2 Mose 3:7 - ŊMALƐ KRƆŊKRƆŊ LƐ

⁷ Yehowa kɛɛ akɛ, “Naa, mina amanehulu mli ni miwebii lɛ yɔɔ yɛ Ijipt lɛ, ni minu ŋkɔmɔ blɔmɔ ni amɛbolɔɔ koni abahere amɛ yɛ amɛkpalalɔi lɛ adɛŋ lɛ hu. Amɛnidɔɔ nii lɛ kã mitsui nɔ pam.

Ṅmãle̱ Kroṅkroṅ Le̱

⁷ *Ni Iehowa kē̱: Na mina amanehũlũ ní mimaṅ ní yo̱ Mizraim le̱ naä le̱, ni *ame̱blo̱mo̱ ní ame̱blo̱ö̱ ye̱ ame̱kplalo̱i le̱ ahĩe le̱ minu, edšake̱ mile ame̱nidō̱nii le̱. *2,23.

2 Mose 3:7 ပူးပေါင်းရင်းမြစ်များ

1 Mose 16:11

Yehowa bɔfo lɛ tee nɔ ekɛɛ Hagar akɛ, “Naa, ohiɛ musu ni obaafɔ binuu ni gbɛi ni ooowo lɛ ji Ishmael, ejaakɛ Nyɔŋmɔ ena bɔ ni onaa nɔ ni oyoyro lɛ,

1 Mose 18:21

makpeleke shi matee mayakwɛ akɛ nibii fɔ̃ji ni awieɔ ashiɔ amɛ ni minuɔ lɛ eyɛ mli nakai lo? Ni kɛji ebɛ mli nakai lɛ, koni male.”

1 Mose 21:17

Nyɔŋmɔ nu oblanyo lɛ gbee, ni Nyɔŋmɔ bɔfo jɛ ŋwɛi etsɛ Hagar, ni ekɛɛ lɛ akɛ, “Mɛni gbaa onaa Hagar? Kaashe gbeyei, shi Nyɔŋmɔ enu gbekɛ lɛ gbee yɛ he ni gbekɛ lɛ yɔɔ lɛ.

1 Mose 29:32

Lea na musu ni efɔ binuu. Ewo lɛ Ruben, ni ekɛɛ, “Ejaakɛ Yehowa ena mimanehulu lɛ. Agbɛnɛ lɛ miwu baasumɔ mi.”

1 Mose 31:12

Ni ekɛɛ mi akɛ, ‘Wo ohiɛ nɔ, ni ooona akɛ too kpakpoi lɛ fɛɛ ni kwɔɔ tooyei lɛ amɛhe truntrãi kɛ damdam kɛ ŋwãtãŋwãtã ejaakɛ mina nii fɛɛ ni Laban feɔ bo lɛ.

1 Mose 31:42

Kɛjeee mitsɛ Nyɔŋmɔ lɛ, ni ji Abraham Nyɔŋmɔ kɛ mɔ ni Isak sheɔ lɛ lɛ ni kɛ mi yɔɔ jikulɛ, anɔkwale sane ji akɛ obaawo mi gbɛ kɛya kɛ midɛ folo. Shi Nyɔŋmɔ na mimanehulu kɛ mininenaa nitsumɔ ni naa wa lɛ, hewɔ ni ekã ohiɛ nyɔɔŋ nɛɛŋ lɛ.”

2 Samuel 22:28

Ohereɔ humii ayiwala, shi henɔwolɔi lɛ obaa amɛ shi.

2 Maŋtsɛmɛi 13:4

Shi Yehoahaz kpa Yehowa fai, ni Yehowa bo lɛ toi; ejaakɛ Yehowa, ena bɔ ni Siria maŋtsɛ lɛ haoɔ Israel ehãa lɛ.

2 Maŋtsɛmɛi 20:5

“Kũu osɛɛ ni oyakɛɛ Hezekia, mimaŋ lɛ nɔ lumɔ lɛ, akɛ, ‘Bɔ ni Yehowa, otsɛ David Nyɔŋmɔ lɛ, kɛɛ nɛ, minu ofaikpamɔ lɛ, ni mina ohiɛ yaafonu lɛ; naa, mibatsa bo; ni biɛ gbii etɛ̃ lɛ, ooonyiɛ onane nɔ kɛaaya Yehowa we lɛ.

Nehemia 9:9

“Ona amanehulu ni wɔtsɛmɛi lɛ na yɛ Ijipt lɛ, ni obo amɛtsɛmɔ ni amɛtsɛ bo lɛ toi yɛ Ŋshɔ Tsuru lɛ naa.

Lalai 106:44

Shi kɛ̃lɛ, be ni enu amɛbolɔmɔ lɛ, enu amɛhaomɔ lɛ he ehã amɛ.

Lalai 12:6

Yehowa shiwoi lɛ, shiwoi ni yɔɔ krɔŋŋ ni; amɛtamɔ jwiɛtɛi ni aka yɛ shikpɔŋ flɔnɔɔ mli, ni atsuu he nɔtoonɔtoo shii kpawo.

Lalai 142:3

Be ni mimumɔ tɔ biti yɛ mimli lɛ, bo ole migbɛ lɛ. Mihenyɛlɔi etsɔ̃ tsɔne kɛtee mi yɛ gbɛ ni minyiɛ nɔ lɛ nɔ.

Lalai 145:19

Mɛi ni sheɔ lɛ gbeyei lɛ, efeɔ amɛnitaomɔnii ehãa amɛ; eboɔ amɛbolɔmɔ toi ni ehereɔ amɛyiwala.

Lalai 22:24

Ejaakɛ ekwaaa nɔnalɔ nɔnaa lɛ, ni ekuuu ehiɛ efɔ̃ɔɔ nɔnalɔ nɔ. Shi be ni nɔnalɔ bo etsɛ lɛ lɛ, ehere lɛ nɔ.

Lalai 34:4

Mitao Yehowa sɛɛgbɛ, ni ehere mi nɔ; ni ejie mi kɛje migbeyeishemɔ fɛɛ mli.

Lalai 34:6

Ohiafo bolɔ etsɛ Yehowa, ebo lɛ toi, ni ehere lɛ kɛjɛ ehaomɔi fɛɛ amli.

Lalai 35:22

Oo Yehowa, bo diɛŋtsɛ ona, kaafee diŋŋ! Oo Yehowa, okɛ mi teŋ akajekɛ kwraa.

Lalai 9:14

koni majaje oyijiemɔi lɛ fɛɛ yɛ Yerusalɛmbii lɛ agboi lɛ amli, mimli aaafli mi, ejaakɛ ohere miyiwala.

2 Mose 1:11

No hewɔ lɛ, Ijiptbii lɛ totoo nitsumɔ nɔkwɛlɔi yɛ Israelbii lɛ anɔ koni amɛkɛ nitsumɔi keketekeketei awa amɛ yi. Israelbii mamɔ nitoo maji ni ji Pitom kɛ Rameses amɛhã Farao.

2 Mose 1:8

Agbɛnɛ maŋtsɛ hee ko ni leee Yosef baye Ijipt nɔ.

2 Mose 22:23

Kɛji awa amɛ yi, ni amɛfo amɛtsɛ mi lɛ, ja mibo amɛyaafo toi.

2 Mose 33:13

No hewɔ lɛ, agbɛnɛ miikpa bo fai, kɛji ona he miishɛɛ lɛ, hã male oyiŋtoo (yɛ gbɔmɛi nɛɛ ahe) bɔ ni afee ni male bo, koni masa ohiɛ. Kaimɔ hu akɛ nɛkɛ maŋ nɛɛ omaŋ ni.”

2 Mose 5:10

Israelbii lɛ akpalalɔi lɛ kɛ amɛnɔkwɛlɔi lɛ yiŋ amɛtee, ni amɛyakɛɛ Israelbii lɛ akɛ, “Farao kɛɛ kɛjɛ kɛyaa nɛɛ lɛ, ehãaa nyɛ jwɛi dɔŋŋ;

2 Mose 5:6

Nakai gbi lɛ nɔ nɔŋŋ lɛ Farao wo Israelbii lɛ akpalalɔi lɛ kɛ amɛnɔkwɛlɔi lɛ kitã akɛ,

Yesaia 63:9

yɛ amɛhaomɔi fɛɛ amli lɛ. Jeee tsulɔ loo ŋwɛi bɔfo ni here amɛyiwala, shi Yehowa diɛŋtsɛ jɛ esuɔmɔ kɛ emɔbɔnalɛ mli ehere amɛyiwala, ni ehole amɛ, ni ehiɛ amɛ yɛ blema beiaŋ fɛɛ.

4 Mose 20:16

Wɔfo wɔtsɛ Yehowa, ni ebo wɔ toi, ni etsu bɔfo ni ebajie wɔ kɛje Ijipt. Wɔbashɛ Kadesh amrɔ nɛɛ, ni ji maŋ ni yɔɔ ohusu lɛ naa kpaakpa.

Bɔfoi 7:34

Mina mimaŋ ni yɔɔ Ijipt lɛ amanehulu lɛ, amɛŋtsɔidɔɔmɔ lɛ hu minu; ni mikpeleke shi miba amɛ jiemɔ; no hewɔ lɛ, ba ni matsu bo Ijipt.’

Hebribii 4:15

Ejaakɛ wɔsɔfonukpa ni wɔyɔɔ lɛ ejeee mɔ ni nyɛ̃ɛɛ anu wɔgbedemɔi lɛ ahe ahã wɔ, shi eji mɔ ko ni aka lɛ yɛ nibii fɛɛ agbɛfaŋ tamɔ wɔ, ni kɛ̃lɛ esha ko esha ko bɛ ehe.

1 Samuel 9:16

“Wɔ benɛ mli lɛ mibatsu nuu ko ni jɛ Benyamin akutso lɛ mli oŋɔɔ koni ofɔ lɛ mu, ni owo lɛ mimaŋ Israel maŋtsɛ. Lɛ ebaahere mimaŋbii lɛ yɛ Filistibii lɛ adɛŋ. Mina amɛnɔnaa lɛ, ni minu tsɛmɔ ni amɛtsɛɔ koni ahere amɛ lɛ.”