahere amɛ nɔ. Mi kɛ amɛ aaahi shi yɛ haomɔ mli; mahere amɛ, ni mawo amɛhiɛ nyam.

2 Mose 12:41

Gbi ni amɛna afii ohai ejwɛ kɛ nyɔŋmai etɛ̃ nɛɛ nɔ pɛpɛɛpɛ ni Yehowa webii lɛ blublu shi Ijipt shikpɔŋ lɛ nɔ.

2 Mose 12:51

Ni nakai gbi lɛ nɔ nɔŋŋ lɛ Yehowa jie Israelbii lɛ kɛje Ijipt shikpɔŋ lɛ nɔ yɛ amɛkutsei lɛ anaa.

2 Mose 13:5

Kɛji Yehowa kɛ nyɛ yashɛ Kanaanbii kɛ Hitbii kɛ Amorbii kɛ Hivbii kɛ Yebusbii lɛ ashikpɔŋ kpakpa ni da ni yɔɔ frɔ̃frɔ̃ ni niyenii pii yɔɔ nɔ, nɔ ni ekã nyɛ kɛ nyɛtsɛmɛi lɛ kitã akɛ ekɛbaahã nyɛ, lɛ nɔ lɛ, jamɔ ni nyɛkɛja lɛ yɛ nyɔɔŋ nɛɛ nɔ nɛ:

2 Mose 3:17

ni miiwo shi akɛ majie nyɛ kɛje Ijipt amanehulu lɛ mli kɛya Kanaanbii kɛ Hitbii kɛ Amorbii kɛ Perizbii kɛ Hivbii kɛ Yebusbii lɛ ashikpɔŋ kpakpa ni yɔɔ frɔ̃frɔ̃ lɛ nɔ.

2 Mose 34:11

Ye mlai ni miwoɔ bo ŋmɛnɛ nɛɛ anɔ. Naa, mibahã Amorbii lɛ kɛ Kanaanbii lɛ kɛ Hitbii lɛ kɛ Perizbii lɛ kɛ Hivbii lɛ kɛ Yebusbii lɛ ajo nyɛnaa foi.

2 Mose 5:23

Ejaakɛ kɛjɛ beyinɔ ni miba mikɛ Farao bawie yɛ ogbɛi mli nɛɛ lɛ, efɔŋ moŋ sɔŋŋ efeɔ omaŋ lɛ, ni jiemɔ hu ojieko amɛ.”

Yesaia 36:17

kɛyaashi beyinɔ ni maba mabaloo nyɛ kɛya shikpɔŋ ni tamɔ nyɛ diɛŋtsɛ nyɛshikpɔŋ lɛ nɔ, shikpɔŋ ko ni abelei kɛ wain yɔɔ nɔ, aboloo kɛ waintromi ashikpɔŋ.

Yesaia 64:1

Ao, kulɛ otserɛ ŋwɛi mli, ni okpeleke shi koni gɔji lɛ ana bo ni amɛhe akpokpo yɛ ohiɛ,

Yeremia 11:5

bɔ ni afee ni matsu kitã ni mikã nyɛtsɛmɛi lɛ he nii, no ji akɛ mahã amɛ shikpɔŋ kpakpa ni baa nii koni amɛhi nɔ tamɔ bɔ ni eyɔɔ ŋmɛnɛ nɛɛ lɛ.” Kɛkɛ ni mihere nɔ akɛ, “Yehowa, aba mli nakai.”

Yeremia 2:7

Mikɛ nyɛ ba shikpɔŋ ni baa nii nɔ koni nyɛye enɔ ŋmãa kɛ enɔ nibii kpakpai lɛ. Shi be ni nyɛbashɛ nɔ lɛ, nyɛbule mishikpɔŋ lɛ, ni nyɛhã migboshinii lɛ tsɔ̃ musubɔɔnii.

Yeremia 32:22

ni oŋɔ shikpɔŋ nɛɛ ni okã amɛtsɛmɛi lɛ kitã yɛ he akɛ okɛbaahã amɛ lɛ ohã amɛ, eji shikpɔŋ kɛ emli fɔ ni baa nii.

Ezekiel 20:6

Nakai gbi lɛ mikã amɛ kitã akɛ majie amɛ kɛjɛ Ijipt shikpɔŋ lɛ nɔ kɛya shikpɔŋ ko ni mito miha amɛ lɛ nɔ; shikpɔŋ ni hi ni ebaa nii, ni eji shikpɔji lɛ ateŋ nɔ ni hi fe fɛɛ lɛ.

3 Mose 20:24

Shi miwo nyɛ shikpɔŋ kpakpa ni baa nii nɛɛ he shi, ni mikɛbaahã nyɛ akɛ nyɛnɔ. Mi ji Yehowa, nyɛNyɔŋmɔ lɛ. Mijie nyɛ yɛ maji krokomɛi lɛ ateŋ mito afã.

Amos 2:10

Mijie nyɛ yɛ Ijipt shikpɔŋ lɛ nɔ, ni mikpala nyɛ afii nyɔŋmai ejwɛ sɔŋŋ yɛ shiaŋa lɛ nɔ kɛba koni nyɛbaŋɔ Amorbii lɛ ashikpɔŋ lɛ.

4 Mose 13:18

ni nyɛyasaraa shikpɔŋ lɛ nigii bɔ ni eyɔɔ kɛ gbɔmɛi ni yɔɔ nɔ, akɛ amɛhe wa aloo amɛhe waaa, akɛ amɛyi fa aloo amɛyi faaa.

4 Mose 13:19

Nyɛkwɛa bɔ ni shikpɔŋ ni amɛyɔɔ nɔ lɛ yɔɔ ehã, akɛ ehi aloo ehiii, akɛ maji ni atswa gbogbo awo amɛhe aloo akrowai amli amɛyɔɔ.

4 Mose 13:27

Amɛbɔ Mose amaniɛ amɛkɛɛ, “Wɔtee shikpɔŋ ni otsu wɔ nɔ lɛ nɔ; ni anɔkwale ji akɛ shikpɔŋ lɛ ewo fɔ ni ebaa nii hu, ni enɔ tsei ayibii po nɛ.

Yohane 3:13

Ni mɔ ko ekwɔko kɛyako ŋwɛi, akɛ ja mɔ ni jɛ ŋwɛi kpeleke shi lɛ, Gbɔmɔ Bi lɛ ni yɔɔ ŋwɛi lɛ.

Yohane 6:38

Ejaakɛ jeee mi diɛŋtsɛ misuɔmɔnaa nifeemɔ hewɔ mijɛ ŋwɛi miba, shi moŋ mɔ ni tsu mi lɛ suɔmɔnaa nifeemɔ hewɔŋ.

5 Mose 1:25

Amɛtserɛ shikpɔŋ lɛ nɔ aduawai lɛ eko amɛhiɛ amɛdɛ̃, ni amɛkɛkpeleke shi kɛba, ni amɛbagba wɔ akɛ, ‘Shikpɔŋ ni Yehowa, wɔNyɔŋmɔ lɛ, kɛhãa wɔ lɛ, ehi.’

5 Mose 1:7

Nyɛdɔa nyɛyi koni nyɛfãa kɛyaa Amorbii agɔji ashikpɔŋ lɛ kɛ hei fɛɛ ni bɛŋkɛ jɛi lɛ nɔ. Hei nɛɛ ji Yordan Jɔɔ shikpɔŋ lɛ, ni yɔɔ wuoyigbɛ lɛ kɛyamɔ Mediterenia Ŋshɔ lɛ naa, kɛ Kanaanbii ashikpɔŋ lɛ kɛ Lebanon aahu kɛyamɔ faa wulu ni ji Eufrate lɛ naa.

5 Mose 27:3

koni nyɛŋmã nɛkɛ mlai nɛɛ fɛɛ nyɛwo amɛnɔ, ni nyɛkɛya shikpɔŋ kpakpa ni baa nii ni Yehowa, nyɛNyɔŋmɔ lɛ, kɛhãa nyɛ lɛ nɔ tamɔ bɔ ni ewo nyɛtsɛmɛi lɛ shi eto lɛ.

5 Mose 28:11

Yehowa baahã oshwere babaoo. Omusuŋ bii kɛ okooloi abii kɛ oŋmɔshi nibaanii fɛɛ aaashwere yɛ shikpɔŋ lɛ ni ewo otsɛmɛi lɛ he shi akɛ ekɛbaahã bo lɛ nɔ.

5 Mose 6:3

No hewɔ lɛ, Israelbii, nyɛboa toi, ni nyɛjwɛŋa nɔ, ni nyɛyea nɔ koni ahi ahã nyɛ, koni nyɛshwere yɛ shikpɔŋ kpakpa ni baa nii lɛ nɔ tamɔ bɔ ni Yehowa, nyɛtsɛmɛi lɛ aNyɔŋmɔ lɛ, ewo nyɛ shi lɛ.

5 Mose 7:1

“Yehowa, nyɛNyɔŋmɔ lɛ, kɛ nyɛ baaya ayashɛ shikpɔŋ ni nyɛyaa nyɛyaŋɔ lɛ nɔ. Ebaashwie maji kpawo ni dara, asaŋ ni amɛhe wa fe nyɛ kɛje nyɛhiɛ. Maji nɛɛ ji Hitbii lɛ kɛ Girgashbii lɛ kɛ Amorbii lɛ kɛ Kanaanbii lɛ kɛ Perizbii lɛ kɛ Hivbii lɛ kɛ Yebusbii amaji lɛ.

Yoshua 5:6

Israelbii nyiɛ ŋã lɛ nɔ afii nyɔŋmai ejwɛ sɔŋŋ kɛyashi maŋ lɛ mli hii tabilɔi ni fata he be ni ashi Ijipt lɛ fɛɛ gboi, ejaakɛ amɛbooo Yehowa toi; ni no hewɔ lɛ, Yehowa kã amɛ kitã akɛ ehaŋ amɛna shikpɔŋ lɛ ni, lɛ, Yehowa ekã amɛtsɛmɛi lɛ ehe kitã akɛ ekɛbaahã amɛ lɛ, ni ji shikpɔŋ kpakpa ni baa nii lɛ.

Yoshua 9:1

Majiatsɛmɛi ni yɔɔ Yordan lɛ anaigbɛ lɛ nu Israelbii akunimyeli sane lɛ. Amɛ ji mɛi ni yɔɔ gɔji lɛ anɔ kɛ gɔji lɛ ajɔi lɛ amli kɛ Mediterenia Ŋshɔ lɛ naa maji ni yɔɔ aahu kɛyashi Lebanon lɛ. Majiatsɛmɛi nɛɛ ji Hitbii kɛ Amorbii kɛ Kanaanbii kɛ Perizbii kɛ Hivbii kɛ Yebusbii amajiatsɛmɛi lɛ.

Yoshua 9:7

Israel hii lɛ kɛɛ Gibeonbii ni eba amɛŋɔ̃ɔ lɛ akɛ, “Akakwɛ ni wɔmasɛi nɛɛ nɔŋŋ nyɛyɔɔ. Kɛji nakai ni lɛ, te feɔ tɛŋŋ ni wɔ kɛ nyɛ kpãŋɔ, ni wɔfeɔ ekome lɛ.”